#NSS家庭 [GUEST] 父母離婚, 雙方都好愛我, 我同阿媽一齊住, 平時有咩都可以同阿媽傾, 佢多數會畀到情緒支援我, 但係唔係點畀到實質建議。而阿爸雖然唔擅長表達情緒, 但係可以畀到好有用嘅建議,。我好感激阿媽願意畀情緒支援我, 但係我由好清楚自己需要實質建議多啲, 所以我同阿媽講有啲想搬返去同阿爸住, 希望可以攞到多啲實質建議, 我阿爸都表示, 如果我搬返去同佢住可以更加容易傾到計, 但係會尊重我嘅意見, 唔會逼我搬返去同佢住。我阿媽係同意嘅,佢表示如果我搬去同阿爸住可以令我前路更加明確, 佢願意畀我搬去同阿爸住。但係我都睇得出佢唔開心, 我唔希望為咗我嘅前路, 而要令我阿媽唔開心, 始終我都好愛佢。呢度希望徵求大家嘅意見, 大家會願意為咗前路離開好愛自己嘅阿媽嗎? (因為一啲私人因素, 令我冇辦法同阿爸成日傾到電話, 喺呢度唔方便公開, 十分抱歉。)
#NSS學業 [Guest ] Admin po ig thx 話說今年小弟啲朋友全部都分散喺隔離班，只有一兩個真心朋友「入咗我個班」。但係嗰個該死嘅分班制度令到佢哋基本上都唔係我個班。所以我就認識左多好多朋友，而其中有一個X 嘅同學，我本身當佢知己，但佢已經搞左12單好重要嘅野出來，講返幾個比較嚴重啲事件。 佢有一次喺小息嘅時候走去搔癢我，我本身就係一個怕癢的人，最後我已經趴左落地下，佢仲要隻手係咁推，跟住然後撞我落教師枱，最尾就係成個下晝都喺度睇跌打。 再有一次最尾嗰堂係英文堂，我執到一半書包的時候已經同隔離啲人講唔好執我啲野，陣間會返嚟拎。（因為個老師吹緊我）殊不知，佢就將我啲重要物品全部轉讓比老師（因為佢成日會攞我書包啲嘢）（包括銀包），啱啱手機又冇電，所以最後要等親戚係一個鐘頭之後解救我（因為我要坐地鐵返屋企）。 好啦再有一次佢係無聊一齊定係點，走去photoshop我同另外一個女仔做情侶，跟住搞到啲老師知，跟住之後我日日就比佢哋訓導。 然後尋日，我哋有Lfed present，我明明肝左三日，佢都知道。但係去到臨present，佢竟然同老師講我乜都冇準備，直接令到我分數downgrade。 自問自己我好少會搞朋友，我亦係朋友中嘅評價都好好。想問問大家，應該點樣處理佢好？