#NSS個人 [GUEST ] 標題：玩大左 admin po ig plzzzz 小弟f1,自己平時都算一個好多野講嘅人,（有時都幾臭串下,但多數都唔會掂到底線） 直至有一次隔離班嘅一個女仔,簡稱X（因為隔離班嘅人其實好抖音仔，所以我一直都好唔中意佢哋）就po咗啲賣肉相上ig，我個陣就隨手打咗幾句唔太好聽嘅嘢俾佢，個陣冇思考咁多以為講下笑咁，結果X好唔開心，覺得比人侮辱咁，宜家想交比老師處理，我自己都有反省過，我咁樣做係過火左。 事件發生後其實已經即時向佢道返歉，但係依個開大左嘅玩笑令我以前嘅好朋友宜家都對我改觀，我應該點樣挽回局面? sor for 1999
#NSS個人 [GUEST] 第一次投稿，戴定頭盔先，我表達能力唔好，可能會打到1999，同埋有機會打錯/漏字，請見諒。應該算係長文？辛苦大家。 我今年中五，讀嘅都唔係啲咩好勁嘅學校，只係一間平平無奇嘅Band2中學。 2020年1月1號，係一切事情嘅開首。其實都唔係啲咩大事，只係一個我唯一可以傾訴、唯一可以信賴嘅人離開咗我，係好突然嘅事，突然到我係1月1號凌晨4點幾先收到訊息。雖然我知道佢有一日總會離開我，但我冇諗過呢日咁快就到，一時之間我接受唔到，就係咁喊咗成個禮拜，有時仲喊到夜晚會嘈醒埋屋企人。（大家可以理解為失戀，我一直以為傷心會比時間沖淡，但好似時間越耐，記憶就越清晰⋯⋯好多時候人哋都會話唔好比懷念嘅時間長過經歷嘅時間，但其實我哋之間只有十個月，而我懷念咗近年半，直到依家，都仍然係放唔低，我仍然係好掛住佢，但我會逼自己唔再搵佢，正如佢都唔再搵我一樣⋯⋯） 由細到大我都以為我唔係啲需要見社工嘅人，亦從來冇諗過自己竟然有一日需要去錄口供，而係2020年，我發現我錯了。（詳情唔講咁多喇，唔係重點）所有嘢都開始纏住我唔放，老師、社工、警察、家人⋯⋯當其時我真係好驚，我冇人可以傾訴，我唔想人哋知道我嘅事，於是呢啲心事就越收越埋，直到依家，我都唔知點去開口。由上年開始我每隔一個月就要去見一次社工，每次我收到訊息嘅時候，我內心都係十萬個唔情願，我成日都覺得自己點解咁奇怪，點解自己要見社工，係咪我做得太差⋯⋯每當諗到呢到，我又忍唔住喊。其實由開首個日起，我幾乎每晚都係喊住瞓，慶幸嘅係，我冇出現失眠嘅問題。 講完導火線，又分享下我自己察覺到自己嘅變化。我本身都算係靜嘅人，老師、朋友都係咁同我講，但我又唔係靜到自閉個類人，我都會有正常社交。（對唔住大家，我唔識點樣形容，但我呢類人應該好常見，所以應該唔難幻想？）而我發現，近呢一年，我越嚟越討厭交際，我好怕同人相處，我好怕人哋會發現我嘅唔妥，我更怕自己會將負面情緒傳染到人，影響到人哋嘅生活。所以每次同人相處，我都會覺得好辛苦，好想快啲逃離。我唔識得點樣去應人先係最好，我唔識得應該要比咩反應，我唔識得去安慰人，我連自己都安慰唔到⋯⋯就係咁，我發現自己好似越嚟越封閉自己，外面嘅世界好似同我格格不入，好似街上面嘅每一個人，都過得比我幸福。我見到每個人都有自己嘅顏色，唯獨我一個，係灰黑色，好似比朵烏雲罩住，就連雲，都纏住我唔放。明明我應該要覺得幸福，但我一啲感覺都冇⋯⋯ 我鍾意自己一個返學、放學，自己一個坐係巴士靜靜地聽下歌，有時仲會忍唔住係巴士上面喊（當然唔係大喊個隻，只係流眼淚）。有時又會好想搵藉口推咗朋友嘅邀約，我一諗到出街又要面對住人咁耐，就覺得好攰，唔想出去。同朋友嘅接觸越嚟越少，只係淨低每日嘅一齊返學放學，但途中，我都係盡量一直戴住耳機，拒絕同人溝通，一直沉醉係自己嘅世界。最近又發現自己經常嘆氣，可能係因為焗？見人之前又嘆一嘆氣，見人之後又嘆一嘆氣，上堂每隔十分鐘又嘆一嘆氣，做咩都嘆氣。去到呢到，我已經覺得自己似乎出現咗啲問題，但我又唔知點解決。 然後係學業壓力方面，以前我都係覺得自己係一個冇乜壓力嘅人，父母唔會比太大嘅壓力我，都係放任我自己想點就點，考得好就讚幾句，考得差就講幾句，都唔係啲嚴厲型嘅父母。但呢個竟然成為咗我嘅壓力之一，可能人真係犯賤，當冇人管你時，你又會好渴望被管，而我就係呢個犯賤嘅人。佢哋越唔比壓力我，我比自己嘅壓力就越大。我嘅家族我嘅親戚都冇乜幾個係入到大學，而佢哋見到我係呢間Band2學校嘅成績都叫好，就好希望我入到大學。而老師都一直同我講，我可以入到三大，期待我嘅表現。（Band1嘅同學見笑了，係我學校嚟講，入到大學嘅人唔多，更何況係三大）但我太清楚，以我嘅實力，完全唔夠出面嘅人鬥，雖然佢哋口講係冇比壓力我，但我成日都形住我要努力讀書入大學，我唔可以辜負老師、親戚對我嘅期望，其實又唔係完全為佢哋嘅，我自己都好想入到大學，但呢件事令我壓力又大咗。 我覺得自己都算係比較不幸，係中四升中五期間，我讀7科，轉咗4科老師，冇錯，高中都轉老師，其中兩科更係轉過2-3次。其實只係咁啱轉老師嘅科，全部都係我選修嘅科，導致好似科科都轉老師咁。問題係，其中3科我本來好鍾意、好有興趣、較有信心嘅科都轉咗老師。前一秒Po完Story話好鍾意某某某科某某某老師，下一秒個科就轉新老師。可能你哋又會覺得：「轉老師姐，又唔係逼你轉科，有乜大不了姐。」但對我而言，其實老師嘅教學方式係好影響學生嘅學習，而轉咗個3科嘅老師，都係我覺得教學方式好啱我，令我學得好開心，所以我先會覺得轉咗老師好可惜。而我會咁大壓力，係因為呢啲老師係離開之前，都對我抱有好大嘅期望，我好想考好個DSE比佢哋睇，我唔想辜負佢哋，我想好好多謝佢哋。最近我甚至夢見過呢啲老師返咗嚟，再次一齊上堂，而呢啲夢全部都好真實⋯⋯ 而且高中本身壓力都大，好多SBA好多Test堆埋一齊，再加上疫情影響令好多課程都趕唔上進度，補課多到登天，每日返到屋企都係補課功課温書瞓覺。細個個陣睇啲日本動漫，成日以為高中生活會好精彩，一直都好期待，直到我依家讀到中五，先發現我一直以嚟嘅期待都係錯誤嘅選擇。高中除咗DSE，都係DSE。我一直都好想相信讀書唔係一切，老師都會咁同我哋講，但講就咁講姐，到頭來咪又係日日同我哋講DSE有幾重要又點點點。我成日覺得DSE不過係人生一場小小嘅考試，點解要放得咁重剝削晒學生時期應有嘅快樂，殘酷嘅社會好快就回應咗我嘅問題，我冇才冇藝，唔讀書出到社會好快會被淘汰，因此我只係淨低一個選擇：讀書。 我諗我都算係比較早開竅嘅人，我小六開始就意識到讀書嘅重要性，我就開始認真讀書，可惜我都係遲咗一步，完晒呈分試我先開始讀書，最後都係逃唔過Band2嘅命運。而我想帶出嘅就係，我好似發力得太早喇，一向唔慣讀書嘅我靠自己意志力捱到上高中，初中時成績都唔差，維持係頭五，每年進步一名，去到F.4追到上第二，但我感覺到自己嘅力好似用得差唔多喇，我知道DSE係一個長跑比賽，而我花太多力去做熱身，到真正要跑嘅時候，我已經冇力再發。見住身體嘅同學一個一個發力進步，而我自己就停滯不前甚至下滑，好似比啲巨浪沖走咁，我已經冇力再游返上岸。可能你又會覺得呢一切都係藉口，只不過係我唔夠努力，我都係咁覺得，但我嘅真實感受同我講，我冇力喇，橡筋再拉就斷，我感覺自己好似就嚟斷，身心交瘁呢個Term真係完全反映到我嘅感受。最令我憂慮嘅，係我發現成績一直跌緊，有啲卷甚至跌咗成個Level，但我已經冇心冇力去追返。 而我最近察覺到問題好似越嚟越嚴重，嚴重到我上堂做做下測驗無端端係度喊（冇人發現到，老師亦做緊自己嘢）喊到完全諗唔到嘢，當時係考緊Lis Part B，而我就一直發呆揭Data File，揭到淨返半個鐘個人先醒返，然後先開始左抄右抄求其抄啲Points落去呃分。做過咁多次測驗，考過咁多次試，我第一次喊到咁，之前（都係2020年）最多都係因為解極都解唔明一題又冇時間淨，緊張到眼濕濕，情況同今次好唔同。我本身係一個好怕考Oral嘅人，手震腳震口震一個都走唔甩，但今次更加嚴重，考前一個禮拜甚至一個月就開始驚，驚到個心好似就快跳出嚟，驚到好想嘔，甚至驚到小息自己走入廁所喊（我好鍾意廁所，無論係屋企定學校，我都會走入廁所喊，廁所係唯一一個我覺得唔會比人發現嘅地方，可以放心喊），直到打小息鐘先走返出嚟。 講返前幾日我如常去見社工，我同佢講咗少少我嘅近況（即係上面個堆），佢同我講我可能有少少抑壓、自閉傾向、對自己唔夠好，甚至話可能下次要轉介我去心理醫生個邊做下啲測試。我聽到呢度真係好驚，我一直都覺得自己應該算係開朗樂觀嘅人，從來冇諗過情緒病會同自己扯上關係，我好怕自己真係有病⋯⋯有冇人可以教我點樣解決呢個問題？ 一時之間諗唔到太多例子，以上係我自己察覺到唔妥嘅地方，到底我係因為學業壓力太大，定係因為其他問題先搞到咁？我好似將自己逼到透唔到氣，甚至多次出現輕生嘅念頭（但我太細膽喇，我好怕血好怕傷口，平時刮損少少都覺痛，所以我一直好希望上天可以賜予我一場意外，咁我又唔會辜負家人，又可以逃離呢個世界⋯⋯） 我見呢個平台好似冇咩朋友會睇到，就上嚟講一講，我真係唔知仲有邊度可以比我傾訴，我依家真係好辛苦、好無力、好冇方向⋯⋯ 對唔住大家，我好似開始語無倫次喇，講咗咁耐其實我係想問：我應該點樣做先可以減輕壓力？我應該點做去改善情緒？ 仲有就係…如果可以，我想聽到一句加油。
#NSS學校 [魯斯費學校] 我唔鍾意某啲老師，所以搞到連堂都唔鍾意上。 學校有個老師成日鬧人，每堂都係乜都要鬧一餐，仲鬧埋啲無厘頭嘢。例如自己寫錯功課嘅deadline(講咗畀佢聽)又鬧我地遲交。 另外又有個老師廢到嘔，次次入課室就叫我地做卷，佢自己就去睇電腦，咁就完咗一堂，仲無料到成日寫錯字。而且經常改錯卷，我試過考試被改漏十分，有同學仲被改漏廿幾分，成日有堆人走出嚟話佢改錯。 又有個老師好鬼多事，把口好衰。例如我畫畫佢走埋嚟望，笑我畫嘅畫奇怪，雖然我畫得樣衰啫但唔駛咁啦嘛…… 真係希望多啲遇到有心教，又好人嘅老師，我唔鍾意番學好大原因都係因為上面嗰啲老師，唉。🙃
#NSS學校 [Guest] 身為2024Dser真係好慘［可能少長］ 學校啱啱宣佈咗話因為公民及社會發展科少咗時間所以轉左一定要揀三科 社會發展科內容會少咗，少咗讀嘅時間，所以學校就話全部人都要讀三科，話就話內容會少咗但係其實都唔知分卷淺定易，又加上冇pastpaper可以做，令到可以溫嘅嘢少之又少；同埋中文英文好似話冇咗卷三卷四，令到卷一同埋卷二可能會更加難，直接定生死；加上要讀多一課我自己可能都handle唔到，有諗住from4求其揀一科讀之後drop咗佢，但係如果少咗一課又好似好蝕底，因為社會發展科剩係得達標同唔達標，所以要焗住唔可以drop 唉，真係完全唔知下一步要點做，啲內容話改就改，我哋呢一屆成為白老鼠，真係好撚迷惘 #香港讀書真係好撚慘 sorry for 199
#NSS愛情 [唔知用乜嘢方法搵返佢講嘢好..] 同初戀分左手差唔多三年幾，可以話喺大眾嘅眼中都算係puppy love但對我嚟講唔係，分手嘅時候佢有一直挽回，但係自己一直冇理到，分咗手差唔多一年嘅時候 自己又有我follow返佢IG 佢亦都有follow返我 有傾番計都算係朋友咁 到咗分手第二年自己發現開始然後放唔低佢 自己嗰陣時想追番佢 就諗住同佢曖昧 佢都嗰陣時算係好關心我 嗰陣時嘅暑假就借啲意扮飲醉酒睇吓佢會有反應 冇諗過佢會講一啲好男朋友會講嘅嘢 由嗰陣時就開始諗住追番佢 但到咗下一日佢個人就好似變咗咁 之後就冷淡左好多 之後都冇乜講嘢 直接就好似冇咗聯絡咁 到左分手第三年 自己喺年尾係發現自己原來放唔低 就表左白 但之後俾佢拒絕咗 到左12月尾佢有約我一齊倒數但係我冇應承 因為喺11月至12月佢真係好冷淡..上線又不讀不回，覺得自己好浪費心機就冇應承，到左1月就冇再同佢講任何野 決心要去放低佢
#NSS個人 [guest] admin，麻煩可唔可以post上IG，謝 – hi大家好，我係男仔一枚。。是咁的，我想gel手指甲。 – 我到依家仲有咬手指呢個習慣，咁我就唸住gel甲會晤會改變呢個習慣。我發覺我好鍾意啲人搽啲指甲油，我覺得幾靚下。但係畢竟我係男仔，身邊都無男仔gel甲，唔知大家點唸。。。 – 我search左某地美甲師，有啲唔收男性客人，咁可唔可以介紹啲收男仔客人嘅美甲師？同埋，我應該自行買指甲貼/搽gel定係搵專業人士幫手？ – thanks各位 圖Link: https://purewows3.imgix.net/images/articles/2020_08/harry-styles-nails-cat.jpg?auto=format,compress&cs=strip