#NSS個人 [Guest] 我今年中五。我一直keep住翻pt，所以戶口都叫做有啲錢。而朋友問我借錢我都會借比佢。咁話說有個朋友1月借咗我1000蚊，到而家都未還，而我都冇催佢。 . 其實本身都冇問題，但我下年考DSE，重心要放翻去讀書所以3月就辭咗職。而屋企人最近冇工開，要暑假先有工開，所以我冇問屋企攞錢(開始做嘢嗰陣就叫咗父母唔使比零用我)。 . 咁呢幾個月要返學冇得痴屋企飯食所以銀行啲錢都用得差唔多。最衰嘅係問我借錢嗰個朋友5月頭先問我嗰1000蚊可唔可以再遲少少還。嗰陣我諗佢應該冇錢使先遲還，所以我就同佢講可以。 . 但呢排我見佢story不停買嘢，明星poster、專輯、波鞋、化妝品乜都有。有錢買嘢但同我講冇錢還哈哈哈哈，大佬你係都唔好比我睇到吖。雖然條氣唔順但我冇勇氣叫佢還錢，同埋我唔知佢經濟狀況點。費事強人所難。 我想問我應該點做☹️唔好話咩啲錢我憑實力借翻嚟，啲錢係我用勞力賺翻嚟架！！！！！ 最後希望大家借咗人錢後唔該以還錢為首要任務，借完人錢唔好再買買買！明知自己窮就唔好買咁多啦，特別係借咗人錢嗰啲！！！！！！！！！！！！！！！！！！！ sorry for 1999 求admin po ig🙇♀️
#NSS學業 [GUEST] Admin po IG thx🙏🏻 講返少少背景先 我依家讀phy, ICT, m2 都可以算係個Band1尾嘅學生咁啦 下年f.5 開始考慮大學嘅嘢 本來冇打算外國留學 但係最近睇咗啲資料 開始諗留學到底適唔適合自己 本身係打算讀UST嘅maths/engine/phy(入面具體讀咩其實都唔係好肯定 不過基本應該都係呢啲科) 然後其實自己對日本文化都有啲興趣 所以諗緊要唔要讀CU日研(聽講有一年留學機會🤔) 至於留學嘅話 應該都係台灣或者日本(識日文) 但係具體邊間好, 費用等方面都完全唔清楚 上網搵資料又冇乜用
#NSS學校 [Guest] 早幾個月有人投稿話我哋Head Prefect 有幾差。近排佢已經走火入魔。 一直以來，校方沒有正視佢同成個Team嘅問題，導致有好多過分嘅行為。我去咗外國無冇耐，見到佢呢啲問題好心噏。所以下面將會分開校方、負責老師、同head prefect 嘅問題。 校方：未能知人善任。明明係我哋心目中有一位師兄可以勝任，但係校方冇任命佢，反而任命一個極大爭議性嘅師兄。 負責老師：佛系處理問題。當我哋嘅head prefect 橫行無忌嘅時候，負責老師冇阻止佢，反而隻眼開隻眼閉，由得佢任意莽為，甚至同佢一齊打壓反對head prefect嘅同學。 head prefect：操控輿論，用人唯親。之前佢不斷打壓一啲佢唔鍾意同對佢有威脅嘅人。去到依排，佢疑似開咗個學校Secret Page，但係佢利用Secret Page讚自己做得好好。 綜合以上情況，可見學校管理手法無能。如果唔信，可以睇之前有人post過一啲佢嘅問題，甚至學校係一啲事上嘅處理手法極無能。假如學校再唔改善相關問題，下次將會開校名，比所有人知道我哋學校嘅不濟。
#NSS學校 [北區某區內名校] 其實點解喺學校上咗6堂都要返屋企zoom埋剩低兩堂？真係好冇意義。如果話上平時啲堂咁都算，但係連體育堂都要zoom係想點。 返到屋企已經好L攰，食lunch又要勁急（有幾次趕到直接唔食） 話就話已經延長咗午飯時間由12:50-2:30，但係住得近嘅返到去都已經撘三或者搭五🙄住得遠啲咪仲要更耐？！ 雖然話返唔切屋企可以留係學校，但係點知會唔會塞車，有意外？返唔切屋企開鏡頭就當缺席，真係chur到爆！ 同一個機構開嘅，點解lks就唔使上埋下午堂？人哋放學就真係放學，我哋就唔係！公平咩？ (Post ig and sorry for 1999)