—類投稿

#NSS其他 [OvO] 唔知點解之前投嘅稿冇post出黎，係唔係我部電腦有問題，冇成功投出黎？

#NSS學業 [guest] 我應該點做 咁我間學校31號就開始考試 我今年中二 成績喺啲合格邊緣 咩40幾分或者51 52咁 然後 我老母就話如果再唔合格 就去一個親戚屋企補 咁個親戚的確幾叻 博士嚟嘅 仲要讀數添 但係我真係唔想去佢度補 之前經常俾佢鬧到喊 又話我垃圾都不如 又睇我手機 我真係好憎佢 咁我唯一方法得全部合格 我老母仲話盡量攞70幾分返嚟 講真我見到啲書即刻冇曬動力 同埋唔識點溫書 完全唔知點算 各位有冇咩建議qwq

#NSS愛情 [GUEST] 我想問吓拍拖係咩感覺㗎 麻煩各位大佬屌細力啲 可能你哋會話 你試吓拍拖咪知咩感覺囉 可惜冇人睇上我呀qwq

#NSS其他 [Guest ] 我淨係想問文青同MK係咪同一樣嘢❓❓ 我以前喺IG post左一輯喺迪士尼影嘅相 post 完之後就比小學朋友話我係MK妹😺 咁究竟文青同MK係唔係同一樣嘢? sorry for 1999

#NSS學業 [guest] 麻煩admin po ig thx 其實f3 Bio有咩答題技巧 因為次次背晒都唔合格 溫完好似冇溫咁 搞到驚左呢科

#NSS其他 [Guest] 大家有無咩辦法俾form 3 學生賺錢 兼職除外😅

#NSS個人 [Guest] 小妹今年F2 因為讀書好差 讀極都讀唔好 好氣餒搞到最近壓力好大 好想搵人發洩下 但係身邊好多人過得辛苦過我好多 聽完佢哋講之後 覺得自己無資格去發洩，無資格去唔開心 然後夜晚自己一個係到喊 好無助。。。。我可以點？

#NSS個人 [guest] 小妹今年15歲，平時係人地面前係個幾樂觀、活潑、多嘢講嘅人，都唔算少frd。 但上年開始，成日無啦啦好悲觀，夜晚會失眠（平時可以瞓12個鐘），會諗如果自己死咗會點，或者其實我身邊嘅人都好憎我。但係現實同身邊frd都好正常，無鬧交、無疏遠，同屋企人關係都ok。 成績愈來愈差，有唔合格，差啲升唔到中三，想讀書但完全讀唔到，身邊啲frd成績全部都80以上，有搵佢哋教我、上網搵但全部都冇用，好無力。有荒廢學業嘅想法，淨係想收埋自己。 最近會因為小事（e.g.睇睇下動漫）就無啦啦想喊，突然會好燥，以前戒咗滅手指，而家又開始返，同埋有無人明我嘅感覺。 想知自己發生咩事，多謝你地睇曬，唔該admin出post，thxxxxx💜

#NSS愛情 [Guest] 對於 “鍾意一個人” 同 “愛一個人” 有好大差別。 對於男仔鍾意一個人，會留意佢身邊嘅事物，但係唔會覺得自己要負責任。同一個鍾意嘅女仔拍拖，佢會好sweet，但係唔會真係為你付出、改變。 男仔愛一個人，會負責任，會刻意避開啲女仔，亦會為你付出同改變。 而女仔鍾意同愛都好相似，睇佢為你付出嘅程度，如果佢願意不顧尊嚴咁搵你，佢一定好愛你。 所以大家拍拖嘅話一定要好好珍惜另一半，唔好等失去先識珍惜。

#NSS愛情 [GUEST] 我今年F3，近排發現我成日上堂望住佢，佢去邊我就望邊，遠遠哋就可以慢慢睇住佢，太近嘅話我就唔夠膽… 佢有時喺課室派嘢會行去我嗰邊，我個心就會跳得好快。 之前小息我都係同啲frd傾計，跟住就無嘢做，但係呢排都會去睇佢打波。 有時夜晚發夢仲會見到佢… … 諗番起…真係唔知點解打火機會無啦啦tak著左。 可能係因為共同嗜好…（好奇怪）可以搵黎傾一啲心事嘅異性，除左佢，已經諗唔到第二個… 亦都無其他再frd啲嘅異性 … 雖然呢段仲係好初期嘅事，不過我係咪應該爭取機會，定係都係專注學業好… 其實「凡事都有機會」，只要我主動啲，令佢對我有啲好印象，或者起碼同佢再熟啲都好。畢業之前仲有機會可以同佢告白啦… 但係我都有啲擔心自己係咪諗得太多。想喺WhatsApp同佢傾計嗰陣，都覺得好似要比多啲私人空間佢咁，又唔知講咩好。加上以佢嘅性格（或者唔係勁frd嘅關係），我覺得佢唔會信我鐘意佢… 真係覺得好矛盾。 Sorry for 1999