#NSS學校 [guest] 其實做人功利啲，又有咩所謂喎（親愛嘅admin, 我明示暗示都叫你攞呢句做標題） 好多人都話，待人要夠真誠，咁樣人緣先會好，但我就唔係咁諗啦！雖然我自我唔算利益至上既人，不過我唔介意身邊啲人利用我。 我有一個friend （下稱A)好明顯係有事先搵我，例如冇人陪佢食飯先搵我陪佢食、小息啲friends 冇返先搵我攝時間、wts/ signal 亦都係只會問功課再加少少閒話，我就覺得完全無問題，問題係我best friend（下稱B) 覺得有問題。 B 成日都話好唔鍾意啲功利主義既人，唔鍾意比人利用，如果佢擦覺到比人利用緊，就會慢慢疏遠佢，而A正正就係佢眼中既呢種人。 所以其實大家點睇以個人利益為首要目標所建立嘅人際關係？係唔係真係咁不可取？
#NSS家庭 [Guest ] 我想喺呢度訴下苦。 我嘅父母不嬲都有情緒病， 啊媽長期發作焦慮同好易發脾氣；而啊爸有鬱燥症，不過甚少發作，平時都好溫柔。啊媽每日無端端發脾氣鬧人，日日喺屋企怨自己冇錢，加上平時語都幾差，搞到我嘅心情都唔係咁好，我唯一只可以同啊爸傾。有咗疫情，佢地唔係好注重衛生，我會提佢地返屋企要洗手、換衫，我冇惡過。就係咁，提得多，令啊爸緊張，佢啲病又復發。試過好多次，我一講嘢，佢就鬧爆我，仲問我係咪想整死佢，啊媽又鬧埋一份，我次次都開始眼濕濕，又唔敢喊。我已經唔敢喺屋企開口，提更加唔敢，長期都好有罪惡感，一諗起就個心好難受，我又唔想同朋友講，每日都唔想留喺屋企，心很累。我係咪都癡左線，定係我太玻璃心？ 喺度放負，打攪晒😞 Sor for 1999
#NSS愛情 [Kn] 好唔容易揮別過去。 呢段時間我一直避免同女性交流，即使係有好感嘅亦會盡量保持距離。 因為我唔想顯得輕浮花心，於是對面前嘅關係視而不見。 其實我應該一早就知道，只係唔想喺未ready好嘅時候隨便辜負人哋嘅心意。 到我正式搞掂以前啲嘢就已經過咗兩年。 一直都冇乜事，但最近唔知點解無啦啦諗起佢。 但明明我之前對佢冇咁深嘅感受。 係因為寂寞，定係因為以前啲嘢已經放低曬呢? 就好似有種唔屬於我嘅情感不斷湧入心房嘅感覺。 唔同班嘅我哋，已經毫無交集。 雖然冇不和過，但係呢兩年期間我哋都冇再講過任何一句話，無論線上定線下。 只靠校務堆砌嘅關係喺不知不覺間憑空消失。 我一直都冇在意過，到宜家先後知後覺。 恍若發生喺昨日嘅事，原來同2021都已經有一段距離。 睇翻以前啲嘢，先發現曾經有過好多細節，只係當時麻木咗嘅我冇為意。 失去共同話題嘅關係，應該要點樣挽回? 佢又會唔會因為我當時嘅視而不見而放棄我呢?
#NSS學業 [SXCC] [純發洩]小妹今年F3。今年我哋學校已經越嚟越痴線，本身仲可以容忍到，但而家係關乎全級利益嘅問題，所以想上嚟secerts投稿。 講一講背景先，我哋有兩班精英班，其餘四班係普通班。成績差距都幾大，特別係bio，精英班average有成75/100左右，但非精英班就冇合格過。 事緣就係距離考試只不過剩返兩個星期，大部份科起碼有三成書係未教晒， 例如係數學仲有整整兩課未教過（已經係教得最快嗰班），亦都有幾科已經話要考試之前狂補課。學校而家先比syllabus 仲有考試時間表我哋，比著係平時嘅話通常一個月前已經會比syllabus 加timetable，書亦都會係一兩個星期之前教曬。因為通常term尾啲野係比較難而且有啲科係要考返哂成年嘅野，再加上書仲有好多野先教完，大多數人包括精英班嘅都喊晒口話完全handle 唔到，大部分同學都未開始溫書。 其實未考之前都已經估到，因為mid term嗰時都見到非精英班好多人都起碼有一兩科係肥左，而家final就根本係令情況雪上加霜，應該今年會有好多人留班。精英班嘅情況都唔好得去邊，基本上呢兩三個月日日都有test同勁多計分assignments交，搞到勁大壓力，冇乜喘息空間可言。但學校完全冇正視過呢啲情況，唔cut syllabus 繼續要係兩個星期之後考試，試問學校有冇體諒過學生？ Sorry for 1999 多謝admin 出稿辛苦晒🙏🏻
#NSS學校 [Guest] 標題：我補習係我嘅事，點解要因為咁而杯我 是咁的，我係2022DSE考生，因為就嚟考DSE，所以開始認真讀書溫書咁，少咗好多同fd出街，亦都知考試skill日校比倒我嘅好有限，所以而家一個月出去補習嘅洗費過二千，成績自自然然升到頭幾名。 我係個好低調嘅人，平時就算考試測驗高分都係自己知父母知就算，但前排有次比老師攞咗篇中文作文出嚟做範例，落咗堂小息嘅時候竟然就比人話我串，話我愈嚟愈囂張，有幾個知我補習嘅人話「一睇就知篇文係跟啲名師抄出嚟架啦，都唔係靠實力」，然後而家成日放學，都會有人調侃我：「喂 補習遲到喇」「喂 夠鐘交新一期學費喇」然後成班哈哈哈咁笑我。 明明我咩都冇做過，但因為去補習/成績變好咗比人笑我nerd，笑我用錢（補習）換成績，同我講「比著係我咁樣洗錢法，用左手做卷都贏你啦……」，又話我浪費晒父母啲錢。我想講我都知父母搵錢辛苦，所以有一半補習費都係我翻part time比嘅，而且我唔係淨係付出咗錢，我付出更多嘅係時間，對住書同翻pt嘅時間。 咁樣比人杯我真係覺得好冤枉，我而家好似眾矢之的咁，連本身個圈子都唔再搵我，自己開咗個冇我嘅Signal grp…我想知我做錯啲咩，唔通而家補習係錯，想成績好係錯咩？ Sorry for1999 多謝大家肯聽一個而家冇朋友嘅人呻🙏🏻