#NSS個人 [GUEST ] 今年小妹中一，識到啲新朋友，利申：小學嘅時候，係冇乜朋友，所以小妹開始約佢哋出街，大約一個月一次，出街出咗三次。 今個月，小妹差唔多生日，所以約佢哋去街(去其中一個屋企玩大約三至四個鐘)，阿媽開始唔鍾意，佢話去埋呢次，就冇下次，今次當係生日禮物。我有啲唔開心，但係我唔知可以做啲乜？我嘗試同佢傾過，佢話我變咗好多？？？最後，佢叫我好自為之。 而家疫情，淨係返得半日學，好多時間都淨係用WhatsApp 傾下計咁，小妹好想維繫呢段三人友 誼，好驚佢哋拋棄我，我可以點？希望各位大大可以俾下意見🙇🏻♀️🙇🏻♀️🙇🏻♀️ Sor for 1999 求admin出post 🙇🏻♀️ Thanks admin🙏🏻
#NSS家庭 [GUEST] 我真係頂唔順我老母 我岀生係一個比較窮困嘅家庭，屋企冇房，所以次次比佢鬧都只可以匿係廁所喊。 佢從細到大都不斷鬧我無撚用垃圾，有時仲直接一巴摑落嚟。好記得有一次我補習唔記得咗做兩份功課，跟住佢即刻一巴車埋去，返屋企途中一直大大聲鬧我垃圾，正一死廢柴，仲要話要揼我落橋死左佢好過。嗰陣有個女人行埋去同佢講冷靜啲先，佢發曬癲咁鬧個女人關佢撚事，仲講話我生嘅女我鐘意斬撚曬佢啲手腳都得。佢平時已經成日都話遲早剪曬你兩隻耳仔，成日唔聽我講嘢阿啦。 仲要日日拿我同佢啲frd個仔女比，語氣仲要勁惡咁講，「你睇吓xxx，高你成個頭啦，你睇吓你幾矮，大個肯定賺唔到錢。」我認真想駁佢生得高唔高關賺唔賺到錢咩事？ 仲有，佢成日要人地幫佢做嘢，連wifi都要人幫，佢啲朋友都同佢講wifi好心就自己連啦，我老母竟然答佢啲frd話佢生我出嚟佢鍾意點就點。 我真係唔知點對多佢幾年，仲有三年先dse，真係唔知點算好。
#NSS學校 [Guest ] 我已經唔記得咩係友誼啦，喺小學嘅時候，我有兩個好朋友？真係好麻煩，感覺次次都係我單丁？最憎上堂分組，2人分組，我就係要搵第2個人，仲要顧及佢哋嘅感受，可能佢哋覺得我心理質素強啲？所以要我搵第二個？真心唔明，明明我哋識先，但你哋就係frd 啲，其實我心理質素都好差㗎。係咪因為我冇咁「嗲」？接受唔到肉麻？定係話因為我冇追星，所以冇話題？定係單純唔鍾意我？ 是但啦， 都過咗去啦。 – 嗰陣諗住升到中學，淨係搵一個人做「好」朋友，唔明，又有一個人加埋入嚟，久而久之，我又變咗第三個人啦。除咗有時記得我，真係唔會搵我㗎啦。放學嗰陣成班人行，真係會唔記得我㗎。但我同佢哋一齊行，佢哋又會叫我等埋其他人？？🤭 – Btw 有咩方法可以自己一個都開心啲？ 同埋點樣先至可以叫嗰班仆街唔好成日郁手郁腳。好撚憎人掂我🙂 仲有唔好亂咁掂我啲嘢🙂 而且唔好下下都叫我柒頭，其實你哋都好撚柒，自認我係柒，但唔代表你可以咁冇禮貌thank you – Sor41999 19/5/2021 12:15am
#NSS個人 [Guest] admin post ig pls。小弟今年中三，最近係班入邊識咗兩個女仔都係鍾意某個香港歌手，咁今日我哋就去咗band 房錄cover 錄cover期間我地都有post 3-5個story 上ig 錄完cover之後有個女仔朋友ig dm 我，話你呢排好似同佢哋兩個好friend，跟住又話即係如果你係同佢哋friend呢肯定有好多人唔會好似以前咁鍾意你 我好驚得罪晒全班😰，到時就好似之前咁，變成邊緣人😖 我而家究竟應該點算，我唔想冇咗兩個志同道合嘅人，之餘亦都唔想得罪晒全班，有冇人可以同我講我應該點算😢 Sorry for 1999，仲有如果覺得我自私都唔好屌我pls 🙇♂️🙇♂️
#NSS個人 [GUEST] 雖然話「一個人原來都可以盡興」，但自己內心都好想要個可以交心嘅朋友。 小妹今年f.2，小學嗰時個best frd冇升上同一間中學，久而久之我地都冇咁frd。 升上中學之後，因為我都鐘意傾計所以係學校都ok多朋友，應該都算唔係邊緣人？有自己玩開嘅squad咁囉。 但係最近發現咗個問題，就係我squad私底下d人其實超frd，日日都dm對方´_>`我平時都有同佢地傾下玩下嘅，但唔知點解，就係成為唔到最frd嗰種狀態，始終都交唔到心？ 通常我最hurt嗰時就係，當我朋友唔係同佢frd嗰個人同班就嚟搵我，如果一可以同翻佢一組就即刻走咗唔理我:( 有時recess都幾唔開心，因為永遠都係我搵人玩，，， 我知道呢家野都靠緣分，但係當我身邊d朋友都有一兩個好close嘅人，我就好羨慕囉，我表面上似係有好多朋友，但其實冇一個當我係no.1。我自問唔係話真係無時無刻一齊傾計先可以算best frd，但係你可唔可以唔好無聊先搵我，平時我搵你你就已讀不回… 純粹發洩下，同埋如果有人有同樣情況不如cm下做個朋友😂🙏我會嚟搵你kk Sorry for 1999