#NSS社會 [GUEST*長文慎入*] Sorry for 1999 第一次投稿請見諒文筆差 想回覆一下#NSS220410C既po主 睇完你篇文之後，好想開個post同你打下氣，同埋希望你唔好放棄自己嘅夢想 咁見到你分享完，我都想分享下我嘅夢想，我嘅夢想同你一樣，都係想成為一個救護員，而我想成為一個救護員係因為細個嘅時候，我試過比救護員幫過，個陣係差唔多凌晨三點度，我因為腸胃炎，又屙又嘔，連行路都好難，其實我知道佢哋應該好攰架啦，但係個陣個3位救護員，由幫我檢查到送我入院都照顧得我好好，我一直都好想親口去多謝佢地，但係搵唔返佢地啦，由個陣開始 我就立志要做一個救護員，我最希望自己可以考到救護員同埋可以揸到救護電單車，咁樣就可以第一時間去救人 我同你一樣，讀書都係唔叻既人，叫做有5條2咁，但係救護需要dse 有5科2之外，體能都係非常之重要，其實我好後悔f.3既時候因為失戀，所以頹廢左兩年，唔單止冇keep住練體能，仲搞到肥咗，而家就算我好努力咁練返體能都仲係差跑步個part未練好，跑步唔夠氣，希望你係努力讀書之餘，抽時間練體能，唔好好似我咁，中學畢業一年之後先黎後悔中學咁多年都冇用黎好好準備 多謝睇到呢度嘅你地，亦都係呢度多謝當年幫過我嘅3位救護員，希望你哋睇到，最後都想#NSS220410C既po主可以堅持自己嘅夢想，希望我哋兩個都可以成為救護員，幫助香港既市民 求admin po ig 圖Link: https://ibb.co/L0cG0Cc
#NSS學業 [GUEST] ［第一次投稿 請見諒🙇🏻♀️🙇🏻♀️ 希望可以send出嚟因為呢個問題困擾咗我好耐😭 小妺而家讀緊band3中二想轉band2嘅中學唔知有冇可能 小學成績超級差，冇乜聽書，完全冇意識到升中嘅重要。 本人而家喺精英班 全級9/80，喺全班嘅成績唔太差，身邊嘅同學唔識嘅數學 我都快過人哋明（其他人要用3堂 我用1堂 但係英文好差 識聽唔識講同寫 利申：學校唔係剩係得唔好嘅嘢 其實仲有好多好好嘅老師同同學🥰 讀得都好開心 新學期聽老師講過入到大學嘅人兩隻手數得晒，差唔多全部都係入大陸/海外嘅大學，我聽完之後有啲擔心自己嘅前路，唔想入大陸學校之如都驚入唔到大學再加埋我學校校風差，有黑社會 高年級紋身、喺走廊喧嘩老師都唔會理，有次返學比高年級騷擾(雖然我都唔知算唔算，所以每次見到高年級都會好驚⁝(ᵒ̴̶̷᷄൧̑ ᵒ̴̶̷᷅ )⁝ 種種原因令我想轉校，但係唔知有冇可能 希望大家可以俾啲意見同埋有冇推介嘅學校🙏🏻🥲
#NSS學業 [GUEST] 依家係11/4，仲有11日DSE就要開考啦！加油DSERS！ ————————————————————— 依家嘅你應該都準備得幾好，照住自己嘅計畫前進！ 相信自己，繼續努力！ ————————————————————— 記得要保持自己嘅初心 可能你想追求完美 可能你想不枉青春 可能你唔想令自己每日埋頭苦幹都白費 將你嘅初心化為動力！ ————————————————————— 隨住依家時間越黎越少，難免都有啲焦慮情緒>< 但係要記得行動係焦慮嘅天敵！ 依家懷疑自己只會有更多恐懼同焦慮 不如follow your plan繼續加油 ————————————————————— 一定唔好放棄 因為你一定會唔捨得白費時間同努力 ————————————————————— 可能你會喺某一刻好無力 唔好俾自己陷入想努力但冇動力嘅僵局
#NSS學業 [GUEST] 我真係好撚想畫畫 今年已經中三準備要揀科，同屋企人傾過揀VA，以後想做art相關嘅工，結果就係俾我讀design出嚟嘅老豆鬧到飛起，話我on9，叫我既然入到band1中學就唔好浪費嗰位，又同我講香港畫畫冇前途嗰啲9嘢。我鬼唔知？ 問過朋友意見，得到嘅都係y not同叫我堅持夢想呢類風涼話，宜家諗返呢啲野真係因為到時讀完出嚟乞食嘅人唔係佢先講得出，可能本意係好但真係好廢。 我唔需要呢啲垃圾雞湯，反而係對現實嘅各種問題感到非常迷茫。 首先我對畫畫以外嘅職業一律冇興趣，咩醫生律師完全唔想讀。其次我因為日日上堂畫畫導致文科以外嘅成績十分美麗，我覺得我今年升唔到班。上網睇過一輪文科同VA出路都好少，大多數都係當副業或者做老師，但我唔擅長講野所以pass。 再者如果真係揀到VA，我對design方面冇乜興趣，比較想畫油畫或者動漫畫，但DSE根本唔會令我係呢方面學完有地方發揮，三個鐘薄畫紙唔可能畫到油畫，人地日本考試都有分油畫日本畫雕塑呢啲，雖然本身就唔應該同日本比較但就咁睇DSE嘅考試方式真係好撚垃圾。 我屋企算窮，去外國根本冇可能，自己都冇乜積蓄，最多就係去幾個月畫室咁。屋企人好著重賺錢，即使我阿哥已經做緊醫生我都唔知點解佢地好似我賺唔到錢佢地就會死咁款。 同埋就算讀完出嚟都唔知可以做乜，冇名氣應該擺唔到展覽館，賣畫同電繪畫動漫一定唔夠我生活，我都唔想日頭搬磚夜晚畫畫… 自認VA成績好普通，但都有唔少畫會俾老師拎去貼堂，成績表都至少有B咁，我唔介意係咁睇畫做評賞，操素描速寫水彩呢啲，而且我自己平時都成日畫開。 唔知有冇人可以指點下。我真係唔想因為我投胎嗰陣揀咗香港，結果宜家因為現實環境因素被迫要放棄我為數不多熱愛嘅事物。 Sor41999 Thx admin
#NSS文化 [GUEST] 近排無聊開始讀下聖經，但讀讀下發覺聖經入面有啲金句都幾邪教feel，有冇人可以理性討論下。 馬太福音10：36 人的仇敵，就是自己家裡的人。愛父母過於愛我的、不配作我的門徒、愛兒女過於愛我的、不配作我的門徒。 (爹親娘親不及毛主席親啲frd?) 申命記13：9,10,15 總要殺他、你先下手、然後眾民也下手、將他治死。 要用石頭打死他、因為他想要勾引你離開那領你出埃及地為奴之家的耶和華你的神。 你必要用刀殺那城裡的居民、把城裏所有的、連牲畜都用刀殺盡。 (只要唔服從就殺，同恐怖份子有咩分別？) 以弗所書6：5 你們作僕人的、要懼怕戰兢、用誠實的心聽從你們肉身的主人、好像聽從基督一般。 (支持奴隸制？) 提摩太前書2：11,12 女人要沉靜學道、一味的順服。 我不許女人講道、也不許他轄管男人、只要沉靜。 哥林多前書14：34,35 婦女在會中要閉口不言、像在聖徒的眾教會一樣，因為不准他們說話，他們總要順服、正如律法所說的。 他們若要學什麼、可以在家裡問自己的丈夫，因為婦女在會中說話原是可恥的。 (父權主義？) 箴言23：13 不可不管教孩童、你用杖打他、他必不致於死。(虐兒？)
#NSS社會 [GUEST] 可唔可以停止討論「支唔支持LGBT」 大家都明，LGBT呢個群體唔嬲都係俾人歧視開，都冇正常嘅社會權益，咁都有好多LGBT群體嘅人士去為自己平權 都好正常啦，都係為自己平權姐，係咪先？但係就有LGBT群體嘅人話「你唔支持LGBT？即係唔尊重我！即係唔支持平權」 呃，其實係咪真係知「平權」係乜意思？係「平等」嘅意思，「LGBT平權」終極目標就係去除「異性戀」同「LGBT」兩個標籤，大家都一視同仁 如果係咁，我點解唔可以唔支持？係小弟角度，大家都係因為有感情先係一齊，咁我點解唔可以唔支持？只要我唔支持嘅原因唔係因為你地係同性未得？ 「尊重」同「支持」真係要分開講，「尊重」你，唔一定要「支持」你，就好似一句說話咁「Je ne suis pas d’accord avec ce que vous dites, mais je me battrai jusqu’à la mort pour
#NSS其他 [Guest] #幾時可以齊人出來😭 我今年S2,2年前升左上一間全級(小學)包括我只有2個人升上的中學。我小學最frd班friend都唔同我一間中學,我地成班人都去左唔同中學,好耐無一齊出來(有限聚前都已經無),對上一次已經係2020-10😭 有陣時會約出來但畢業後除左嗰次從來唔會齊人出來,雖然我唔知佢哋點諗,但係起碼我知我自己好掛住同佢哋一齊出街/返學/玩等等的時光😢甚至畢業都依家間唔中都會發一D同你地有關嘅夢,每次發完呢D夢之後就會有 又諗一大堆野😞今次呢個投稿都係發完夢之後投,真係好掛住你地🤧 不過我知依家有限聚令,短時間內都唔可以在出來,不過我希望如果我在約你地,你哋真係有時間都應約 我知道班frd裏面有1-2個有follow呢個page,佢哋可能會估到我係邊個,不過無所謂。 多謝你地睇晒呢篇文,sor for 1999！