—類投稿

#NSS家庭 [Guest] 點解我有個咁不負責任嘅老竇 我細個係咁大 十幾年嚟 出軌有二奶 洗錢比二奶 離咗婚冇俾錢瞻養費 完全冇照顧過我同冇理我老母 幾年冇放工 我老母養 搬屋三次全部裝修費傢俬電器保險 做手術 全部都係我老母 佢仲成日偷我老母錢 我老母一見到我老竇就情緒不受控 我老竇一定偷咗我老母好多錢 我想問可以點樣改善這種情況同埋要佢還錢 sorry文筆唔好

#NSS其他 [Guest] 有冇人真係試過喺nss secrets表白成功最後成為男女朋友？

#NSS個人 [guest] admin pls post ig 小妹今年中二 我懷疑自己有抑鬱症但係唔敢同任何人講。有試過做網上嘅test，結果係中度抑鬱-重度抑鬱。我應該點算？有唔人有呢方面嘅經驗可以教下我？ 18/5/2021 8:45 a.m.

#NSS家庭 [[GUEST]] 我好想喺度發洩下 微粗口注意 長文慎入 話說小妹有個姑媽，同我一齊住嘅，咁佢本身份人就好煩，平時關唔關佢事都要理，死都要加把口 仲有屋企啲嘢係佢負責，見到有時啲嘢唔齊又話我用哂唔同佢講，但明明唔關我事，係老豆老母用，同佢講左又繼續賴哂我。 有時我溫溫下書又突然衝入我間房話要執佢個櫃(佢用我間房個櫃擺雜物)，我同佢講我溫緊書又趕我出廳，一執就幾粒鐘，仲要搬哂啲嘢出廳擺喺梳化到，霸哂啲位 平時成日叫我溫書溫書，好啦我而家溫，你又喺度阻撚住哂，想點啊大佬 上堂返學本身都夠哂煩，之後仲要晚晚要對住你，真係好難頂，禮拜六日有時老豆老母返工，我同朋友出一出街又 同我講「做哂功課未，未就做，再唔係就溫書，唔好出去啦溫書仲好」 收皮啦 你自己一至五返五日工 禮拜六日都想休息下啦 平時又吹到自己讀書幾咁勁，結果我搵左條小六嘅數學題畀佢，自己唔識仲死口唔認話「我梗係識啦，不過想睇下你做唔做到咋嘛」 你小六數學都唔識又有咩資格話我成績差? 我阿嫲都係同我地佢，不過佢有啲類似認知障礙嘅問題，成日認錯人又亂掂屋企啲嘢，就激到佢好嬲啦，結果佢轉個頭就將佢啲怒氣發洩喺我身上，明明我乜都冇做到，又可以作一大堆嘢出嚟屈我 每分每秒都公主病發作，錯永遠唔認，仲賴落人地度，究竟要幾無腦幾智障幾白癡先可以當自己係王 覺得自己永遠是對的? 我真係唔明 我係呢間屋最細嗰個，唔通我就可以比人隨便屈 隨便鬧? 老豆老母都冇咁做 憑咩你可以咁啊? 你以為你邊個?

#NSS學業 [F.3/band 1 c] 重新再寄關於12點都冇得瞓個個 我睇咗留言啦 多謝大家 不過1）佢屋企根本冇可能支撐佢去外國 2）佢呀爸呀媽惡到有時會打佢（試過驗傷不過告唔入 仲要返去再被人打得仲多 3）佢其實本身係band 1A 小學 太大壓力先轉band 1C 佢轉嘅時候已經被呀爸呀媽鬧到飛天 大家再幫幫手 聲援下佢 佢壓力好大 前幾日先因為自殘入咗醫院 我知你有睇 加油 好多人支持你㗎 我唔想每次見你你都多咗d「歷練」嘅痕積 Sorry

#NSS學校 [Bxx] ［發洩］ 其實真係唔知啲老師係咪弱智？ 有返咁上下年紀嘅就成日勁有優越感 以為自己教得好好… hea 教 飛下飛下咁教邊撚個明啊😔 新嚟個啲 無地位 無人聽佢講嘢 唔識教。eg 某wxx 啲課外活動就多到死 高form 啲姐姐好似當我仇人咁 日鬧夜鬧 做咩都錯 學校成日整埋啲on9嘢 晒錢晒時間😡 真心 想讀嘅諗清楚🔪

#NSS愛情 [[GUEST]] 今年中三 我係一個好被動嘅人 有個大自己一年級嘅男朋友 拍咗拖大約兩年 我同佢唔同中學 但係我地係由細玩到大嘅朋友 到變成情侣 對佢有一定嘅了解 – 我哋冇好似其他情侣咁 得閒就出嚟拍下拖 食下飯等 情人節都冇約出嚟玩 就連call都冇 平時就係靠IG同對方chat 或者我哋雙方父母約食飯先會見到面 其實我地傾得都幾開心 但係見到其他情侣post IG秀恩愛 雖然都想問佢出黎玩 但係又驚被拒絕/唔想阻住佢溫書等 所以就冇咗會事 已經維持咗兩年

#NSS學校 [觀塘區某名校] 呢個世界嘅on9嘢真係多不勝數。星期五有個同學上bio堂嘅時候， 張隻手指插咗落去前面嗰位張凳嗰個窿度，搞到掹唔返出嚟(同埋人哋成枱冇櫈坐)。然後攞住張凳去廁所， 嘗試整返隻手指出嚟。到最後， 叫人哋用梘液幫手搓，終於攞返隻手指出嚟。然後有人同我講，呢件事發生嘅前一日，嗰位同學已經將手指，插咗入張凳個窿度兩次（ 一次左一次右)， 好彩問得整返出嚟。 不過今次就…… PS 小弟笑咗好耐

#NSS學校 [沙田某band1] admin po ig pls🙏🏻 學校溫習週每日嘅返學時間係0810-1340 話就話可以小息喺小賣部買輕食，但係小賣部依家基本上係冇乜嘢食 個人認為呢個返學時間認真係唔合理 唔係話咩要上好耐堂同返屋企唔方便嘅問題 而係我覺得對身體認真唔好，特別部分有胃病嘅同學🙏🏻 啲老師就可以空堂出去食 咁我哋呢？

#NSS個人 [某band2學校] 好攰，無心機讀書，乜都唔想做，平時有聽歌同同friend打吓機，依家乜都唔想做唔想唸，有一種人生冇晒方向既感覺，完全唔知自己做緊咩。依種感覺持續左成個禮拜，到依家都仲好大壓力。請問有咩方法可以抒發下自己嘅情緒？ 利申：小弟form4