—類投稿

#NSS個人 [GUEST pls投稿] 我近排成日忍唔住玩手機，明知道就嚟考試，但係都係忍唔住一直dok機，我有諗過要好好溫書， 但係我成日都控制唔到拎起手機，仲要過咗一陣先發現原來我拎住手機，同埋近排成日頭痛同埋失眠左幾年，情緒好差，郁唔郁就同啲friend嗌交，我真係唔知我咩事 sor for1999

#NSS家庭 [Guest] 係我太離地定係點？ 是咁的，禾系英國讀書，身邊有啲香港嘅朋友都成日話自己屋企系中產，睇投稿個啲page啲人都成日話自己系中產。但系佢地話自己屋企人加埋搵5,6萬就算自己系中產。禾屋企人由細到大同禾講禾地只不過系中產家庭。但係我其中一個屋企人月薪大概幾百萬（唔太穩定），啱啱大學畢業嘅家姐月薪都大概12萬。其他中產家庭就話自己住900幾呎嘅單位好大好夠用，但係禾呢個中產就住一間6000呎5房5套嘅海邊小屋。禾都18歲啦，身邊嘅人都開始學車買車。佢地都系睇下Tesla Model 3呢啲電車，但係我老頭就買咗架Porsche Taycan Turbo S 俾禾。 究竟中產嘅定義係咩？我屋企算唔算係中產?

#NSS家庭 [Guest] 大家好，小妹今年f1，咁有個問題都困擾咗我好耐，就係我啊媽成日都無啦啦話我鬧佢 例如我今日上zoom 一邊寫嘢一邊聽書，我阿媽喺我隔離做緊嘢 就突然話我 做咩鬧佢，咁我就問「我幾時鬧過你？」，佢就話 我個樣好唔耐煩，我就喺度諗：唔通我要一邊寫嘢一邊笑？ 其實佢由細到大都係咁，我做咩都要笑，甚至俾佢鬧嗰陣，佢都鬧我點解唔對住佢笑 有時佢又會話，我慣咗黑面 出到嚟做嘢會俾人鬧死，但係呢度係我屋企，唔通我想放鬆下都唔得？ 好啦多謝大家睇到呢度😬希望大家睇得明🥵（我都知自己講嘢好奇怪🌚我其實係想知我諗嘢係咪有問題🥲同埋點樣keep住對佢笑😢sorry for 1999🙏🏻

#NSS愛情 [GUEST] (IG, F3)如果小弟想追一個gay既男仔，唔知可以有乜野可行方法，正經既，因為我上網搵唔到呢的小眾資料，亦唔知道可唔可以將男女既嗰套搬字過紙，所以先弱弱一問 Sorry for 1999

#NSS個人 [Guest] 件事就咁嘅，我逢禮拜五都要上我阿姨屋企食夜晚飯。咁今個禮拜我就上咗去，我就想去廁所，我就開咗門入去，點知我第一眼望到有件顏色嘅嘢係我前面，粉紅熊仔底褲（超深刻），我呆咗一下再望上去，好嘢係我表姐。嗰下我望住佢，佢望住我，就爭問埋你個名係咩。喺食飯嗰陣我都唔敢望阿姨同埋表姐，拿拿臨食完飯，同我阿媽講有份功課未做就即刻返屋企。而家下個禮拜五我又要再去，想問一下各位ching有咩方法可以令我同佢講番嘢同埋恢復返之前嘅朋友關係？ Sor for 1999 圖Link: https://ibb.co/PtH9szQ

#NSS其他 [GUEST] 男仔係唔追星定唔敢追星? 我發覺不論個artist咩性別都好, fanclub出現嘅人都係女為主(不論唱live, 活動相, 男fans 10隻手指數得晒), 到底男仔係根本唔會去做”追星”呢樣野, 亦或係見到fan都係女, 驚俾人笑先唔追? 我自己係兩個理都一半一半 Sorry for 1999 利申: 男鏡粉

#NSS愛情 [GUEST ] 是咁的，本人(女)，今年f3，最近喜歡了一個人，但他已經有女朋友了，他是我的同桌，我明知道他有女朋友了，但還是忍不住喜歡他，而家應該點算好。 圖Link: https://ibb.co/LJbBhVg

#NSS個人 [guest] 我投稿唔係想炫耀啲咩，我覺得好辛苦 我一米七，體重六十公斤咁（都幾耐之前下） 我覺得自己好肥，上個月開始節食（健康嘅健康嘅） 一至五嘅飲食都有好好控制，但係星期六日控制唔到（要同親戚食飯）本身覺得成效已經因為咁好低，上個禮拜有friend生日，要食蛋糕 又出去食，食完覺得自己好肥好肥好肥。嗰日夜晚返到屋企個人好down，好憎自己咁肥 ，甚至嘗試整到自己嘔啲嘢出嚟，嘔唔到個人再down啲 見到啲人好瘦又話自己好肥，我好憎，但係望返自己轉頭就會覺得自己真係好好好好肥 身邊啲人都有話我唔肥，但係我唔覺，我依然係好憎自己咁肥 我覺得好辛苦，我已經好耐冇enjoy過食嘢，食自己想食嘅嘢嘅時候會睇卡路里，見到高，食得好唔安樂，食咗就覺得自己好肥，我唔知我可以點算

#NSS學業 [GUEST] 想分享下補習經歷順便宣傳下，等大家有機會一齊補，可以考好dse💪🏻 小妹喺一間名為 博通 嘅補習社補咗年幾兩年中文、通識，每次去到都要做唔同嘅paper，老師會比grade，每份都會用心改，逐份逐份講有咩問題有咩改變，甚至從頭幫手作一次，真係學到好多野，雖然要花好多時間去做野同背，但係背完真係有用，好似今年同上年dse咁，臨考通識前一兩個月嘅tip題都中，例如唔係話估中考全球化/科技，而係估中會出電競，所以先可以paper 1+2嘅tip題都中哂，入到考場直接背資料咁濟，又可以寫得更快更多，好有用。就算係中文作文都可以靠背文直接背返啲野出嚟，唔擔心冇文筆，對於考公開試非常有用，加上老師都好有經驗，又教過名校/大學，好有料到，所以都好推薦大家一齊去補，只要肯背肯做嘢，又有人認真改卷知道自己有咩特別不足嘅地方，相信對加強弱點、臨場應考都有幫助🙇🏻‍♀️ sorry for 1999

#NSS其他 [guest] 請問可以點樣勸朋友唔好吸煙🙉事因自己嘅屋企人長期吸煙搞到個右肺切咗2/3，唔想身邊嘅朋友重蹈覆轍(´;︵;`)