#NSS個人 [Guest] 是咁的 小妹覺得依家讀緊嗰科唔適合自己 所以打算轉科（中文） 首先 做mlt嗰行需要一絲不苟 唔可以出現任何錯誤 如果唔係個病人就會gg 而我係一個大條神經嘅人 時不時都會出現一啲低級錯誤 其次 我唔鐘意重複性高嘅工作 再者 我唔知道自己接唔接受到驗屎驗尿嗰啲（驗血還可以） 咁我阿媽覺得呢啲唔適合嘅原因都可以靠後天改變 又話我之前口口聲聲話鐘意讀medic科 依家讀咗一年就放棄 唔相信我真係會鐘意中文 再加上佢覺得如果我今年就轉去台灣嘅國立大學讀中文 第時搵唔到工就兩頭不到岸 又格硬話我適合做mlt 適合重複性高嘅工作 所以唔同意我今年走 但係事實上我jupas揀科嗰陣冇了解過呢科讀咩同埋佢嘅工作性質
#NSS愛情 [GUEST] ADMIN PLEASE PO IG🙏🏻 17歲女，近排遇到啲問題..唔知由幾時開始，我變到好花心。當時我係A0，鍾意咗一個男仔，但係過咗幾日我又對另外一個男仔有好感，搞到一個月鍾意咗四個人。咁e家我都拍咗三次拖，三次都好快完，分手嘅原因次次都係因為我鍾意咗其他人而分，之後再無縫接軌….簡直就係「금사빠」，容陷愛，只要個男仔稍微對我好少少我就會對佢有好感，然後好快就鍾意咗佢。打完呢篇文我都覺得好笑，我簡直就係一個唔靚女成績又差，而且為拍拖而拍拖嘅渣女，唔知大家知唔知點先可以改呢？我唔想再傷害到人，但係又控制唔到。 sor for 1999 and 任屌渣女 圖Link: https://img.i-scmp.com/cdn-cgi/image/fit=contain,width=425,format=auto/sites/default/files/styles/768×768/public/d8/images/canvas/2021/04/20/d1f2a16b-fcd3-43c2-995c-20e88932695f_96a0928a.jpg?itok=xSRvOt_r&v=1618904570
#NSS學業 [Guest] 小妹今年14，因為自己本身對於英文冇乜興趣，升上小學之後上英文堂聽唔太明老師講書，自己又怕醜唔敢問老師同同學，自己收收埋埋，搞到英文越來越差，考試又考得差，搞到自己越嚟越討厭英文，小學高年級個陣見到同學英文咁好亦都有羡慕過，想努力學英文，但係英文程度實在太差，完全唔知從何開始，就咁漸漸不了了之，對英文已經係一個放棄既狀態。 但係自從升左上中學，因為我有兩科都要用英文教，我發現英文真係好重要，我就試吓down一d英文學習app,有時都會問下同學，英文好似好返d,但係成效都唔係好大。 我真係好想學返好啲英文，大家有冇一d方法可以同我介紹下或者講下我應該點做 Sorry for 1999
#NSS愛情 [Guest] 一開學對一個男仔一見鍾情，最初初就Wts佢，都傾得好開心，有傾吓大家嘅煩惱秘密….跟住嗰排我哋上堂成日都會對視，我都feel到佢對我有好感，咁我就問佢鍾意邊個，佢話某程度上係我，但係有一日佢block左我，最後我知道係因為佢阿媽叫佢block我，我估係因為我成日講粗口？確實原因其實我都唔知，有陣時我同我隔離位傾計，佢就unblock我，問我哋係咪拍拖，好閃，都唔止一次，但係其實我淨係同佢傾咗幾句，咁令我覺得佢好少少鍾意我？我哋喺實體嗰陣，都有keep住講嘢，但係因為可能返得太耐網課，返咗學校之後就好似唔識大家咁，我覺得好尷尬。最近我覺得佢鍾意我個friend，然後我啲friend就去問佢啲friend，佢啲friend話冇，咁令我好困擾，畢竟自己都鍾意佢，想知佢對我有冇feel，因為我驚同佢表白嘅話好尷尬，男仔鍾意一個人係點？怕自己自作多情🙏🏻🙏🏻🙏🏻 Sorry for 1999 如果覺得有咩唔啱，可以盡情diu🙏🏻🙏🏻🙏🏻 Thank you
#NSS愛情 [GUEST] 小弟中一嘅時候因為貪玩所以「欺凌」一個女仔，唔算好嚴重，但會同啲frd改啲難聽嘅花名同埋特登遠離佢。佢之後好似憎左我地，但因為下年唔同班所以無乜事。 之後中三因為某啲event又撞返呢個女仔，因為我地個group係一班人，同埋入面有佢好朋友，所以佢講嘢冇乜 避忌，會分享自己啲心事同埋諗法，每星期我地都會聚埋一齊9up分享。 可能因為時間沖淡咗，私底下佢都同我傾到下，我亦都有同佢講我當時太幼稚先蝦佢，道左歉。 日復日，我開始有啲鍾意佢，想同佢close啲，想了解佢多啲。 我好想拉近距離，同佢講下笑咁，但我又驚佢其實仲係憎我，只係冇表現出嚟，我驚講笑講講下又憎返我。大家可唔可以比啲意見我可以點做，或者從女仔嘅角度去睇，你哋如果係佢會唔會好憎我🙏🏻🙏🏻🙏🏻