#NSS個人 [洋蔥味的朋友] 小妹今年form 1,啱啱升上中學，難得可以搵到一個比較啱傾嘅同學，但係有一樣野真係好難頂😭😭 我一行埋去佢隔離，其實就已經會問到一浸洋蔥味（可以係話洋蔥味再加埋西芹味）。而佢出汗嘅時候更加難頂，浸洋蔥味真係好濃烈😭真係完全唔想行埋佢隔離，淨係想佢快啲離我遠啲🙃我知我咁樣諗真係好衰，但真係好難頂🥲浸味真係難以形容，但係我又得佢一個中學朋友，如果冇佢，咁我就得返自己一個人，而其他同學全部已經有晒自己最friend嘅朋友，所以應該點算好😭 其實雖然我小學有一個Miss已經係有浸咁嘅味，但佢只係純粹嘅洋蔥味，我都可以接受得到🌝不過，我呢位朋友嘅味道似係好多種難聞嘅味道溝埋一齊，而洋蔥味偏濃🥸
#NSS其他 [GUEST] 唔知大家對以下行為有咩睇法🤔 是咁的 小妹有個朋友 佢每次嚟m就同啲男仔講佢嚟咗m 跟住又成日話好痛 用手掩住個肚個到 跟住啲男仔就叫佢小心啲呀 或者叫佢飲多啲水 但係佢都係繼續話佢好痛 然後啲男仔叫佢唔好食凍或辣嘢 但係佢都係要食 食完又話自己後悔跟住又嗌痛嗌救命 啲男仔一關心吓佢就好似開心到飛起 雖然我知嚟m有啲女仔係好痛嘅 掩肚呢個係太過痛所以都算係自然反應嚟嘅 雖然我覺得如果同啲好熟嘅男仔講應該無咩所謂? 但係我覺得同好多男仔講其實會唔會有啲尷尬🤔 因為我認為嚟m就唔使周圍同人講😅 定係佢思想放得開我放唔開🤔 sor for 1999 辛苦admins
#NSS個人 [Guest] 我已經好攰 明明響學校好似有人同我講嘢 不過離開學校就零溝通 本身份人好鍾意講嘢 不過因為響學校同同學放唔開 所以響屋企就好多野講 不過變相就因為太煩俾人忽略 響學校D女仔個個好做作 表面同某人好frd 背後又好唔鐘意佢 我無法理解佢哋 所以成日去同男仔玩 不過 男仔既友誼圈裏好似冇我存在空間 平時都好傾得 不過我永遠無法成為佢哋嘅「朋友」 冇所謂真正嘅朋友 冇人可以同我傾心底話 其實我已經好攰好攰 數學無論點做都唔識，我都知好容易，不過我已經日日自己不停操….都係唔識。 其他科目又點做都差 好無力…. 我唔知幾時開始喊唔到
#NSS個人 [Guest] 中一，女 近呢兩個月開始有萌生自殺呢個念頭，有時候望着個海，好想一下跳落去，當所有嘢都冇發生過，但又一直都唔敢做，一嚟驚痛，二嚟擔心屋企人接受唔到。 自己一直以來被其他人嘅印象可能係比較開朗，但其實自己知自己事，自己根本沒幾個朋友，而且又唔鍾意同人social，有咩心事都冇得同人講，而且即使講左都未必有人信。 呢一排情況好似更加差咗，好多身邊發生嘅嘢都好唔如意，成日都只係訓係張床到，聽着歌，望着個天花板，日復一日，連機都唔想打，就算有時想自己一個去游下水，減下壓，都因為武肺而冇得咁做.. 自己都search 過下自殺，發現好多人其實都有相同想法。有人驚自殺唔死變殘廢，驚痛，有人話‘i just wanna die without someone noticing me.’ 如果呢個世界可以有得選擇，自己可以從來都唔係呢個世界出現，又或者可以選擇係夢入面死去，又唔會令屋企人傷心，咁就最好… Life is hopeless .
#NSS個人 [GUEST] -對運動有心理陰影點算（admin plz po ig） 小弟今年f4，屬於好中意運動個類人，大部分運動都有玩。前一排我係街場打籃球個陣時，全力跳起射波落地個下踩到人地隻腳之後好嚴重拗柴（雖然可能有人會話拗柴好正常），之後上google 查查下之後查到有機會跟腱斷裂（雖然平時都知道Google d 資料越查越嚴重），之後就開始好驚。 之後過左一排，YouTube 推薦欄個度見到一條片，就按入去睇，結果發現關於nba Paul George隻腳90度骨折（好似幾年前d事，自己可以去YouTube search）。睇完之後，我就開始對做運動好驚。每次打波、跑田徑個腦就會自動唸返起我自己拗柴、同埋個位球星骨折，令到自己唔夠膽全力以赴，可能每次最多都係用3-4成力（唔係我自己唔想全力以赴，而係自己對腳好似受魔咒咁每次都唔用力跑），但係對於一位田徑運動員，唔全力去跑去衝，係好難會有進步。 但係小弟真心好中意運動，亦都唔想因爲咁就令到自己放棄運動，想問下各位可以點剋服呢個心理陰影ಥ_ಥ