#NSS學業 [某間黃大仙中學band 1B學生] 我嘅成績係中上游，我真係好想好想成績好，明明平時做左好多練習，但係一到考試就勁多careless mistake😢唔係我唔識，我明明識，次次都係抄錯題目 睇漏題目 寫錯formula 做唔切 我真係好挫敗😭，明明以為自己做左咁多野真係覺得幾有自信，但出到嚟係5X%😭，但係我又唔想放棄。但係見到咁我真係好depressed🥺明明我上年未係精英班，成績都係上游，一入嚟全部跌曬😭成日聽人講做多啲就得啦，係咪依啲奇蹟唔會發生係我身上🥺我係咪點做都唔會好㗎啦🥺？點算好😖 唔好叫我Quit呀⋯⋯ 唔該Po IG🙏🏻
#NSS學校 [屯門某中學中一生] 我爹哋媽咪都要返工，平時由嫲嫲照顧，我同媽咪關係都算好，但係佢早出晚歸，一個禮拜先見到一次，話說幾個月前我有啲唔開心，於是我就同我兩個喺中學識嘅好朋友講，同完佢哋講我開心咗好多，但係我嫲嫲脾氣暴躁，又成日冤枉人，令我心情起伏好大，加上我之前考試考得好差，比佢鬧咗我成個月，好大壓力，又唔可以同屋企人講，我更加唔想佢哋擔心我，所以我淨係可以同嗰兩個朋友講，但係我冇諗到會咁，我好後悔 由上個月開始其中一個朋友開始唔返學，佢男朋友同我講，佢唔開心係因為我，我知道咗之後我就喺佢哋面前扮到好開心，乜都冇發生，但係我好攰，唔知可以點，同埋，我媽咪同我講我今次考試都係好差就要留級，我唔想同佢哋分開，有冇人可以比啲意見我 我知道你睇緊 sor of 1999
#NSS學校 [全港最東嘅中學] 小妹第一次投稿sor for 1999 請po🙇🏻♀️🙇🏻♀️🙇🏻♀️🙇🏻♀️ 長文慎入 小妹中三，自問鍾諗科學，咁有人問我玩唔玩科學比賽，咁我就話好，結果個隊長係同班，好大脾氣，人又煩(唔知點解佢會係隊長) 咁好啦咪傾搞咩囉，就約左係學校傾，我地本來係whatapp話約1300，之後有人話約1245，到第二日，佢1305先到，跟住我知話佢一定會發脾氣，我就好聲好氣問點解你遲左嘅?我地係whatapp約左1245㗎喎，之後佢好理直氣壯話我唔睇whatapp㗎，我呆左3秒，之後問佢咁我set個gp做咩？跟住佢就發我脾氣話我俾我家姐鬧啊，點啊！，我就話我只係提吓你要睇姐，使唔使咁惡啊！，佢唔理我做自己嘢，其實我嗰時已經有啲火，我本人對無理取鬧係好易發火嘅…. 跟住佢又叫我係一個長方形物體加個洞，我完全唔知佢講咩(結果佢係講個機械手臂嘅東西)，so我同佢講你畫俾我睇，佢話返屋企之後俾我，三日都冇搵我，我就去問佢啦，跟住佢就屌我又話我眼殘咩都殘，之後就話你唔使做啦，我嬲到直接唔理佢，咩都唔講就心諗你鍾諗做咪做飽佢囉，之後就唔理佢啦 到前幾日，阿sir(佢係隔離team嘅)同我地講話個idea唔得，可能要重諗，我問其他隊友，佢地都話考試就到不如放棄(隊長唔係到)，咁我就係whatapp問佢你放唔放棄啊，佢話唔放棄，咁我就俾左第一步佢叫佢重新諗吓我地個出發點先，然後佢又唔理我自己up左輪唔知咩(真係理解唔到佢想講咩)，咁我就話你嘅然都唔聽人講咁我唯一唔做囉，跟住佢講嘅下一句激到我直接退gp block埋佢，佢話我放棄係踩佢底線仲話我懦弱(憺小又軟弱)(同埋其實佢班兄弟都話放棄㗎，佢鬧我一個so nice so nice)，我退左gp之後直接停用whatapp轉用signal，直到個阿sir加番我入去又話咩做埋佢先啦，但其實我完全唔想join so我都係hea做 P.s.成team得我一個係女仔，其中一個幫手嘅女仔出聲佢都唔理(我好多謝個女仔㗎) 可能大家覺得呢啲嘢好正常姐，但係同佢傾過計嘅都知佢咩脾氣，so冇人鍾意同佢講嘢，已經係寫唔出嘅個種煩 真係好多謝大家睇我鬧人鬧咁耐(感動)🙇🏻♀️🙇🏻♀️🙇🏻♀️🙇🏻♀️ 多謝同辛苦哂小編🙇🏻♀️