—類投稿

#NSS社會 [Guest] 其實做菲傭真係好慘。 首先，依家又要被政府強制打科興，林太之前話封關唔比大陸人落嚟係歧視大陸人，咁依家又唔見你話歧視菲傭。 其次，請得菲傭多數都係有錢人，可能會有大小姐脾氣，而且亦都唔明白做家務嘅辛酸。我出到街，見到一啲人喺公眾地方因為好小事就大鬧菲傭，見到都覺得心酸。公眾地方都鬧到咁，唔敢想像屋企會點。 菲傭都係人，雖然佢地有義務幫我地做家務，但都希望大家可以尊重返佢地。

#NSS其他 [guest] 啱啱考完dse想揾工，應該揾part time定full time？諗住做兩個月，九月讀u應該返part time(? 想問有冇人會請兩個月嘅full time？定應該揾part time算？ 本身起諗住揾part time，但係我見身邊唔少同學都經屋企人揾到full time job。其實做兩個月，冇後門走，有冇人請？

#NSS學校 [Guest] 想問一下各位，大家學校嘅prefect係咪都係欺善怕惡?小弟係一個Band 1男校嘅學生，我地學校嘅prefect聲大夾惡，但係一見到啲會駁嘴嘅就急急腳走咗去😂

#NSS愛情 [GUEST] Post ig thx 我想問大家想同一個大家都只有喺網上傾過偈嘅女仔表白。我同佢係同班同學，有少量科目相同。有時同佢傾偈都係講學業上嘅嘢，同埋我好少現實中搵佢，因為本身自己唔太識表達自己，同埋唔太鍾意講嘢。大家喺網上算係熟，但係現實卻係唔熟。想請教大家點樣可以同佢喺現實增進感情？ 順帶一提，大家當面表白成功之後會有咩表現，會即時開心到嗌出嚟，定點？同埋大家會點約人哋，同有啲咩活動？ 利申：中學冇拍過拖，自己成日鍾意人哋，但因為自己冇自信，又同人哋唔熟，就成日縮。 希望大家可以畀啲意見我

#NSS愛情 [GUEST] 小妹A0 我同一個男仔喺網上識左三、四年，佢比我大三歲，我地有共同嘅偶像，因為開fanpage互fol之後而慢慢熟絡。 開頭我會dm佢問關於偶像嘅一d嘢，佢通常都係過兩、三個鐘先覆咁，有最新動向嘅時候會互相share下，都唔可以話好friend。但係近呢幾個月，我地唔知點解日日都有傾計，傾嘅內容已經唔止限於偶像嘅嘢，傾多左自己、學校、屋企人嘅嘢。我地兩個都會主動做打開話題嗰個，佢亦多左秒覆或者會繼續延伸話題嘅舉動（明顯同初頭啱啱識嘅時候唔同） 佢曾經講過類似「只有同我傾計嘅時候先會打錯字」、「我share比d女仔朋友睇lo 不過其實得一個」（我有收到佢share嘅嗰條link）、send佢嘅早餐相俾我、講佢阿爸阿媽同佢講嘅嘢、screenshot佢同阿媽嘅whatsapp對話比我睇，前幾日母親節問我應該幾時送禮物比佢阿媽，同埋唔止一次透露有啲嘢佢淨係比我知而無同其他人包括佢阿媽阿爸講… 但我地無講過「早晨」「早唞」嗰啲，佢淨係講過「快d去訓啦 聽朝起唔到身又賴我」通常我話去訓覺，佢都係覆「bye」或者「898」呢啲，我地亦無一齊出過街。 d人話培養一個習慣要21日，我地已經一直咁樣傾左頗耐，可能你地都會話係我ff、佢純粹係無聊無嘢做搵我打發時間啦，但係真心想知大家對於佢呢啲舉動有咩睇法。好多謝大家抽時間睇！ 第一次投稿sor for 1999

#NSS學校 [guest] 小妹係荃灣一間中學，成績普通。 我係一個宅女，除咗返學基本上唔出街，日日係屋企就係睇動漫同溫書。咁以我所知依家有好多人追星(香港)咁我完全係冇興趣(我唔係唔鐘意，只係冇興趣)，所以冇理。咁返學啲同學好多都係追星嘅，基本上得我睇動漫，依家好似全世界都唔理我，好似一啲共同話題都冇。點算好？ 我知我講嘢好衰，但係屌細力啲。

#NSS家庭 [Guest] 想問下你地父母會唔會係你地手機裝定位app等等？

#NSS個人 [Guest] 小弟今年F.1,係拜仁球迷。 對德國文化有啲興趣,大個又想去Wien讀音樂,唔知有無師兄可以推介下邊到可以學德文?

#NSS愛情 [GUEST] 小弟首次投稿唔好diu咁勁 小弟今年form 1 ，有一個由小四已經鍾意嘅女仔，但係而家唔同中學。之前都有約出嚟玩，但最近就少咗傾計。佢小六嗰陣話過鍾意我，但我怕尷尬就冇覆佢（後悔），請問唔同校係咪冇機會？ Sor for 1999 Thx admin

#NSS愛情 [GUEST] 純粹想知下 既然愛情入面會包含互相依賴 咁對一個人有依賴算唔算鍾意咗佢