—類投稿

#NSS家庭 [GUEST] 我真係唔知應該點做。 有日我發現我細佬喺某個game入面多咗好多唔同角色嘅皮膚，之後我問佢邊度嚟㗎啦，佢同我講話係同學送俾佢。我問點解，佢話因為佢有時會幫同學做下嘢，同學屋企又係做生意，好大方成日請同學點點點咁，我其實本身都唔係好信，但我繼續問落去佢都係咁講，我都冇辦法，唯有信佢。但佢真係打機打到沉迷晒，每日一放學返到屋企就打，打到凌晨兩三點。之後佢出街嘅次數又多咗，我問佢點解你近排成日出街嘅，佢每次都話係同人去打波，同佢嘅接觸都越嚟越少。點知近排發現我細佬俾同學向老師舉報話佢借完錢唔還，原來佢借咗同學成千蚊去課金，每次落街都係去搵嗰個同學。我先知佢一直呃緊我哋屋企人。佢已經遲咗好耐冇還到，個同學先搵老師幫手。然後我哋問佢點解要咁做，佢都係hea答或者唔答，根本唔想話俾我哋知發生咩事。到要見家長喇，佢就用好多藉口唔想去，去逃避。最尾佢就講咗件事出嚟，佢話佢有還錢，但係叫佢俾啲關於有還錢嘅證據，佢死都唔肯俾我哋睇。 返到屋企諗住傾返點條數點返俾同學，佢反而鬧返媽媽轉頭，話佢好煩，唔使佢幫，冇人叫媽媽幫佢，個態度真係好差。之後我諗住問下佢幫下佢，佢又話佢已經講晒出嚟 ，唔會再講，但我心諗：我冇跟你去見家長我點知？之後死都唔講究竟分別借幾多還幾多，又話我哋聽錯嘢，但又唔肯講返究竟係點，佢仲要一路鬧我哋一路打機⋯佢仲話如果要報警拉佢都唔緊要，拉就拉。 其實我哋都係想幫佢，佢仲細個，真係唔想佢學壞。 屋企本來都唔算有錢，又加上屋企有人依家失緊業，真係唔想加重嗰經濟負擔⋯媽媽真係好唔開心，又細到大都教我哋冇特別需要唔好問人借錢，點知細佬去問人借錢係為打機。嚟緊我都要溫final去揀科了，但真係好影響我讀書，成日都諗點樣令到佢好啲，點樣解決佢嘅問題。 想問下各位我應該點樣做去幫手？幫佢又好幫我都好⋯⋯(P.s.我哋都知道要俾啲懲罰佢，但又唔知點罰佢先令到佢真係明白自己做錯咩） Sor for 1999

#NSS學業 [Guest] 第一次投稿,admin please post ig thx╰(*´︶`*)╯ 小妹f.2,係個宅＋上堂吵＋成績50-90/120（全級名次）又冇咩特長嘅人（我好廢( ･ิϖ･ิ)っ,對正常嘅科目都冇乜興趣,平時都幾鍾意畫畫（雖然畫得唔係好好睇(つд⊂),我哋學校唔係好多科,無得係番嚟間學校讀va,一係轉校,一係讀其他科༼;´༎ຶ ۝ ༎ຶ༽ 轉校我都想,但係一黎阿媽吾一定比,二黎我又陌生,糾結中( ˘•ω•˘ ).｡O 求各位巴打絲打比下意見小妹,diu細力啲, thxxxxxx(｀･ω･´)

#NSS學業 [Guest] Admin pls post ig thanks :)) hello各位的小妹想問下有無好嘅學校可以考gcse～ international school 都可以 多謝大家🥺🙏🏻

#NSS個人 [GUEST] Post ig thx. （小長文） 小妺今年中三 ， 162 cm ， 46 kg 最近小妹有一個煩惱，就係覺得自己個pat pat 好大。 其實已經唔係第一次咁覺得，因為啲friends 都會係到笑我。 而且當著短褲嘅時候，因為pat pat 大嘅問題，所以望到側面就會覺得自己好肥，覺得好唔開心。 我試過上網跟住啲減pat pat 嘅運動，但做咗好耐都冇用。 我食完飯都會企係度半個鐘或者周圍行吓。

#NSS個人 [guest] 自己本身只係懷疑有抑鬱症 我知留言會話咩去睇醫生啦我地唔係醫生幫唔到你 我都想去睇醫生架 自己又無錢 我係無錢架，不過我都有周圍搵pt見工 搵pt連M記都唔請 係有少少悲哀既… 無錢食飯又如何睇醫生呢…… sor for 1999

#NSS學校 [Guest] Admin please post IG🙏🙏🙏 小弟今年中二,讀緊間Band 1學校。 考試將至,但係我哋啲變態老師畀咗勁多測驗,又有咩presentation,已經係忙到我哋抖唔到氣,計平均數我諗每日都至少有一個測驗,仲要其中一日假期都要去上堂補課,完全剝奪曬我哋溫考試嘅權利。自問係一個肯讀書嘅人,希望想盡量早啲溫考試,但係咁搞法得返兩個禮拜溫書,我唔想因為咁而炒,咁多位有冇辦法幫下小弟🙇🙇🙇 利申 我哋冇可能推翻到老師安排嘅測驗

#NSS學業 [GUEST] 我一定要報仇，我要向你地所有睇我唔起嘅人報仇。 喺香港，越有錢就越玩得起。 奉送一句嘢俾你班7頭，做人最要有野心。 每日就有一堆人創業，點同佢地鬥。 香港人最鍾意炒嘢，乜都炒嘢。 香港好L多商機，要創業，就要睇呢塊爛地「需要D乜」 不過我唔會創業架，我一定會搬出呢塊爛地，睇住黎啦。

#NSS學業 [Guest] 今年中三要揀科，揀Econ同Bafs，但係唔夠分揀M1，Dse或者之後jupas會唔會比較不利揀商科？ 如果真係唔揀商科，Physics同咩科一齊揀會好啲？

#NSS個人 [GUEST] 小妹啱過生日，已經17歲，但係得150cm高，仲有冇得長高😢？不過父母都算幾矮，但係我仲未有呀媽咁高，佢155cm，我仲有冇機會高過佢？ 響學校同form算最矮嗰個，成日俾人笑，好唔開心，有冇辦法可以長高d？

#NSS個人 [GUEST] 我個人係一個唔容易嬲嘅人，自從有咗情緒病之後性格變得容易嬲同埋煩躁，但係呢種嬲我唔會表露喺表情上，其他人睇唔出，因為就算人哋激嬲我我都係一笑置之，但其實我心入邊已經幻想緊自己攞刀筒激嬲我嗰個人，嚴重啲會有想殺人嘅衝動，我好擔心會惡化好驚如果有一日自己真係殺咗人點算 我只係想傾訴一下，我有咩講得唔啱嘅歡迎屌