#NSS愛情 [Guest] 唔該晒admin～❤ po ig plz（篇嘢有少少長 我今年 f.3，我係女嘅，鍾意咗個男仔差唔多3年。f.1個陣我同佢表白，不過fail咗，佢話唔想咁小個拍拖。之後做返朋友，有繼續傾計，內容有啲曖昧，有時打下機咁（一直都係我主動搵佢）。幾個月前我又重新同佢表白，我好鍾意佢，想同佢一齊，但佢都麻麻地想。咁我問佢究竟對我有咩feel，佢答有好感，大家都知好感唔代表鍾意㗎嘛。之後再傾多一陣佢話可能會考慮試下一齊，不過最後佢就驚（但係又唔知驚乜……），冇一齊到。我覺得同佢冇乜可能就冇再搵佢。不過呢排我又幾次發夢見到佢，都幾sweet 下(I mean 個夢) 。我本身諗住唔再搵佢就可以放低佢，但係我做唔到囉，每次靜落嚟就好掛住佢，又後悔點解要表白，搞到宜家關係好僵。我宜家應該點算，應唔應該再搵返佢，但又驚佢連對我嘅*好感*都冇埋。如果放棄嘅話，我唔知自己捱唔捱到。多謝你哋睇晒篇嘢，大家有冇啲意見畀我😭😭
#NSS社會 [GUEST] 其實我唔明點解大家仲唔知咩係假疫情真監控 香港已經變咗一個痴撚線社會 而家天氣熱到咁 有人除下口罩透氣都會俾人瘋狂批鬥 咁熱仲戴住個口罩其實你哋係唔係痴撚線 有冇諗過咁熱戴住個口罩係會身體不適甚至暈 但就因為個社會咁撚痴線所以要焗住戴 香港人 黃屍豬好撚鍾意講咩要防疫抗疫 以為戴住個口罩就係無敵唔會傳染 所以一有人除低口罩就要即刻叫佢戴返 但追星迫地鐵就唔會傳染啦喎😂 你哋知道安心出行 599g呢啲係政治打壓政治操作，但又配合極權嘅599i口罩令，我真係唔知你哋乜撚嘢心態 香港人一日唔肯一齊除低口罩 一日都只會繼續做奴隸 或者應該講 想要有下一次嘅民眾覺醒 首先要香港人識得除低口罩 我哋真係好撚鍾意香港不如改做我哋真係好撚鍾意做奴隸😂 sor for 1999
#NSS愛情 [GUEST] 首先呢，我係想回應之前個「男仔係咪會見一個愛一個」個po 要解答你呢個問題，首先要講下男人普遍嘅諗法(戴個頭盔先 係小弟認為嘅普遍，唔係每一位)，一般會對有興趣嘅女仔產生不同程度嘅好感，小弟粗略分類為3種（極粗略）。 （以下內容僅為小弟嘅睇法，如果認為含有誤導成分，請各位加以糾正。） 1. 有好感 男仔見到一個靚少少嘅女仔容易去「𥄫女」，極大幾率出於有好感。產生好感嘅成因好多，例如話靚，性格吸引之類，一般只會覺得個女仔吸引，男仔普遍唔會認為自己需要負起為女仔什麼責任，可以同時對多個女仔有好感。 2. 喜歡 男性喜歡一個女仔，原因有很多，難以列舉，可以理解為比「有好感」階段有更強烈的感覺。男仔同樣地唔會認為自己需要為女仔負起什麼責任，亦可以同時喜歡多個女仔（幾率較低）。 3. 愛 男仔愛一個女仔，可以理解為更深層次嘅「喜歡」，一般較願意包容，接納個女仔嘅缺點，會認為自己需要負起責任，簡單少少咁講就係覺得自己需要專一咁愛個女仔，需要付出實際行動保護/照顧一個女仔。 愛一個女仔並不代表男仔不會對其他女仔產生好感，喜歡嘅感覺，只係代表男仔會願意因為愛而抑制自己對其他女仔嘅感覺，拒絕其他女仔。 至於男人會唔會「見一個靚女而拋棄女朋友」，完全取決於男仔係「喜歡」還是「愛」個女朋友，前者會，後者大幾率唔會。 希望解答到閣下嘅問題。