#NSS個人 [guest] 想問吓大家覺唔覺得我有啲問題。 自從升咗f3，我每次考試大壓力就會戒手，習慣咗之後就每次俾父母鬧完，唔開心嘅時候都會戒。尼幾日嘅情況可以話係更加嚴重。我覺得自己好恐怖，每次沖涼或者自己一個喺房嘅時候，會無端端喊，跟住好快冷靜落黎之後又喊過，有時仲會邊喊邊苦笑。我連自己喊嘅原因係乜嘢都唔知，本身希望做啲自己鍾意嘅事令自己情緒穩定，但係又冇心機。自問我一直都係eq唔錯嘅人，但係我尼幾個月成日因為一啲少事忍唔住發脾氣。請問係唔係大家都覺得我情緒好有問題，有冇乜嘢方法令自己冷靜啲，正常番？我驚遲啲會因為情緒失控而傷害到身邊我珍惜嘅人🥲
#NSS個人 [Guest] 呢邊小學起已經坑ACG圈 想問下有無人同我一樣 曾經因為Fd脫ACG圈入韓圈而唔開心過😥 話說呢排撞到小學同學A 佢就係拉我入ACG坑嗰個 但去到小六左右就棄左ACG入韓 仲拉埋我best friend（過去式）B入去 我同佢地成個小六都0共同話題 但係D老師覺得我地好friend 畢業營逼我同佢地同房 全程同group尷左四日三夜.. 自從知道A轉坑我已經幾嬲下 帶我入坑系佢 掉低我geh都係佢 仲要因為咁搞到我同B嘅關係凍過水 最後絕埋交🤦🏻♀️所以我見到佢都當見唔到 反而系佢自己衝過黎扮friend同我講野🙄 想搵下同路人 順便互相支持下TT
#NSS個人 [Guest] 搏下今日要講嘅主角會唔會睇到呢篇文章: 我第一個中意嘅人 呢度想講下個人最近比較煩惱嘅感情事 我本身讀女校，較為多男仔嘅game fd（league of legends) 點解會玩呢隻game呢？ 因為曾經都佢好中意玩（下簡稱為B) B係一個有抑鬱嘅男仔，佢平時好大壓力咁，佢好難先會發自內心，好開心咁笑（連我都鮮少會聽到佢開心嘅笑聲） 20年7月頭左右我哋一齊入咗一個dc group識咗彼此，我哋已經好夾傾得埋，我一開始發現到小小蛛絲馬跡覺得B似乎中意我，我暗爽😹純粹覺得有人中意自己嘅話係幾開心嘅事，我以為我唔中意佢 去到幾個禮拜後我哋開始會鬧下交冷靜下（通常係佢嬲我） 經過一段時間，我發現我中意B，比佢中意我嘅嗰種中意更加深。我發現佢終於玩lol，我唔明有咩咁好玩，可以24小時discord status都係lol，我決定為咗佢而玩 我其實本身有玩下，但冇沉迷，直至見到佢咁中意打機先搵其他fd學打lol，結果到我沉迷嘅時候，B因為一d group內嘅不和唔開心到冇曬熱誠，加上每日都要返工，又要學結他，忙到冇曬時間，佢冇再打機 至少，我以為佢一直都係冇打機冇online 我同B亦知道咗雙方心意一樣（透過我哋嘅mutual friend） 我一開始知道佢都對我有意思，我開心到飛起，我超興奮，老實講我從來冇諗過要同佢拍拖，我只係希望：我中意你嘅同時，你都中意緊我 所以拍拖對我黎講唔代表d咩，但係中意呢樣嘢可以牽起我內心嘅興奮激動 但亦因為呢樣嘢，我地冷靜咗