#NSS家庭 [GUEST] 慎入 大約半年前我同屋企人搬到新屋，原本睡衣放喺我間房。但係宜家放喺阿爸阿媽間房(主人房)。 就喺琴晚我做功課做到凌晨3、4點。我要去沖涼，而主人房道門閂埋咗(ps.平時佢哋24小時都唔會閂門)，我冇諗太多就開門。 當我開到一半，我見到間房淨係開咗 檯燈，所以好暗啦。不過最令我諗唔到嘅係我見到佢哋全身裸體。阿媽瞓喺下面，阿爸企喺床邊。總而言之佢哋喺度為愛鼓掌😊 當下我即刻閂埋道門，衝入廁所去沖涼。沖完開咗好細個門罅，睇出去。好彩冇人，我衝返房瞓覺。 今朝早我出房嗰陣扮冇事發生，但係阿媽用咁樣個表情😏望住我。而家超尷尬囉。 想問下大家有冇咁樣嘅經歷。 Am I the only one😢 Sorry for 1999
#NSS個人 [guest] 想投去instagram thx🙏 想知道有冇人同我一樣洗錢有罪惡感? 我屋企唔窮但講唔上有錢。父母有層樓放租, 而家住緊個到就供緊(just for reference) 基本上我要嘅嘢我父母都會提供到俾我。每次同d同學出街, 佢哋都會無咩金錢顧慮, 好似食嘢咁, 我會先考慮價錢。我每次出街呀爸呀媽都會比幾百蚊我袋, 叫我有咩睇啱就買, 但我每次都會除咗食飯錢之外全數還返比呀媽。講真我好羨慕其他人, 買嘢可以無咁多顧慮, 有d甚至相對比我窮嘅friend都可以無顧慮買嘢, 我就係隔離格價成個呀嬸咁🙁有咩解決方法🙁
#NSS其他 [guest] 其實我想講好耐，但係我覺得我會比人閙到痴肺我先冇投稿，但係我真係忍唔到。sor for 1999 其實我想講嘅就是關於有d人認日本係一個好國家嘅問題，咁就一定有人話，哎呀又嚟個小粉紅喺度嘈。我自爆啦，我冇自定種意國家，你話邊個國家點點點，I dont fxxking care嘅人嚟。 咁我入正題啦 你話日本嘅人好好噶，你話佢地d地方好靚噶，你地話日本嘅設計好好噶，你地話日本嘅動漫文化好好噶，OK，我都覺得好好，好靚，我贊同，我支持，因為我都幾種意。 咁有d人就出嚟反駁我啦，咁好咁靚都唔夠?真心覺得唔夠，我地將時間推前少少，我睇二戰，你為咗資源四處攻打、侵佔其他國家，FINE！我都唔理，講真歷史上邊個國家想變強唔係咁(包括法國——拿破崙，中國古代，美國強搶印第安人原住民地方)，但係我就問一句邊一個國家會侵入人地嘅國家之後，弑殺國民、強姦婦女。 好啦，咁又有人出嚟駁我，呐，你仲話自己唔係小粉紅想講南京大屠殺? NO，我係要比你地睇更加傷你地心嘅Battle of HK，係呀各位，我點火點到你地最敏感嘅「香港人」 battle of Hong Kong(11/1941)，總共554個香港人被殺，加拿大派1975個加拿大人過嚟幫香港(應該話係幫英國)，當中290加拿大人被殺，576個加拿大受傷，我都未計英國同印度人，已經上千嘅死傷。 你地話，切，得咁少人死，邊個打仗唔想贏噶? 呢d死傷都好正常啫，OK！打完仗之後嘅非人道戰俘營點計，額外264個加拿大人死咗喺裡面又點計，其後1418個倖存嘅加拿大人有精神病(PDSD)又點計，受傷嘅醫生、戰俘再次被殺，護士等女士被強姦又點計，你唔好同我講呢個係日本嘅特色，一個國家有d咁下流嘅特色?你唔挽啦，為駁而駁。 咁就再有人駁啦，切，你咪又係講緊d歷史，一個國家會變噶嘛，OK, FINE！我認同嘅，但係日本嘅大男人主義，女仔嫁出去要跟男方姓又係點? 呢d極其古舊嘅「傳統」唔通都仲要留落嚟?
#NSS個人 [GUEST] 急！！！！！求求各位巴打絲打同我講吓面對住D 戇撚鳩post應該點做？？ 本來我就割完包皮開IG諗住睇吓post㗎啦，我唔為意碌咗落去一樣望落幾有趣嘅post度，咁我就心諗「吖，碌到落嚟就望吓佢係講乜啦」，就睇晒成個post啦。 睇落正正常常嘅post，冇咩特別咁，點知我撳咗落去個account之後，我發現成堆post都一撚樣啊！！！！ 「樣靚身材正？你做乜撚嘢啊屌」 我撚知佢點解要係咁post一撚樣嘅嘢啦，但我都戥同我一樣見到呢個post嘅人慘。而家搞到成IG都雞犬不寧，不過香港人又真係香港人，個撚個都係度repost呢個戇撚鳩嘅post。 所以想請各位巴打絲打教我點樣可以令呢D戇撚鳩post遠離我！我都係第一次遇見呢啲情況，唔係好知點處理，呢啲痴線投稿者係咪成日都有㗎？
#NSS愛情 [GUEST] 如果佢唔係教書，甘係唔係就唔算師生戀？ 突然諗起年幾前學校有個新來啊sir，唔教書，只係上堂企隔離幫下老師甘，有一次活動同佢傾熟左，之後周不時都會搵佢講下無謂野，學校唔同活動見到佢都會去搵下佢，但好似好多同學都鐘意同佢玩，佢好後生，應該二字頭，都幾溫柔，有時仲有小小搞笑，同同學玩得好埋，見過有男同學攬住佢，佢會話唔好，但好似最後接受左，佢笑果下其實幾可愛。女同學都會圍住佢傾，有時仲整佢添。就係甘，好似總有學生圍住佢甘，我就默默一邊望住。之後仲add左佢ig，會傾都唔短對話，有時佢仲會主動覆我story。 不過，佢做做下就走左，好似去左第二間學校。 有時我會覺得，如果果時主動，或者故事會唔同？如果我勇敢捉佢隻手，又會點呢？ 停課左一段時間，見到佢po ig，就又諗起佢。 佢好似冇女朋友，可能A0添。 但已經冇機會見到佢，除左得閒like下佢，佢like下我d post。 Sorry for 1999
#NSS愛情 [GUEST] 我想請教下各位我應該點做🙏🏻 (love n money again👋🏻) — 有啲長，預告下啦，主要係講💸 — 小妹上年同咗現任一齊，因為疫情都冇乜點見過。最近開始擔心同佢嘅未來。 — 講返少少背景先，佢住公屋，我住普通單幢式私人大廈。我哋家景都唔係好。前排我見到佢啲朋友喺IG曬名牌啦(最憎呢啲人🙄)，笑我男朋友冇錢、唔識靚嘢、窮x，我嗰下見到真係好心痛，我知個傻仔自尊心好強，一定自己屈埋。其實呢啲嘢冇人可以選擇，點解要咁笑人。我冇妒忌佢啲朋友，即刻諗到嘅係究竟可以點努力唔俾人笑。可能我好傻啦，我真係想同佢一齊努力。 — 當家庭背景差，係呢個年紀寄望嘅就只有學業。我係讀band1嘅，佢band3。冷靜！我知banding唔代表一切！但老實講，我見到佢學嗰啲嘢嘅程度，都真係幾擔心佢dse(23dser)。佢喺學校全級頭十，但我又唔知band3入u率大概係幾多，根本唔知佢入唔入到。我知有大學學位唔係大晒，但我諗喺呢個年代可以話係基本野(我知有例外)。佢唔係冇上進心嘅人，但我都想叫佢再俾心機啲讀書，最少做返top 5。但又唔知點開口，驚佢以為我寸/嫌佢，或者覺得我煩🙁 — 最後係想問吓大家，同佢相處有冇啲咩禁忌嘅話題或者有冇咩要注意，應該點溝通。因為作為佢女朋友，我唔希望會無心咁到hurt到佢，少少都唔想😭。即係可能一啲生活習慣巳經會有唔同… — 爭一年就成年啦，好快就要為自己負責，所以我並唔覺得我諗多咗。我投稿並唔係因為貪錢，想同佢比較blablabla，好現實講句，冇乜嘢係可以同錢冇瓜葛，我出發點都唔係嗰啲拜金，唔會誤會thanks。一定會有人話十幾歲女仔會咁諗，過多幾年就睬個男仔都傻。但我而家唔理得咁多，我想嘅就係同佢一齊變好✌🏻😬我唔希望自己後悔 — 希望大家真係可以俾啲意見我，又或者覺得我戀愛方面有啲咩唔成熟嘅位都歡迎大家糾正🫡。 Sor for 1999,長氣到呢…第一次投稿係咁🤦🏻♀️
#NSS個人 [Guest] “有啲人總係喺失去之後先學識珍惜，唔好再努力討好人” ，你記唔記得呢句說話呢。 純分享，抒發自己嘅感受同經歷，不喜勿插。 雖然其實冇權干涉大家嘅事，但希望大家見到我呢篇文嘅時候都可以唔再做一啲令自己後悔嘅事。見到篇文認到我係邊個嘅人唔使相認了。 珍惜眼前人個個都咁樣講，又有幾個個真係做到？ 我曾經遇到一個好愛嘅人，亦都係我嘅初戀，記得嗰時佢對我都有意思，佢會主動搵我講嘢，雖然係愛佢，但係細個對愛情冇乜想法，所以一直都冇祈求過成為佢身邊嘅人。當時啱啱畢業，我哋啱啱交換聯絡方法。嗰陣時細個屋企人監管都有啲嚴格，佢有時whatsapp我都係whatsapp我屋企人嘅電話號碼，因為我未有屬於自己嘅電話。屋企人嗰時唔想我花太多時間去社交，想我專注返學業，於是嗰個人搵我嘅時候我屋企人都幫我已讀咗佢，甚至用一啲好冷漠嘅語句覆佢，因為屋企人冇同我講，我就連佢搵我我都唔知，係過一段日子我再睇返屋企人嘅手機先發現到。但係嗰時已經好耐，我都唔知覆唔覆。漸漸地佢冇再搵過我，亦都各散東西，成為兩條嘅平行線。到後尾我終於有自己嘅自由可以有自己嘅社交有自己嘅電話，我搵返佢佢已經對我好冷漠，亦都係story到講“有啲人喺失去之後先識珍惜，唔好再討好別人啦”。我嗰時一直好想搵佢解釋，其實我好鍾意佢，我唔想失去佢，但係我冇資格，佢已經唔想再理我，可能已經唔記得咗我，unfollow咗我，我好後悔亦都好唔甘心，近排相遇，已經徹底變咗陌生人。但係其實我有更多更好處理嘅方法，例如當時真係夠愛佢可以偷偷地用父母嘅手機同佢講嘢，如果我當時夠珍惜佢我就唔會佢send咗message比我屋企人咁耐我都唔知。就係咁樣，我失去咗一個好愛嘅人，佢可能已經忘記咗我，我只係可以默默關心佢。就係咁樣，佢成為我嘅初戀，亦都係一個人生最痛心最遺憾嘅經歷，到依家都未能完全淡忘。可能係因為初戀一定有一個特別嘅地位，同埋因為自己嘅內疚同埋遺憾掛。雖然你好似冇follow呢度，但係你有緣見到嘅話衷心同你講一句sorry。 第二個經歷係我升上中學之後遇到嘅一個人，我哋曾經係好朋友，佢都曾經同我表白，但係未中意佢嘅我 拒絕佢。後尾我亦漸漸留意佢鍾意咗佢。無奈有人同我講佢嘅唔好，分化離間我哋，令我覺得佢唔係真心鍾意我。但係佢當時知道我係慢慢鍾意咗佢嘅，佢知道我鍾意佢之後佢就主動嚟問我“你依家鍾意邊個呀”，我因為受到人哋嘅影響所以冇主動同佢講我都鍾意你，白白放棄咗個機會。自從嗰次之後我哋再冇乜交流，由朋友變成陌生人。後尾我追返佢，佢冇接受，都好冷漠。我唔知點解我衰咗一次都唔識學精，放開咗兩個自己愛嘅人，留低人生中一段段紮心嘅經歷，想放低都做唔到，其實我識得珍惜佢哋，我就唔會有人生更多嘅污點，可惜沒如果。 要真真正正上咗最寶貴嘅一課係要經歷天人永隔嘅失去，詳情唔多講了。佢對我好好，照顧我嘅一切，我唔珍惜，覺得煩厭，成日攞佢出氣發脾氣，因為反叛多次嘗試離家出走，仲成日講希望快啲上大學住宿舍離開屋企。當有一日佢突然間離開咗我先醒覺，我又咁樣失去咗一個愛嘅人。可能我覺得佢對我好照顧我喺理所當然，佢一直留低陪住我成長都係理所當然，但係我發覺呢個世界係冇理所當然嘅事，任何人嘅付出更加唔係理所當然。 好後悔又點？好後悔都改變唔到啲咩，唯有記住呢啲教訓，好好去move on，唔再重蹈覆轍，做一個更好嘅自己，避免留低咁多嘅遺憾，放眼向前。我真係衷心希望大家唔好再步我後塵，好好把握自己珍惜嘅一切，珍惜眼前嘅人同事物。冇人有責任義務留低喺度等你，有啲嘢錯過咗一次就唔會有第二次機會，就會永遠失去，有機會嘅同時點解唔好好把握呢？係咪一定要失去過先識得珍惜？大家好好珍惜屋企人、朋友、愛嘅人，明白冇嘢係理所當然，心存感激吧。 *我只係希望用我嘅故事，教到大家，希望大家唔好重蹈我嘅覆轍。要屌就免了，因為一切係我咎由自取，我已經受到應有嘅懲罰，亦都唔係賣慘，唔使去可憐我，只係想將自己嘅經歷講出嚟，無論我想道歉嘅人睇唔睇到都好，令自己舒服啲，最希望幫到大家* Sorry for 1999 Po ig thanksss