#NSS個人 [GUEST] 呢個係關於小妹嘅身體， 我中學開始上唇一直都係偏紫黑色， 都已經四年啦， 啲人都話係我身體唔健康而造成嘅， 而我本身都有啲血液唔循環嘅問題(唔知關唔關事)， 會經常性手腳冰冷(即使係夏天好熱都會手腳冰冷)， 咁最近我照鏡時覺得我上唇真係偏紫黑色， 因為我對呢方面唔係好了解， 所以我就上Google查啦， 而上面亦都話係身體出咗啲問題， 但我知有時Google都唔係幾可信(即係好似查查下出埋癌症嗰堆嘢咁)， 所以我想問下係咪真係我身體出咗問題？ 如果係，咁我應該點做？ 希望可以解答下我嘅問題🙏🏻 唔該曬admin🙏🏻
#NSS文化 [GUEST] （唔該po FB+IG，另請po時刪去此句） （我執黑棋，到我回合） 我三氣佢五氣，主動權似乎都唔係好彌補到個弱勢。而家我打緊掛，唔知應該從左定右進攻。我有兩個進攻構想：左下扳落黑一，佯攻白棋之餘為己方黑棋造假眼活做準備；右下小飛落黑1，直接攻殺白棋以救左下黑棋，小飛一著係為阻止白棋右下造眼。 如果從左下打，我驚弄巧成拙反而先手送死自己，輸晒成忽；如果從右下打，我驚殺唔破白棋防禦畀到佢造眼，又係輸晒成忽。 目前我對Cosumi八路盤戰績十分不堪，曾被白棋以十三目大敗。而呢鋪棋係我同Cosumi捉咁多次八路盤，難得算係見到些微勝機嘅一鋪，所以我有迫切需要去學習同贏低呢局。 如有任何賢人能士識捉圍棋，懇請為晚輩指點迷津，不勝感激。 鄙人一介白丁，還望諸君不吝賜教。 （我只係小學嗰陣學過兩個暑假時間嘅圍棋，當時最高都只係十七級） （尚記得當時一位同齡人已經上一段，實在自慚形穢） （三、四年冇掂過圍棋，技術差劣敬希見諒，勿屌） 圖Link: https://ibb.co/NsG1zkZ