#NSS愛情 [FYK] 小弟今年14歲，讀緊中三可能會有啲長，sorry for 1999 是咁的！我鍾意左一個同佢做咗三年好兄弟嘅女仔我喺度稱佢為Y！Y同我喺中學第一個認識嘅異性朋友就係我地大家，理所當然我地都做咗好兄弟。 我初頭都對Y有好感，但係因為果陣時Y有人追所以如我都唔表白，之後我都有女朋友，佢亦都有男朋友，所以我都冇再諗住我會同佢一齊。 好啦到左今年我同左我個女朋友分左手，已經差唔多三個月呢三個月我有好盡力不停追佢！但係去到我知道佢有新嘅男朋友我亦都放左手。可能因為個三個月我真係好辛苦所以我對前女友一啲留戀都冇。 因為我個女朋友佢喺唔鍾意Y所以我有好一段時間冇同Y聯絡，所以Y都憎左我！同埋之前我亦都因為第二個朋友同Y喺學校操場後邊喺度鬧大交，仲要鬧到佢喊… 突然間有1日我有個朋友無端端約左Y同埋我出來,先前我係唔知道原來第二個女仔係Y，之後我先知道原來Y原諒左我。我當然都好開心啦但係我一聽到Y佢喺黎半年發生過嘅所有事！佢果前男友點樣對佢！我同佢地睇完戲係海邊飲酒我一粒聲都冇出到…因為我真係好唔開心，所以我決定好勇敢咁樣同Y表白，我知道我咁樣做一定會有好多人覺得，甚至佢地都會覺得我係因為分左手所以先想有人陪住我。但係我好清楚唔係！我係真心想愛Y！ 好想俾Y幸福！ 表白左啦Y同我講一大輪道理，我知道左Y可能會因為我做一啲小細節，或者好關心Y咁我係會有機會！ 之後我就做左好多野例如去石門專登夾一個上次行Y搵唔到嘅公仔！之後我尋日知道左Y心情唔好，我專登朝早6點起身過去佢屋企樓下等Y落嚟一齊返學，原本準備我要講咩！Y有啲乜反應又要做啲乜！原本諗住肯定會加分啊,點知我見到Y屋企人係佢後邊，我完全唔知點算好所以我準備既野都冇講！ 宜家就連Y對住我微笑我都會即刻跑上去四樓,同我班兄弟講我鍾意嘅果個人Y對我微笑啊！！！ 但係就係剛才Y同我講，Y始終都係接受唔倒三年嘅好兄弟突然間同Y講鍾意佢！ Y覺得我依家係浪費時間！ 不過我想同佢講！ 我會等你等到你有男朋友為止！希望你接受到！我會努力繼續再一啲小細節令到你覺得自己比人關心緊！ 總之一句講曬！ I Love You 3000
#NSS家庭 [GUEST] 話說我今年九月就去英國讀書，前幾個月同左阿婆講。佢成日周不時就同我講「其實你想唔想去」，好L煩。有一次佢又問我，我梗係答我唔知啦，佢就話如果適應一年讀唔到就翻返嚟啦，但其實我哋已經plan定晒準備兩年後移民。之後佢又話：「唔鍾意讀文言文唔緊要，但係一定要讀歷史，我哋嘅中國歷史，因為我哋中國要強國。我哋可以讀返以前啲嘢，你睇吓而家中國冇人蝦啦。」唉，正常啦，好正常嘅小粉紅。同埋我承認中國真係「強國」。我去外國有一半原因都係中文太差唔鍾意讀，佢又話我哋係中國人，一定要讀中文，又話中國人blah blah blah，救命你唔好再呢句又中國人嗰句又中國人啦大佬。佢講講下又話「你睇吓你爸爸媽咪因為讀中史讀得唔好，睇吓佢哋而家思想都歪咗啦」使乜你問候我老竇老母啊，我想問有咩關係呢，你先係思想歪咗嗰個啊，你鍾意中史，但你唔係逼人鍾意中史，講埋晒啲歪理順便擦下鞋呀。因為聽日我工人返鄉下一個禮拜又要隔離21日，所以我阿婆會長駐喺我屋企幫我洗腦😀