—類投稿

#NSS學校 [Guest] 是咁的 我係某女校嘅f2生。我有一個一齊玩左10幾年嘅朋友，喺幼兒園嗰度識，到而家都仲一直一齊玩緊。但係好似由上年開始我嗰個朋友就同左第二個女仔好熟，即係我知道朋友呢啲嘢唔係話淨係可以得一個，但係我覺得佢少咗同我講嘢好多，跟住佢哋兩個又成日都一齊出嚟玩，我好似有少少妒忌同埋寂寞(? 最近真係覺得好困擾。想問吓我咁樣諗會唔會有啲唔正常？sorry for 1999

#NSS愛情 [Guest] 唔知咁樣算唔算係鍾意，雖然只係識咗一年。 一開學嗰陣佢就坐前面，成日都轉身同我講嘢，成日講笑令到我笑，雖然好串但係又啱啱好篤中我笑點。 之前有一次病咗隔離位啲同學就係咁講我壞話，佢哋仲要老屈我一啲我冇做過嘅嘢，大家都話冇，得佢一個同返我講呢件事。 返學生活日日都有佢。雖然我日日都笑笑口咁對住人，但係其實唔係咁開心，但係佢係唯一一個會令到我真心笑出嚟嘅人。之後佢轉咗位坐咗我隔離，之後就病咗我好擔心佢仲要嗰日見唔到佢好似失魂落魄咁，最後都係借住俾功課佢嘅名義約咗佢出嚟。上堂嘅時候會細聲講大聲笑，小息嘅時候會打吓佢啊，又成日會講吓笑話咁樣。 到而家，最近突然之間唔理我，之後問晒原因發現係因為佢唔鍾意我成日摸佢個頭，仲要唔理我嗰段時間，係咁同後面個女同學傾偈….，唔知點解好唔開心？！好似成個世界都灰晒咁樣…之前都唔覺，但係慢慢開始好討厭睇住佢同後面個女同學兩個笑笑口咁樣…。 最後問返啲friend，佢哋都覺得呢個係正常人對朋友都會有嘅態度，但係我就覺得自己怪怪地。所以就上嚟問吓….麻煩晒大家睇我呢篇文 勿相認pls🙇🏻‍♀️

#NSS學校 [Guest] [唔該admin po IG] 長文 小弟星期一考dse數學paper1果陣急尿， 喺原校考，抵我死+黑仔，老母迫我飲冬瓜水+考試坐第一排(坐頭位)，整到我比平時更加緊張， 之後我舉手去廁所，監考陪我去， 我一出禮堂跑去廁所，監考叫停我， 話我個seat No. 比較後，要去1F廁所， 佢帶我去4F禮堂到1F廁所，行三層樓梯， 到一樓男廁，我入去見條走廊上面冇水，我都慢慢行，但我feel到我間6uo學校個弱智校工用漂白水洗地又唔過水，整到我跣咗3次，仆咗3次，仲比監考見到，我果陣好怯，喺廁所跣完又要跑3層樓梯，用咗10分鐘，上到禮堂都冇氣諗killer題，仲因為廁所跣親好怯，mc 錯咗3條careless(原本可以44/45) 我原本坐*望**，宜家希望破滅。 原本我都冇咁嬲，但琴日考phy我前面個男仔唔駛 2分鐘去廁所就翻到位(果日間學校冇6uo廁所分流) 可見人地可以直接去禮堂樓層廁所。 講真，考緊dse都係得少部人好緊先會去，根本可以比我去4樓廁所(我入到走廊冇跣親)， 點解要迫我去1F???? 我有冇得放榜後向HKEAA投訴我間垃圾學校個廁所分流plan，因為人地學校都唔駛？ 最後，我會想問候校工老母😇

#NSS學校 [Guest] 話說我 f1 ge時候遇到一個好pk ge老師，佢果陣時教我中文說話啦，midterm果陣係考小組討論，然後我同班friend都只係好似其他人咁傾定邊個做開頭同總結廢事dead air，然後佢就好仆街咁屈我果組話咁做係等同出貓作弊（白眼反左720度🙄️），仲要周圍同啲熟老師攞呢件事黎吹水，我dxu 🙁

#NSS個人 [GUEST] 想講吓啲女仔嘢。即係大家都知道M巾係有個黐黐地嘅嘢類似貼紙咁樣可以俾你貼住㗎嘛，但係有時開得唔好嘅話就會爛咗或者癡唔好。我每次都會好緊張咁樣細細力慢慢緊搣開佢因為我唔想佢爛，同埋如果佢真係爛咗我會出去搵張膠紙貼住佢。我本來都覺得自己好正常但係我啲friend都話我咁樣好變態，乜我真係好有問題咩？thanks admin

#NSS愛情 [[沙田某中學]] 小妹今年F3，外貌麻麻，身材，成績都一般。 我由F1 開始鍾意咗個男仔，但係佢呢份人我都唔知點講好…佢有時候都幾正義，又好重感情。但係佢同好多女仔都係一種比較曖昧嘅關係，即係會成日facetime，又約埋一齊翻學放學等等，但係就冇gf。 我雖然喺班上面都算係同佢比較熟，但係就完全冇試過以上講既野，連傾電話都冇😞 最攞命嘅係啱啱講嘅嗰啲女仔有幾個都係我啲friend，而且有其中一個仲話鍾意呢個男仔。 其實我都唔知我自己想點，一方面想知道佢鍾唔鍾意我，但係我驚如果我問咗嘅話以後連朋友都冇得做，以後仲有3年要喺同一間學校度相處，始終會有啲唔自在，而且我覺得佢可能鍾意我其中一個friend… 其實我之前好似聽人講過話佢知道 我鍾意咗佢，所以先至成日若有若無咁避開我，但係有時候又會主動搵我傾計。 我都有嘗試努力克制自己唔再鍾意佢 ，但係每次見到佢同其他女仔行得咁近又會呷醋，唔舒服， 而且同佢又坐前後位，每次一撩我講嘢我又控制唔到自己，唔知應該點算… Sor for 1999

#NSS學校 [Guest] 我鍾意咗我個級其中一個女仔。佢係精英班，係大家都知嘅女神。從來前我哋讀同一班，係好玩得嘅好朋友。上年我哋仲喺度日夜傾偈，我嘅講嘢方式都因為佢改變咗。直至今年3月，返學見到佢同佢同男朋友一齊左，我地從此就變左熟悉的陌生人。 而家每日返學，我都會去佢班房出邊偷偷地瞧佢，小息嘅時候，我都會扮撞倒佢。我重複一次又一次咁走過佢的班房，我好想同佢做反朋友，起碼見面嘅時候會say hi

#NSS愛情 [guest] 大家好! 小妹而家中二, 有個男仔frd(下稱A), 我哋中一orientation識咗之後不停whatsapp對方, 仲好似咁耐以嚟冇停過傾計。傾吓傾吓, 我好似對佢有少少好感, 我哋喺學校都比人話「打情罵悄」, 同埋都比人講係cp。我哋成日一齊打機, 耐唔耐都call一次。我同A咩話題都講過, 有時18+都傾, 都算比正常朋友更加親密。我想知A到底當我同佢係咩關係, 應唔應該直接問佢? 定係可以點試吓佢? sorry for 1999 ;-;

#NSS學校 [Band2B女校] 今年中三 前幾日同個同學有啲拗撬 是咁的佢唔小心倒瀉水喺佢條裙 跟住佢附近嗰啲人就話佢瀨尿 我哋就改咗佢返名瀨尿X 唔係欺凌，係普通朋友講笑嗰種 都只係講過一次因為我哋都係有分寸嘅 佢嗰陣時仲跟住我哋一齊笑 下一堂佢就突然之間喺度喊 跟住就嬲咗我我哋 我哋已經同佢道咗歉 佢都唔原諒我哋咁我哋應該點算

#NSS學校 [[Guest]] 我想分享一下一次我畀小學老師冤枉嘅經過，希望大家睇完比d意見 我好記得果日嘅lunchtime，我同一行人比我嘅班主任（以下簡稱西蘭花）無端端叫咗出班房出面，我好記得佢話我地整蠱咗同學，要我地同佢道歉，同埋寫一篇50字嘅英文diary（呢度補充一下:佢叫我寫嘅英文diary，名義上話為我地好，想我地改善grammar同writing skills，但佢收到我地嘅diary後，唔會睇一眼，直接撕爛拋去垃圾桶度，故此有同學喺紙上面慰問佢老母，佢都唔知）但由於我冇做過任何事，所以我決定同其他人，向一個疑似嘅受害人道歉，點知原來佢唔係受害人… 後來我翻到屋企同屋企人講，屋企人已經嬲到「紅都面晒」，但佢地決定比個老師多一次機會，同時我揾到一個證人證明我係清白，證人表示第二日會同我證明。 第二日，西蘭花老師話要收diary，我表示冇得交，因為我清白，同時傳召證人作證，點知證人比西蘭花老師恐嚇，威脅，話唔可以幫我作證，否則即刻懲罰佢，於是證人被逼話「乜都唔知道」，西蘭花老師為咗懲罰我，唔比我食飯，要我作好diary先可以食，更向全班開我名，表示我就係呢件整蠱案嘅「主謀」，話我「獨自策劃案件，與其他人一齊行兇」，呢下比佢屈完，我跳落尼羅河都洗唔清… 同日放學，佢為咗懲罰我今日遲交diary，要我寫四百字悔過書，悔過書須包含以下嘅要求: -悔過書上要有家長評語以及家長簽名 -不得冒簽，不得代家長寫comment -不得寫廢話拖延作文字數 -最好將悔過書內容讀一次比屋企人聽 -不得寫任何抗辯理由喺悔過書度 -不得先請家長寫評語同簽名再寫悔過書，否則後果自負 -須於悔過書上表示認錯，要有真誠悔意 結果我翻到屋企，寫到一半，我屋企人睇唔過眼，撕爛拋走咗我嘅悔過書，話個老師變本加厲，第三日要投訴佢 第三日，佢話我冇得交，鬧我一餐，然後話要我請家長黎學校 Recess佢問我: 西蘭花:你誠實d，我好公平公正，唔會逼你認！你答我你究竟有冇做過 我:冇 佢:你果然唔認，我唔逼你，不過如果你唔認，我會請你家長睇住你認！ 我:我冇 佢:你仲唔認！我好公平公正，唔會針對學生，你再唔認我就交你去訓導主任度，記你缺點，我唔會強逼你認，不過你認唔認！你認唔認你獨自一人策劃成件事，你認唔認你係主謀，你同其他人一起行兇，你犯案動機係咩我驚到認咗，條撚樣開心咁走咗，話lunchtime再詳談 最後我屋企人投訴佢，西蘭花話知道我早退好擔心，食飯都食唔落，我老母反駁話係比佢逼嘅 順帶一提，呢個老師好鍾意用「你手抽筋，腳抽筋，脊椎斷裂，骨折，發燒」等藉口送人去醫院，呢d侮辱學生嘅嘢佢經常講