—類投稿

#NSS學業 [Guest] 我真係好想進步，不過堅持咗一陣就會放棄 大家好，小弟今年F2，我阿媽由K3開始就比我上數學班，所以數學成績一向ok，小學嗰陣輕鬆handle數學考試測驗，只係比較唔小心，有時會有啲careless mistakes 去到中學，F1上學期課程簡單，而且都係一啲我以前接觸過嘅topic，我自作聰明唔操數，最後考到93/100。F1下學期，開始有啲我冇學過嘅topic，我明知自己唔熟，不過選擇咗逃避，好在份試卷入面我唔擅長嘅topic嘅題目唔難，最後都有87/100。 我身邊啲同學都話我數學勁，但係我好清楚自己退步緊，以前學過嘅嘢都差唔多用晒，再唔操多啲數，只會繼續退步。於是，我喺升F2嘅暑假頭下定決心要日日操數，結果堅持左兩日就放棄咗。F2上學期，我又不停偷懶，又唔好好面對數學退步呢個問題，於是考試成績又跌，得番81/100。 我知道再退步落去就會變7X/100，去到高中，課程會再深啲，就只會退步更多。我深知操數同努力嘅重要性，不過做咗少少就會開始頂唔順，又去偷懶。 我覺得自己好廢，明明數學一早開咗竅，明明遇到新topic一學就識，明明有條example就可以學識一啲學校完全冇教過嘅高中topic (包括M1/M2)，但係我就因為自己薄弱嘅意志力，浪費晒自己嘅能力。 我好想改變，做返個勤力嘅人，我想自己係因為盡咗力而高興，並唔係因為自己冇認真準備考試但考到好成績而自滿。 有冇人可以幫到我，我真係唔想再咁頹…… Sorry for 1999 唔該admin幫我post上ig

#NSS個人 [lfh] 自律神經失調點算啊😢我一郁個心就不斷跳，夜晚訓教個心跳跳得勁大，搞到我完全訓唔到。我懷疑同自律神經失調有關，有無大佬可以教教我點做😢而且據聞心跳跳得越快，係咪瓜得越快😶

#NSS個人 [GUEST] 小妹14歲 唔知大家有冇呢個問題，成日夜晚係牀上面明明好眼瞓，但係又訓唔著。 呢個問題困擾咗我好耐，我有時超眼訓，但係唔知點解一合埋眼就會諗嘢（會自己諗一個故事、諗一啲恐怖嘢…），總之就係成日幻想啲嘢啦！ 我每日夜晚明明11點幾上牀，但係永遠都係凌晨三四點先訓得著，跟住朝早就好攰。想知道有冇啲咩解決方法🥲🙏🏻🙏🏻

#NSS社會 [GUEST] 標題（肥婆明知放學時間實多人 點都要人讓座俾佢） 件事係發生係我from one 突然諗起覺得好笑 純粹想分享吓 咁大家都知放工放學時間實多人 早入車嗰啲咪有位坐 遲入車只可以企喺度 咁我哋呢班學生肯定唔例外 咩學校嘅學生都上咗車 一定要企喺度 成架車係冇位 差唔多逼到好多人上車頭 到另個站有個肥婆上咗車 就好大聲不停重複講借開借開（超級刺耳） 一路講一路迫上前 搞到我哋呢班學生迫上加迫 仲要求人哋讓位俾佢 見有人實在睇唔過眼提前落車 成架巴士佢霸曬 我當時心諗本身體型已夠滿 仲要難為咁多人

#NSS個人 [GUEST] 因為年紀細 就可為所欲為？咩都做得出？ 純粹個人分享 諗返起真係恐怖 件事係發生係我七八歲嘅時候 朝早我外婆都會帶我飲茶之後買餸 行入個小商場 嗰時因為比較早商場冇乜人 我就拖住外婆隻手入去茶樓啦 咁行入去途中 有個大叔係我身邊經過（ 大概身形矮小有紋身喺手臂 少少記得佢個樣）借啲意摸我大髀 嗰時夏天 我着住小短褲短袖衫咁樣 當時就冇乜點察覺呢種行為 以為佢唔小心 後來大個諗返起件事 成隻手掂埋你大髀嗰度 仲唔係刻意 點會係唔覺意呀 呢件事係我腦海入面都比較深刻 無論男定女都要好好保護自己

#NSS個人 [香港某中學] 我好想同啲friend出街，但係而家疫情，阿爸阿媽就管住我，之前疫情冇咁嚴重嘅時候，佢地都唔緊張疫情，但係連出街都班friend食埋個晚飯先返屋企都唔得，仲話以後6.前要返到屋企，我就唔明點解食晚飯都唔得，佢地就話我仲細，出夜街好危險，但係我啲friend就去到幾夜都得，係唔係佢地對我太嚴謹，定係我啲friend嘅阿爸阿媽對佢地太寬容。到近排疫情高峰期，到而家3千幾宗，佢地就話到三位數先好出街，但係因為我家姐要考試，到差唔到五月先考完，跟住佢地就無端端話要等到我家姐考完先可以出街，而家都差成個月，可能五月之前就跌到三位數，之前又因為疫情，真係好想出街同去踢波，無端端要到五月，我唔知點做好，我啲friend而家都諗住出街，但係就得我一個唔可以😢😢，就算出到，佢地又要限制我去嘅時間，我覺得咁樣好煩，我可以點做好🥲，先可以令到佢地唔好成日管住我？

#NSS其他 [GUEST] 小妹想條腰再幼啲，我已經有跟YouTube片做運動+節食，但係都無用。請問有咩辦法? sorry for 1999 🙏

#NSS學校 [Tstss] 竟然有人喺學校做愛！！仲有左

#NSS其他 [GUEST=]?] 想講有個frd好似好大壓力, 前幾日又無神神問我好唔好轉校, 呢排call又好冇精神, 一句起兩句止,想問有冇人有差唔情況？有咩建議點開解下佢？ ig pls

#NSS個人 [GUEST] 最近好似對咩都冇興趣，冇乜動力去做嘢，悶悶不樂咁，仲delete咗部分同學/人做聯絡人，完全唔想覆人msg，有個同學3月send咗個msg比我，我到而家都冇覆，呢排放假完全冇聯絡過同學/朋友，除咗出街真係與世隔絕。每次出街喺大廈條走廊度就好似有一股唔開心既低氣壓湧過嚟，搞到有得出街心情都唔係好好，同埋唔知點解最近自己鍾意閂門喺間房度，唔想同屋企人溝通，我自己之前都算係幾活潑/好動，但係而家完全對所有嘢都冇興趣。唔知係咪因為放假嘅關係，又冇得成日出去玩，所以先搞到咁？