#NSS學校 [GUEST] 小妹讀沙田某間band 1A 嘅學校(form 1) 自問都好大壓力,自從升上中學之後,就要開始上zoom,first term 成績就一般,炒左一個平時嘅test 之後d老師就好似開始喺度算舊帳,乜L嘢都鬧,又將我哋同精英班比較,又就嚟要考last term ,我唔想再比老師但我哋同隔離班比較,成日都喺度話呢兩班實力應該係平均,兩班都係我教你地,點解佢哋班可以咁大進步？一派卷就喺度咁樣up 又自己成日都話我唔係想比較你兩班(純粹發洩）,我唔想再俾人用上堂唔專心,好跩,讀書唔好呢啲嘅嘢俾人標籤,真係好大壓力,我下次考試應該點做🥲🥲 各位大大可唔可以俾啲點樣專注溫書嘅意見🙏🏼 如果有錯字嘅話sry Thanks admin ~
#NSS愛情 [HTYC] Title:請幫我分析下我係唔係同性戀….. 小妹form 1，初次投稿，pls post IG!!!!thxx 有關同性戀同異性戀嘅問題已經困擾咗我三年。以下係本人嘅真實故事，請大家幫手分析一下🙍(長文慎入，敬請原諒) 由四年級開始入咗精英班， 多咗好多功課同埋quiz，所以好大壓力。 有一個女仔佢第一次同我傾計，已經有心跳加速， 所以嗰一刻我知道我鍾意咗佢。 五年級嘅時候我哋已經唔同班，但係我都有成日搵佢傾下計。但係差唔多升中嘅時候已經冇再聯絡。 我升中之後，復課頭嗰幾日識咗個女仔同佢做咗朋友。當時我坐喺佢後面，見到佢背影會有種女神感覺，嗰一刻起就鍾意咗佢。 我諗大約ㄧ個月前，我同咗佢講我鍾意佢。 不過佢都肯接受，我哋依然係朋友。 如果你知道我講緊你，多謝你😊。 有時同學都會畀一啲韓國或者日本嘅靚仔畀我睇，但係我完全咩感覺都冇….. 即使喺街上面見到一啲年輕嘅女仔，會有少少心動。 可能我未搵到我自己係同性戀或者異性戀……有D迷網….. 最後重複一次希望大家幫幫手分析下😶🙏🙏 sorry for 1999(如果你睇到你呢度，多謝你哋嘅耐性🙊)
#NSS個人 [GUEST] 小弟中三,上年識咗個同學,同佢都幾friend,成日同佢傾好多秘密,又成日一齊玩.但係喺今年,佢間唔中會笑我,唔理我,串我(唔係普通串下,都幾hurt),但係隔一兩日又變返好熟,我都唔知點.舉多個例子,我最近同佢打波,我整親隻腳(醫生都話嚴重,但係未去到斷骨要坐輪椅嗰隻),跟住佢就不停笑我,話我廢,仲話我扮嘢,大佬呀你估我想㗎？我傷咗有好處？真係好煩lo! 最後,佢有時真係好鬼煩,完全唔想理佢,唔想同佢咁friend.但係我想講因為我喺中一嘅時候冇friend,成日都好唔開心,又唔係幾想識多啲人,所以都幾驚冇咗宜家呢個friend(會驚到成日唔開心、好擔心咁款). 我想問下我可以點樣舒緩呢個心情同埋點樣面對佢咁串咁煩？ （我係嗰啲唔識面對、解決情緒嘅人） Sor for 1999
#NSS個人 [GUEST] 是咁的。 小弟我就冇乜專長，唯一玩樂器見得吓人咁，不過都冇點同人講過。有次咁啱同我個好朋友A講到依個話題，就有提到我玩緊結他三年左右，A之後問我難唔難學，我就話唔係特別難。 自從佢知我又學結他，好似激發咗佢好奇心，不斷問我關於結他嘅問題。前排佢同我講想學，仲叫我陪佢去睇，我唔知點解有少少唔想佢去學，抗拒佢同我學同樣樂器。我都有安慰自己有好多人都有學結他，我又唔係勁，仲有好多人叻過我，佢一起學仲可以交流下心得添 。但我一諗到佢都學，個心就有啲唔舒服。 係咪我太小心眼？ 如果係，應該點改變依種心態？ Sorry for 1999
#NSS個人 [Guest] 見到nss有投稿關於身邊冇乜朋友，我都想講下我自己嘅經歷。我身邊冇乜朋友嘅原因，係因為小學嘅時候都發生咗啲事，令我唔夠膽再識新嘅朋友。亦明白咗寧缺勿濫嘅道理（由於係小學時期嘅事，所以有啲小學雞 ，請多包容） 首先，先講下我小學嘅朋友。我同佢係小二識嘅，一開頭我哋嘅友誼都好正常。但係，經歷咗6件事之後，我就開始覺得佢唔係朋友，而係一個“情緒勒索嘅人”。 小學- 第一件事 小二嘅時候，佢每個小息都會搵我玩，我開頭都覺得好開心，因為佢係我起小學嘅第一個朋友。由於我嗰陣係一個唔鍾意睇卡通片嘅小學雞，所以每次佢想同我討論卡通片，我都完全畀唔到反應。「你都唔睇卡通片，咁我哋唔好一齊玩啦！」呢句就開展咗佢對我嘅情緒勒索。就係因為我哋冇共同話題，佢就開始對我有啲反感，唔係好想同我玩。 小學- 第二件事 轉眼間就到小三學期尾，由於學校會揀選學生做風紀，而呢個就係我由小一開始就好想做嘅崗位，所以我好想舉手報名。但係佢竟然好粗暴咁阻止我舉手，扮到好慘咁話「你諗下，你做咗風紀之後，我哋每個小息都唔可以一齊玩架啦。你陪下我啦，我好唔開心啊」。我小學嘅時候，淨係得佢呢個朋友，又唔想令呢段友情消失。所以我就好戇鳩咁放低咗手，嗰一刻我真係好後悔點解要聽佢話，眼見住十個名額都畀其他同學搶曬，好心酸。宜家諗番真係好嬲點解當時要為咗啲咁嘅朋友而放棄咗我嘅夢想。 小學- 第三件事 我細個嘅時候係一個腸胃比較弱嘅人，同時又好細膽。所以上堂肚痛嘅時候都會唔敢舉手，死頂到小息先去。但係呢個朋友會禁止我去廁所，又再次講出嗰句「你諗下，你去咗廁所，我就唔可以一齊玩。你陪下我啦，我好悶架!」當時極度戇鳩嘅我依舊係為咗呢段友誼，決定繼續死頂。冇記錯嘅話，我之後仲有埋腸胃炎請病假，佢竟然話我成日都肚痛！仲鬧我請病假搞到佢好悶，之後就強行要我食杏仁，聲稱會快啲好番。但係我好唔鍾意食，我起呢個時候就開始諗佢係咪一個朋友，因為正常嘅朋友唔會強迫你做啲你唔鍾意做嘅嘢。 小學- 第四件事 小四嘅時候，佢完全當自己係「娘娘」，持住自己早發育對波大啲啲就想收兵。lunch time嘅時候會請男同學食零食，但係當我想用朋友嘅名義去問佢攞零食，佢就好嬲咁話冇我份。佢成日以為班上面個個男仔都好鍾意佢，但係我聽到嘅版本係啲男仔根本唔鍾意佢，佢地只係為零食:) 。除咗lunch time 用零食收兵之外，佢仲當我係阿四，每日遞個飯壺叫我幫佢打開。明明自己都識打開，仲話自己冇力擰開個蓋! 根本就係當我係妹仔，每日都要服侍佢。 小學- 第五件事 其實，我真係明白人總係想將最好嘅嘢留住。但係我嘅朋友所用嘅放式，完全就係一個欺凌者會做嘅事。小息嘅時候，佢每日都要我帶各種各樣嘅零食番去請佢食，每次有oreo，夾心餅之類嘅零食，佢都會挑個夾心自己食咗佢，之後瀨乾淨兩塊餅上面嘅餡，最後留低兩塊餅叫我食咗佢。有任何零食，只要係有特別甜嘅部分佢都會食曬，留番啲冇味嘅畀我。零食都算事小，佢好鍾意偷攞我啲筆，用曬冇墨嘅時候就還番畀我。嗰刻我個心已經決定咗要脫離呢個朋友，但係每次我想離開佢嘅時候，佢都總係會扮到好可憐咁，希望我留低繼續做朋友。
#NSS學業 [RCPHKMC] 唔知大家明唔明白一個社交障礙/怕羞者嘅內心 我相信大部份人都唔會好似我咁怕羞 起碼大家都夠膽講自己想講嘅嘢 唔使怕人哋嘅目光 我細個嘅時候交際能力好好 而我依家嘅friend都係嗰陣時搵返嚟 但唔知乜嘢原因會覺得每個人都好憎恨我 喺我嘅內心 好唔想俾人發現我冇朋友 因為當人發現冇人願意接近我 就會越嚟越有多人覺得呢個人唔可以靠近 或者覺得呢個人好怕羞咁 但其實係我嘅內心 一直等待緊人哋主動同我傾偈嘅機會 我唔洗個個都對我好有禮貌 唔使我派一張工作紙俾佢佢就鞠躬/點頭 好似我咁怕羞嘅人會好想移民/轉校 就可以有個重新打造自己嘅機會 令人哋重新認識你嘅感覺 帶咗眼鏡之後 每日都好想除低佢 我覺得每個人都認為我好樣衰 所以喺學校以外嘅地方我都唔會戴
#NSS個人 [香港島某一間中學] (純粹發洩情緒) 我屋企人唔知點解常常以為我記憶力超好, 因為我記到幾年前發生過的特別回憶, 令到我每次忘記一D嘢或記錯少少嘢就罵到我狗血淋頭, (例如有一次唔覺意唔記得咗買一樣嘢, 或者某一次測驗的average mark, (因為我冇抄到))就話我幾年前的快樂回憶又記到,這些有乜理由記唔到呀… 佢哋覺得我咁樣就係犯了大罪, 我同佢哋溝通過都冇用, 仲要話返我轉頭, 話我愈大愈駁嘴, 駁嘴好叻咩? 咁人間唔中都會忘記一D嘢呀媽, 你哋唔記得嘢又得個喎, 只推卸我而佢哋唔記得嘢係冇錯既。真係好矛盾。仲有, 佢哋就算我考緊試都要我日日幫我細佬(P4– 某名校,大家都一定聽過)對全部功課和諗project, 每次佢有作文或project就出動全家總動員幫佢諗和做(份份都深, 佢哋有D科目比其他學校教快半年, 有時我都唔識, 仲唔理我要温測驗考試, 仲要我每一科退步少少就罵得我好勁,