—類投稿

#NSS其他 [(GUEST) 我媽都冇要求我秒回，你係我邊個呀？] 相信大家都聽過跑online呢隻game，是咁的，前兩個星期，小弟玩返呢隻game，並識咗一個27歲嘅男（簡稱A） — 一開始傾計覺得幾啱傾，A又好健談，所以覺得冇咩問題。我今年要retake dse同又要上HD嘅堂。所以就算上線，我都會掛機釣魚。個問題嚟啦，A要求我秒覆佢！佢一搵我，我就要覆佢啦。否則又用粗口鬧我，係咁鬧係咁鬧。大佬呀，你冇野做，唔代表我冇野做，我冇理由24小時坐係電腦面前，上住跑online咁等你訊息，等到啦就要覆你咁。用腦諗下啦！洗唔洗咁鬧法？我媽都冇叫我秒覆呀，你係我乜水呀？ 有時候我都會打啲英文，唔係好多，例如我同佢講，我聽日要present，好正常嘅字。大佬，佢又粗口鬧我，我心諗，我做錯啲咩？有陣時真係好無奈。 — 我唔開心個陣，會咩人都唔想理，淨係想做自己野，個陣我自己一個打機，佢搵我，我同佢講等等，之後就冇再覆佢。佢又唔知發咩神經，又用粗口鬧，我都唔理啦，繼續打機。點知佢就del我好友，ok del左咪算，之後佢係騎士團頻道（我同佢同一個騎士團）就講，xx我唔會再加返你好友。過左一段時間，又話我唔嬲你啦，就加返我好友。講真我都唔知佢想點。之後又過住比人用粗口鬧嘅日子。經過呢件事之後，我都冇咩點理佢，繼續掛我嘅機，由得佢鬧。 — 有一個朝頭早，我上緊堂，個日嘅課堂係present嘅，咁我比較後先到我，咁我就上跑online掛機釣魚。佢就同我講早晨xx（xx代表我名），我就淨係覆左句早，之後佢又用粗口鬧我。話我做咩唔叫佢個名？大哥呀，呢啲你都要鬧？你有冇事呀？ 而我就去返teams到繼續上我堂。 佢同我講佢去返工，898。我就覆過佢啦，還掂佢嘅人都唔係度，覆嚟做咩？ 到左5點幾陣，佢搵我啦，又話自己放左工，又曬又熱等等。 之後佢見到我有新裝備，又串我話我課金，有米仔等等。事實上我冇課。由於我個陣係操緊卷，所以冇秒覆佢。過左一陣，個網又差，跑online就斷左線啦，咁我就關左電腦。 — 到左夜晚9點幾個陣，我上線，我發現佢又del左我好友，而我都唔想再繼續理佢啦，所以我就設定左拒絕新增好友。我自己打緊機，就見到條友係個騎士團頻道鬧我，仲鬧得好過分，又話咩死狗，癲狗，問我點解唔跳樓死，咒我屋企人等等。鬧左好耐，我就係度睇住一隻狗係度狗吠，冇理過佢。又叫我退團個啲啦。點知其他團員就企哂係我個邊，冇咩人理佢，最後係佢自己退左團。 心諗，你唔係好威咩？唔係叫我退團咩？點解係你自己退嘅？ — 明明我冇做錯，只係冇秒覆A嘅訊息姐，佢就要係度狗吠，搞到團入面啲人都憎佢，值得咩？27歲人講野都係咁幼稚，講野唔經大腦。之前係度話自己冇咩朋友個啲，你啲性格咁真係好難同你做朋友。又火爆，又幼稚，控制慾又強，我又唔係你邊個，洗咩咩都要聽哂你，就哂你？ 話人係癲狗，其實你係最癲個個。 — 發泄完，多謝各位睇哂呢篇文

#NSS家庭 [GUEST] 各位有冇被父母強迫剪頭髮嘅經歷，剪都超短勁樣衰，成日想問頭髮點先俾我可以剪長啲吖，有冇方法可以唔使剪咁短？ 我爸： 剪啦！成個賊咁 去到剪髮店.. 我爸：幫佢剪短得啦。 結果可想而知

#NSS愛情 [GUEST] 大家好我係一個中二嘅學生，唔知有冇人同我一樣係一個驚同埋恐懼拍拖嘅人呢？我知成日有啲人會話專心讀書，但係講番先我係唔會強求一份愛情或者關係嘅人。 件事係咁嘅，幾個月之前我畀一個女仔表白過， 但係我都拒絕咗。最大嘅原因就係我驚拍拖(我唔知點解一諗起拍拖就會傷害到人哋，未了解到對方，如果分咗手大家會唔會好尷尬等等)，另外就係因為父母都唔想我拍拖住，就係因為種種嘅原因， 我都係拒絕咗。 有時我諗返起，我會諗我咁驚拍拖係咪因為 我自己思想未夠成熟，定係未真正去了解同埋愛著對方，我到而家都唔係好清楚自己點諗， 希望你哋各位讀者可以畀啲意見我， 謝謝(sor for 1999)

#NSS個人 [guest] RE 220406D 我可以解釋俾你聽 大部分男性都係視覺生物 見到性器官就會興奮勃起 同女性唔同唔需要氣氛 可以對住張相片一邊幻想交配過程一邊自慰 你所講嗰堆男性可能覺得女性見到自己的性器官會鈎起性慾 甚至會互傳照片 最終達致互與女性交配的目的

#NSS學業 [QUEST ] 想問下有冇用ipad嘅試過係pdf上面做功課 , 喺上面畫野寫野 , 但係做完熄番個pdf再開番嗰陣 , 會所有野唔見晒QQ , 小弟用Air4 嘅 , 前排先買 , 但係有其中兩次做完功課都會發生咁嘅事 , 真係好L崩潰😪 所以想問下 , 其實係咪寫完要俾佢load陣先閂個pdf定係點 , 我唔想再有下次 :/

#NSS個人 [Guest] #NSS220404H真係講得唔錯，事關小妹都嗰間學生，不過我去咗一個月面授就變咗google meet，所以未必完全清楚。 頭嗰堂佢好正常，一啲行為都無，我就當佢普通人咁。之後，佢就開始抽人水，但係叻嘅女仔佢唔搞野，我成績都自問唔差，加上可能比較新，所以無比人搞，但我見到隔離個女仔又比佢摸頭，又捉佢隻手，已經好驚。 之後諗住meet會無事，點知佢為咗搵錢一次開兩三班meet。例如明明唔係嗰個年級佢居然可以突然嗌中三咁，搞到七國咁亂。跟住佢老婆又好燥底，成日上堂無啦啦又叫呀sir搬咩櫃出咩街，搞到超吵又唔熄咪。唔知有無人聽到呢，佢好似邊食野上堂咁，啲聲又煩人。 呢啲之前都有人講，最衰係我話比我媽知，之後佢問呀sir話佢係咪sexual，咁佢梗係唔認架，佢仲作到天花龍鳳咁。話咩教人執筆，又話張枱太矮，咁係為就手。摸頭就係安慰人，佢話佢太惡，驚個小朋友有陰影，所以拍下佢個頭，就好似拍膊頭，但個人覺得唔make sense 囉，你咁搞人法咪仲搞到人地有陰影。 佢最後就話自己無任何刑事案件，我心諗，你再咁搞法好快就有啦，詳情相信大家都知啦，最後加一句，利生你自重啦。 Sor for 1999 求admin po 🙏

#NSS學校 [Guest] 唔知大家有冇一個經歷：比老師否定。 係咁嘅，我係學校成績大嘅中下；我唔算拼死命讀，但我還可以過到自己嗰關 係上學期派卷，我其中一科考得唔係好理想；但係係我嗰組嚟講，都尚算可以。我清楚地記得，當我收到試卷，有人好奇我嘅分👀於是問我 一切都好平常 但老師直接替嗰位同學回答我嘅問題：最高分？當然唔係佢啦！ 我當場錯愕。 其他人問嗰位老師佢錫嘅同學嘅分數，老師會講係人地私隱，但我不但被公開，佢甚至望（睨）我一眼，帶有睇唔起我嘅眼神。 Like 「剛積攢了幾天的心態又碎掉了」 當我看見很多比我優秀嘅人，佢哋嘅付出換來唔少成功、收穫；佢哋嘅生活如此充實，如此博學，而自己只係滄海一粟。我感覺到自己嘅渺小，自己嘅微不足道。 其實我知道自己成績差，我就去追，但憑咩你直接否定我（？你亦從來冇侮辱任何其他人 其實呢位老師以前都幫我唔少，無論係心裏，還是其他；佢只係有時比較難注意我哋，例如有時佢同同學講佢哋之間嘅小趣事，而我融入唔到佢哋嘅話題，但係我都冇太執着。 但佢真係好偏心 呢件事，會唔會係自己太敏感，亦可能係本身仲係唔好，直接重重地，一下又一下咁敲擊自己。每當我諗起呢件事，我都會喊死。僅呢句話同眼神，嚴重影響我好耐。 直到我依家好憎佢。 我希望自己可以忘記呢件事，但係做唔到。 P.S. 我想把試卷甩到你身上，讓你被狠狠打臉。 Sorry for 1999 內容有所修改 我驚人哋認到我🥲

#NSS學校 [YCPS（HWR）] emmmm……小妹嘅親身經歷，老師淨係關注嗰批成績好嘅，然後成績好嘅同學仲要造謠…….陷害人，老師仲唔相信成績差嗰個被害。（三年級嘅經歷），啲有錢嘅同學仲要整蠱嗰啲比較窮嘅同學（當時小妹家庭唔算非常有錢）啲有錢嘅以為自己大晒當啲一般家庭啲同學成隻狗咁。（六年級嘅經歷），名校啲學生質素咁差嘅咩…….

#NSS學校 [YCPS（HWR）] emmmm……小妹嘅親身經歷，老師淨係關注嗰批成績好嘅，然後成績好嘅同學仲要造謠…….陷害人，老師仲唔相信成績差嗰個被害。（三年級嘅經歷），啲有錢嘅同學仲要整蠱嗰啲比較窮嘅同學（當時小妹家庭唔算非常有錢）啲有錢嘅以為自己大晒當啲一般家庭啲同學成隻狗咁。（六年級嘅經歷），名校啲學生質素咁差嘅咩…….

#NSS家庭 [不希望透露] 投稿可能1999請見諒///下文為咗唔好比人認出嚟，視乎實際情況適度更改。 我覺得同老豆相處好辛苦。小妹而家form 3，喺一間唔錯嘅中學就讀，成績大概中間值左右，係個完完全全嘅文科人。一切大概喺中3第一次測驗嗰陣發生，我所有科得數學唔合格，冇諗過之後會變成咁… 老豆知道咗之後好嬲，然後又開始話我英文成績都唔好，成日係咁鬧我，話我同小學嗰陣唔同。但其實中學同小學差好遠，我都覺得有努力過，所以都冇點擺喺心上面。結果佢超級care呢件事，由嗰陣到而家半年，從來冇一日係唔講關於我嘅成績，係咁話我唔努力讀書，又係咁話我與其打機不如去背多幾隻字好過，去做多幾條數。我日日都好唔開心，我唔鐘意比人咁樣講，雖然無可否認我數學係好差，但我真係有努力去理解同學習：我有唔明嘅問題一定會問數學好嘅朋友，會嘗試去搞明白，但就算係咁我有陣時都係無論點都唔明。 到咗第一次考試，我比上次花更多心力落數學度，總算係合格，喺文科都有唔錯嘅成績。但係老豆佢都係唔滿意，仍然係日日鬧我數學唔掂唔好，又寸我（sor我唔知道正字係邊隻字）。我都覺得好大壓力。 令我最大壓力嘅係：佢超討厭我嘅興趣。我嘅興趣係整手工，一開始嗰幾次佢見到都冇野，然後就係第一次測驗之後，佢叫我少玩啲手工，佢覺得係手工拖累咗我嘅進度。後來當我整緊手工嗰陣，佢會直接盯住我，我覺得超唔舒服，好大壓力亦好驚。自此我冇再喺佢面前整過，凈係得佢出門嗰陣我先會整，但成日都覺得佢就翻黎，玩得唔安樂。有好幾次比佢發現我偷玩手工，佢都好嬲，話我浪費時間，話咩「你又喺度整埋啲咁嘅野」。到目前為止都有幾次話要丟曬我所有手工嘅野，有種威脅我嘅感覺。我超級唔鐘意感覺，我唔想我以後興趣會變成我驚嘅野，如果連手工都唔可以令我開心，咁我對生活嘅熱情真係冇咩剩，會得翻手機同朋友。 然後導火線係呢兩日嘅事。 尋日：佢翻到屋企，我因為執緊野所以遲咗少少幫佢開門。佢話如果我下次喺度沖涼之類唔方便嘅話可以唔使開門，佢可以自己拎鎖匙開，我話OK。 之後佢問我最近有冇同阿哥聯絡，我話我之前問咗佢一條數學題，佢超級嬲，因為阿哥嘅成績唔好（但其實阿哥嘅數學係少數地比較好嘅一科，有唔錯嘅成績），而我居然要問阿哥問題，老豆話我成績居然已經差到咁，又用鄙視嘅眼神望住我。我差啲當場喊出嚟，一方面係我唔想佢咁樣貶低阿哥，一方面係我自己都覺得佢講得好過分好hurt。 然後到今日：我平時我係下晝沖涼嘅，但係今日下晝有野做所以我唔記得咗沖涼，記得嗰陣已經係佢差唔多返到屋企嘅時間，我就急急忙去沖涼。沖涼嗰陣佢翻咗屋企，我同佢講我喺廁所沖緊涼所以冇應門，佢開始抱怨我做乜喺呢個時候沖涼。我出嚟之後，佢叫我以後如果嗰個時段沖涼要同佢講先，我心諗wtf但冇講啲咩。 佢今日帶外賣翻黎，我嗰陣啱啱沖完涼覺得好攰，所以就慢慢打開外賣盒，之後佢勁嬲，問我做乜死死氣咁，又發我脾氣，我根本冇機會解釋，不過我覺得就算解釋佢都會責怪我。 由於佢呢幾件事，我完全冇胃口，個飯盒完全食唔完，我唔想浪費食物所以好慢咁食，但其實我已經好想嘔，而且我好清楚如果剩飯會比老豆鬧到七彩，到頭來都係要食埋，所以一直安靜咁食。食飯嗰陣佢又突然話以後電腦打機要問過佢，但其實我電腦打機已經少過朋友好多，我其實好嬲好難過，但都忍住。 然後過咗一段時間，佢開始鬧我食野食成一個鐘（實際時間應該冇咁耐），又發現我今日玩手工嘅痕跡（我都有收拾，但係有陣時會跌啲配件喺地下），佢直接同我講以後唔要再見到我玩手工，叫我掉咗我啲手工野，我真係忍唔住，我覺得好委屈，直接喊咗。我好耐冇喺佢面前喊，因為佢話過「你憑咩喊」「你有咩資格喊」，但今次真係忍唔住，我覺得好大壓力，頂唔順了。 雖然係咁但我都係食完嗰個飯盒，雖然裏面有好多我嘅眼淚。然後我又翻房喊到傻咗咁。 佢完全冇理我，過咗一兩個鐘之後又同我講以後如果我成績退步，可能手機嗰啲都要收，冇得打機/同朋友傾計。 我唔知我表達得清唔清楚🥲🙏但我真係覺得同佢相處好攰，好無力。我有好多次想要離家出走，但又實在冇咁嘅勇氣。有諗過自殘，但我真係又好怕痛。我想象過好多次我同佢鬧交之後喺佢面前跳樓，但我唔會自殺，我唔捨得好多野。我想佢哪怕係少少都好，體諒下我其實都只係普通人，我係個平均值嘅人。 題外話就係其實我有難以入眠同磨牙嘅壞習慣，通常我壓力大嗰陣會仲加劇。佢知道呢件事，但次次都凈係同我講叫我提自己放鬆，亦都冇諗過佢其實都造成好大壓力比我，但係我唔敢同佢講呢件事，我驚佢發嬲。 我都唔敢同朋友講，唔想比佢地擔心之類。希望有具體意見，我可以點樣改善我同老豆嘅關係或者點樣可以互相理解🙏我明白佢返工好辛苦，但我都無形中有好大壓力。 感謝admin出po！麻煩了！！