#NSS學業 [Guest] 好想講做人好辛苦… （可能好on9勿屌 想講一啲關於成績嘅嘢，今年13，讀band1a中學。 想問下大家平時係咪咁： zoom 0專心 功課搵人抄 考試臨急抱佛腳 我就係咁，其實我以前唔係咁，以前我好專心聽老師講嘢，成績亦好。但係上咗中學之後所有嘢都變晒，zoom完全專心唔到，隻眼離唔開部手機，靜咗音都係會有message嗰啲聲，搞到我1秒唔望就好似死咁，沉迷左。 咁我掛住玩手機梗係冇聽老師講嘢啦，（尤其係數學，悶到爆炸）跟住就好多嘢都唔明，唔識，功課就搵人抄，tests就成班人一齊出貓…完全勁廢。 今次係第二次ut，我都估到我成績唔會好，而家對左中史同數學，中史合格+2分…然後我地全班平均分係全級最低…數學呢，成16個人唔合格，包括我。咁我一開始都估到，但係冇諗過會咁低囉:( 3x分…即刻崩潰… 我知我抵死，全部嘢都係自己攞嚟。但係我一直都好想去改，但係一直都改唔到…屋企人仲未知我咁低分…（佢哋話今次再差就掟爛我部電話，佢地認真 仲有一個final exam，計最多分，數學考13個chapters，我驚我入唔到精英班…（考前60就得）但係問題係呢間學校啲學生好勁（全區第一，唔知算唔算勁），而且我小學都冇精英班嘅制度，我唔知有咩技巧… 各位可唔可以幫幫我…我想變勤力啲… 好on9勿屌thx
#NSS個人 [[Guest][Admin post ig please thanks]] 小妹第一次投稿 請細力啲屌🙏🏻 篇文有啲長 小妺今年中三，小學五六年級被人霸凌，所以嗰陣一個朋友都冇 經過嗰兩年之後我變咗好多。上咗中學之後，我會好努力迎合其他人，係同學面前一直都好正面，好樂觀 因為咁，我中一丶二嗰陣的確多咗少少朋友。但去到依家，我同佢哋又因為唔同班而慢慢疏遠咗。我好努力係自己嗰班識朋友，但佢哋個個都玩小圈子 我開始覺得自己又被人孤立咗 我不斷安慰自己，其實只係我係度ff，根本就冇事。但係我開始失眠，每次失眠，我就會諗返以前被人笑嘅場面，佢哋好似就係我眼前。我真係頂唔順… 最終，我病咗，我患上咗「適應不良的白日夢」(Maladaptive daydreaming)。我會自己同自己講野，我會不停幻想身邊有「朋友」陪伴，甚至幻想同嗰啲欺凌者對鬧…我知道嚟一切都係假嘅，但係我停唔到。我好驚，我真係好驚。我唔夠膽同任何人講 包括到依家嚟刻，我都係喊住嚟打。我真係唔知點算，有冇人可以幫吓我？ 我情緒有啲失控，所以有打錯字或者1999嘅，對唔住 唔該admin🙏🏻
#NSS家庭 [GUEST.-_-.sad] Just 講吓嘢 唔係有咩特別或者困難，絕對可以skip 話說之前睇都有篇文 講話自己家姐好似係16歲已經有小朋友+結婚 其實錢唔係我最想講嘅嘢 重點係 我真係好羨慕 果種家庭 當然我唔係話當我都係16歲 我就要做人父母 只係 睇到篇文嘅時候 我真係忍唔住 喊咗出嚟 我而家嘅屋企 冇錢 + 愛 所以只係想同當事人講 祝你生活美滿（ 加油 ）
#NSS學業 [GUEST] 文筆好差，如果講到1999嘅請見諒 · 小妹今年13歲，F.2。 ～ 話說前幾日家長日，以zoom嘅形式進行，老師話我成績跌咗好多，雖然我喺家長日前已經知道自己咩料，但係我都係喺老師同媽咪面前喊到七彩咁款。 我知道我成績差咗嘅原因係因為我成日逃避我唔識/驚嘅嘢，同埋成日打機。我到而家仲好努力咁去嘗試戒甩打機嘅本性，但係我都係做唔到。 ～ 我做唔到，係因為我喺個game裏面擁有屋企人俾唔到我嘅嘢，而嗰樣就係鼓勵，讚賞同支持。基本上我每日都只會俾人屌，所以屋企人讚我嘅次數十隻手指已經數得哂。亦都因為咁，我變到好負面同冇信心，我覺得自己好失敗，好撚樣衰，腦裝草。我真係好努力咁做+諗辦法令屋企人有一日可以睇得起我 (例如每日都溫返嗰日上堂學過嘅嘢) ，但係每次我都搵唔到任何動力。 ～ 我好攰，真係好攰….我喺任何方面都咁差，我…..係咪冇得救啦？嚟緊六月頭就考試，我好想考好啲，唔想跌出英文精英班，但係我根冇讀書嘅底子，又唔鐘意睇書，我一睇到成大堆英文字就想quit咗英文，知道死背根本唔係辦法，但係除咗背，我搵唔到更好嘅辦法…. ～ 有時我會喺度諗，究竟….我配唔配做中學生？點解媽咪要生我出嚟？點解我咁白癡，乜鳩都唔識？點解呢間學校會收咗我呢個廢柴？點解明明喺學校上堂好地地，online lesson又會仆哂街？ ～ 最後希望各位可以教下小妹點樣可以溫書溫入腦，令自己戒甩打機本性同埋對自己有信心嘅方法🙇🏻♀️💜 || Btw如果睇緊呢篇嘢嘅你知道我係邊個嘅話，唔好爆我出嚟:) || – Thx Admin💗🔥