#NSS個人 [GUEST] 小弟第一次投稿, 請多包涵🙇 小弟從細到大到好矮。由小二開始, 我永遠都係班上最婑果幾個男仔。不過,我以為只係未發育,所以唔係 好介意。 上到中學, 我發現我同其他男仔嘅身高差距越嚟越大。當人地160, 我依然152左右。我開始覺得有d自卑。。。直到最近, 我出街撞到我表哥同佢女朋友食飯。（佢中五178, 我中四168）我上去打招呼同佢哋傾偈, 傾傾下佢女朋友問我幾高。我呆L咗。我話我168, 然後佢話：「咁你真係要努力d啦, 173嘅話呢就有好多女仔追」。（佢知我單身） 其實聽到嗰刻我有少少唔係好開心, 但係我知佢冇心mean我。 其實15歲168算唔算矮？我身邊170+嘅friend都出曬pool, 只有我單身。自問我長相一般, 168會唔會對女仔嚟講太矮？ Sorry for 1999 Admin po
#NSS學校 [guest] 喺英國讀書同喺香港好唔同搞到我好驚😅最近屋企一齊移民去英國 已經開始左返學 原本仲好擔心冇人會想同自己做朋友 但係外國人太熱情了！ 自問英文普通😅佢地個個講野勁快😅我又唔習慣佢地嘅口音 每堂都有唔同嘅人黎搵我講野 但係我又唔係好聽得明佢地講咩 聽得明又唔識答 因為自己本身係屬於好怕醜嘅類型 就算係以前香港我都冇主動R人做frd或者傾計 而家個個都埋黎搵我我又緊張 我每次都只係答佢地一啲好簡單嘅答案 我好驚佢地會覺得我好無聊而唔再同我講野😅 lunchtime又驚會自己一個 每日就係咁樣十分緊張咁過 我會唔會係社交恐懼😭（jk 但真係好驚好驚好驚 每日都好想逃避唔返學 因為反倒去係會驚到成個人震曬😅
#NSS學校 [沙田某band1A中學] 見到有投稿講自己中學有老師成日比較精英班同普通班，我想講我學校都有個差唔多。 我學校冇分精英班普通班嘅，但係個老師教過band2&3嘅學生。佢成日都話band2&3啲學生係垃圾，每當遇到啲易少少嘅題目佢就會話「呢啲咁簡單嘅題目，出面啲垃圾都識，你哋冇可能錯，係穩攞嘅分。」。臨考dse前佢鼓勵我哋嘅説話係「如果你aim4/5，平常心面對得啦，有出面班垃圾墊底。你哋點差都會有個4。」。有啲唔係特別難嘅題目但我哋多人錯，佢就會話「喂有冇搞錯？你哋係band1A嘅學生嚟㗎，咁簡單嘅題目都錯係咩事？我之前教啲band2到識做啦，你哋係咪唔想讀，唔想讀就drop咗佢啦。唔好嘥大家時間。」 佢成日都會強調出面band2&3係垃圾同好廢，我哋水平同佢哋差好遠。其實我想講band2&3到有讀書好嘅學生，band1都有讀書差嘅學生。成日聽都佢講呢啲説話真心好反感。
#NSS個人 [Guest] （長文）咁我由細到大都係得好少frd。呢個情況係我升咗上form2稍微好咗小小。係form1嘅時候,我就通過我補習老師（下稱A)佢介紹我識咗一位frd(下稱B) 。而B其實係A嘅契妹。而B都係同我同一間學校仲同級但唔同班。咁後尾就同B慢慢熟咗,當咗彼此係自己嘅best frd。 但升咗上form2,我就識咗一位新frd(下稱C),咁我其實form1己經同C同班但個時仲未熟,咁之後我同有C一齊出去玩,而B都有係佢個班識咗一位frd（下稱D）,都係有一齊出去玩。雖然我同B各自識咗frd,但都有係新年個時出來玩。 但直到3月要回校上堂,因為我同B本身都有一齊等放學同吃飯,但直到有一次星期四我係就放學嘅時候終於約到C去吃飯,跟住我就同B講話我自己一個諗住吃飯,跟住佢就話好仲話tmr一齊返學。但個晚我就dm佢話星期五我要早返學因為有活動,咁佢就話ok。然後星期五嘅時係我係學校就見到B同D,咁我就同B講話今日一齊唔到放學,btw我整係講咗呢句,仲未講原因,佢講咗聲得就同D走咗去。 因為個時就放easter holiday,咁我之後就冇在同B有聯繫,而係假期入面我都有約C出去玩,有一次我係ig po story仲@咗C,咁B睇完就即刻係ig unfrd我。 之後A都發覺同我同B好似唔在frd,就叫咗我同B一齊去睇戲,希望我哋好返,睇完之後,A就同我講話我哋唔frd原因係因為我掛住同C玩忽略咗B。 聽到呢句時候我覺得B又何嘗唔係,係中一嘅時候,我成日都企係B嘅班房等佢,但係有幾次提前走咗,因為我哋係約咗一齊放學但最後就係我搵B由2樓到G樓都搵唔到,最後我問佢同學先知走咗(其實仲有好多咁嘅事發生） 我講呢樣野都係因為同B講己所不欲,勿斯於人。你自己唔想人哋對你做嘅野,你都唔好做比人,我之前唔同你講係因為唔想破壞呢段友誼,但嘅然你講咗出來先,就要承擔返結果。 辛苦哂Admin
#NSS個人 [有感而發] 麻煩admin po ig🙏🙏 覺得我無病呻吟嘅唔該出去 由細到大，父母衹係識得以威脅我去達成目的，衹要唔係按佢心意去做就咁對我！好似收手機咁，我衹係心情唔好，無返學一日，就善自收咗。我問佢哋點解，阿媽答「部機我買嘅，你唔聽話我就有權收(大佬，我18啦…你唔好咁痴線啦！)。部機係俾你返學用，唔係用嚟打機㗎！」我小…記得2年前見社區附近嘅社工，講過佢嘅問題，社工都叫佢唔好太嚴厲對我…估唔到未夠3年又顯型🙄！(之前見埋醫院社工，雖然都係講差唔多嘅説話，但都好似改變唔到佢咁【仲有次係學校社工揾我，之後無過幾日就全級師生都知道哂…自此唔會再揾佢😓！】 之前佢仲講過「衹要你一日住喺到，我就有權管你！…就算你住到23歲，我都係會咁㗎啦話你知！」我一直以來都想走，甚至多次諗過離家出走……但自身又無能力，又懶……真係唔知可以點😭😭 其實我想表達嘅唔係咁，係更深層嘅嘢…但已經忘記咗要寫咩先會改成咁……見諒！(如果記起，會喺留言到打返低
#NSS社會 [GUEST] 《抗疫英雄傳》 第一章 《時代抗疫》 「啪！」母親一記耳光打在兒子臉上。「你是不是找死？快把口罩戴好！」母親面露凶光，指著年幼的兒子說。「知道。」兒子無奈地把口罩提高少許，剛好能覆蓋鼻。 二零一八年，陳付階在青灣殺害女朋友，事後潛逃回香城；香城特區政府趁機推出逃犯條例，條例通過後部分嫌疑犯可送交支國受審。政府建議一出，旋即引起社會極大迴響，條例反對者展開反送支運動，組織遊行、示威，社會大致分裂成白、紫兩派：白絲支持運動，而紫絲則反對運動進行，並支持公安嚴正執法。與此同時，白營中體能優異成員自發組成民間警察，希望取代公安在城內維持秩序。 二零二零年，反送支運動到達尾聲，支國資本黨（簡稱「支資」）元氣大傷。資本黨元首白遠夷眼見香城運動有望成功，秘密指派國家實驗室製造肺炎病毒，並在文唐市散佈。病毒隨即在全球迅速傳播，不少人因而染疫。一時間，香城人心惶惶，城內出現口罩搶購潮。與此同時，香城政府受支資指示，訂立強制口罩令及限聚令，防止人群聚集增加傳染風險。半年時間匆匆過去，香城約有五千人感染文唐肺炎，康復率達九成八，死者大多是六十歲以上長者和長期病患者。 「康復香城，時代抗疫！」「白紫是政見，口罩是良知！」激進派抗爭者賈程、方奕發起了批鬥不戴口罩者運動。他們正在和一眾白營人士在街道上高呼口號，提示人們要妥善戴好口罩。「看！有人沒戴口罩！」賈程回頭一瞥，只見一名男子把口罩脫掉一邊，邊走邊飲着可樂。 賈程一個箭步衝上前，把他攔下：「先生，你不知道現在有強制口罩令嗎？你為何在街上脫下口罩飲食？你的公德心去了哪裡？」男子回答：「我沒有患病，脫下口罩也不會傳染病毒給人，飲用可樂解渴有甚麼問題？」賈程聞言，臉頓時漲得通紅：「我們現在要採取『有病假定』原則，所有無戴口罩者一律假定為有病。你有病還脫下口罩四處散播病毒，有沒有考慮到別人的生命安全？任何有良知的人無時無刻都會戴上口罩，支持同心抗疫，你這是喪失良知的表現！」「對呀，他必定是喪失了良知的自私紫絲，自己理虧還在諸多狡辯。」一旁白營人士連聲附和。 「發生了甚麼事，這麼吵？」一名公安循聲趕來，看到了那名沒有戴好口罩的男子。他二話不說，飛快地把男子撲倒在地，單膝跪在其頸上。「你涉嫌違反強制口罩令，現在我將你拘捕，請跟我回派出所。」公安給他上了手銬。賈程心想：「料不到萬惡的公安竟然開始做好事了。」「支持公安，嚴正執法！」「犯法就是犯法，一定要負責！」「抗疫是常識，口罩是良知！」一眾白營人士高呼口號，歡送着公安離開。 賈程這時卻見方奕默然不語，似是在沉思。「阿奕，你有甚麼煩惱？但說無妨。」方奕道：「阿程，有一事我百思不得其解。在可怕的文唐肺炎肆虐之前，大部分人平時都不戴口罩，我們也不會假定他們有病；只有少數戴上了口罩的人，我們才會下意識認為他有病，覺得他是為了防止傳染病菌給別人而自覺戴上口罩。何解在文唐肺炎出現後，我們的假設變得截然相反？」「阿奕，你不會是懷疑『有病假定』原則的恰當性吧？這可是最基本的抗疫常識。」「不是，不是，當然不是。我一時糊塗罷了。」方奕連忙解釋。