—類投稿

#NSS學業 [guest] 小妹今年f3，下星期要揀科，我本身對中史好有興趣，但點考都係合格分高啲。va都ok有興趣，但係畫得唔係咁好。geog都有啲興趣，但聽人講好多嘢背。所以geog同va兩個會揀一個。因為學校強制揀三科，我諗住揀econ或者bafs，唔知點配搭好，我理科唔係好掂，所以想問下大家可晤可以比啲意見小妹🙌🏻 （admin辛苦晒🙇🏻‍♀️）

#NSS愛情 [guest] 之前睇到一個post話佢自己鍾意咗一個人7年，7年如果佢都冇反應，你仲係度鍾意佢做咩呢？你都上到中學有自己新一班朋友啦，做咩仲唔放低？我咁講係因為我試過，放低一個人係好難，但係放低咗，你會發現一個新世界，會開心好多。鍾意咗佢太耐都追唔到佢返嚟就算啦，move on啦，唔放低辛苦嘅只係自己。可能你會覺得我喺度9噏，但係我想向暗戀緊人嘅你講聲加油，暗戀係好辛苦，祝有情人終成眷屬。

#NSS學業 [GUEST] 我想問下大家 如果去台灣讀大學 可唔可以用台灣嘅degree喺香港或者其他地方讀Master？ 如果可以請問可唔可以分享下經驗 而且如果唔返香港 畢業後留喺台灣或者去其他地方做嘢嘅機會或者可行性大唔大？

#NSS社會 [Guest] 點解有時入唔到ig條投稿link, 其他人都係咁定得我一個係咁？

#NSS個人 [GUEST] 最近經歷咗兩個改變我一世嘅十字路口（心理陰影），我好心煩而亂同埋焦慮，啲friend同我睇嘅視野唔同，理解唔到我嘅煩惱，所以我就上網逃避。但係我就快考試，之前太痛苦已經試過介手，我好驚再咁沈迷網絡落去我會有抑鬱症加成績暴跌揀唔到科，我都睇手機睇到眼都痛死。求建議🙏🥲

#NSS個人 [Guest] 吾知大家有冇人好似我咁表面上好似好多friend,但事實上你想揾人傾計既時候發現冇一個真心friend, 但係你既friend 入面全部都有best friend 但嗰個唔係你 Sorry for 1999

#NSS家庭 [GUEST] Admin pls po IG🙏🏻🙏🏻 是咁的，近排我個細佬好唔乖囉 講下發生咩事先： 小妹讀緊F5，有個讀緊F2嘅細佬，同佢係同一間中學，平時都叫佢做羽羽，佢F1嗰陣時成績麻麻地，排喺全級第三十幾名，平時爸爸媽媽要返工，所以平時就由我幫佢溫書，今年突然間上升到全級頭十， 同埋都係由今年開始唔聽話 佢上到之後就多咗人約佢，尤其係有個女仔成日都約佢出去，我都成日同佢講’ 與其成日同人出去玩，不如留喺屋企陪下家姐仲好過啦’ 但係佢都係唔聽， 而且佢平時每個月都儲到一兩千蚊，依家就淨係得番幾百蚊，又唔俾我入佢間房，部電話仲要set咗password，攬下抱下又唔畀，明明細個嗰陣成日都要我錫錫…. 仲話我成日管佢同埋叫我唔好咁肉麻…. 佢而家完全唔聽我話囉…. 勁唔乖 我要點先可以令佢乖啲？同埋點樣先可以令佢黐多啲我？ 唔該曬大家🙏🏻🙏🏻 sor for 1999

#NSS個人 [GUEST] 小妹第一次投稿 ， 請多見諒🙏 小妹今年中五，我啲朋友都覺得我係一個樂觀既人，但係我由細到大都有一個問題，就係我控制唔到自己喊。 每年家長日一同老師講依個學期既經歷，講講下就會不由自主咁流眼淚，無論考得好定差都係咁，我自己都覺得好尷尬，但係就係控制唔到。同屋企人傾計都係咁，一見佢地好認真咁樣，我一開口又會想喊，明明又唔係鬧我，只係討論，都係控制唔到咁喊。就連以前參加升中模擬面試，一開口做自我介紹，已經口震震，塊面發哂熱，再流眼淚。 我自己唔係一個好感性既人，睇戲好少會喊。學校做匯報、說話考試都冇事。我試過控制自己唔好再流眼淚，喺心入面係咁講「做咩喊？冇野好喊喎。」我自己都知根本就無野好喊，搞到人哋以為我好懦弱、少少野就喊，連阿爸阿媽都笑住話「哇，你又喊呀？我哋傾吓計咋喎。」我都唔想咁樣，我都想堅強啲，就係控制唔到。次次我喊完都唔知點解要喊，一星期起碼都無端端喊兩、三次。 我係咪應該要睇醫生？我唔知點樣先可以改善，我諗野都好正面，就係控制唔到自己喊。 sor for 1999 圖Link: https://imgur.com/gallery/zXFOvC5

#NSS個人 [GUEST] 鐘意大陸明星有錯咩？ 唔該admin post IG🙏，辛苦曬😚 大家好，小女今年14歲（非藍絲，中立），平日都有追星（大陸嘅明星）或者睇下d綜藝節目，我特別鐘意劉雋，王一博同埋劉宇（大陸明星），但係身邊嘅人成日話大陸d明星好垃圾，有金主先有熱度等等（真心好嬲）所以，香港人就唔可以追大陸明星？希望大家可以俾d意見我🙏 _ _ _ _ _ Sorry for 1999

#NSS個人 [guest] 話說呢排我好想練一練我啲文筆，之後就去咗睇小說 想問下大家有無推介一啲BL小說/漫畫？( ´▽｀) 希望有人答啦😹 admin please po ig 唔該晒 admin❤️