—類投稿

#NSS個人 [[GUEST]] *微長文慎入* 唔關限聚令事呀下…只求認真嘅comments🙏🏻 我冇自己嘅圈子。 嗯，冇錯，就好似題目一樣，我冇屬於自己嘅朋友圈。最近我一直因為呢件事而覺得好苦惱，可能係因為進入青春期，呢一兩年我前所未有地好着重自己嘅人際關係。 其實本身我朋友都唔多，IG dm / wts 基本上冇乜人搵，嚟嚟去去都係嗰兩三個算比較傾得埋嘅同學。而我平時假期其實間唔中都會同朋友一齊行吓街，但係每次都係我主動去約人地，幾乎從來冇人會主動約我。傾偈亦一樣，每次亦係我搵人先，反而冇人會hi我。 一開始我好樂觀咁樣安慰自己，同自己講，咁朋友之間係咁㗎啦，唔係你搵我就係我搵你，又有咩好唔開心喎。但係久而久之，我覺得咁樣有啲自欺欺人，因為我好清楚自己其實心底裏真係好sad，有時會忍唔住匿埋喊，亦好羨慕其他人嘅人緣。 而最近，我更開始發現自己冇圈子，當大家都會有大概兩個人以上，六個人以內嘅朋友圈子，但係我就冇，我玩開嘅朋友之間冇關係，大家亦唔會form grp，我平時喺學校小息嘅時候根本就埋唔到堆傾偈，就算約人出街都只會約一個，因為我實在冇一個朋友圈子，咁我亦冇理由尷尷尬尬咁樣約幾個friend一齊出去。 有時候，一班人去野餐、去唱K，諸如此類嘅活動都冇我份，老實講，我真係好介意，雖然我喺大家眼中一啲都唔邊緣，但係我會覺得自己好孤獨好寂寞，我都想一班人嘻嘻哈哈咁一齊玩… 唔知大家有冇同感，又或者有冇咩意見可以比到我 ඉ_ඉ 辛苦晒admins～ 圖Link: https://docs.google.com/document/d/11YoZtf2R3huWrFXhebhv080EFUbhg0-TAn4q9Uyh3AE/edit

#NSS學業 [Guest] Admin pls post ig 🙏🏻 今次係小妹第一次投稿，請多多包涵🙆🏻 小妹今年F2，想去英國升學，唔想考dse。因為小妹中文超級差，但係英文都可以話唔錯（全級頭5）如果係香港考dse，我會好大壓力，因為我地學校用中文教通識，所以可以話主科都好差。因為之前已經開始有補習，所以如果依家繼續補上去嘅話就會超級chur。 小妹中文全級58（總分得六十幾） 英文全級頭5 小妹屋企家境中上，有能力供我去外國讀書。小妹阿媽都想我F4/5過去，但係阿爸想我讀U至過。我地成家一定要移民唔到，所以阿媽想我過去。 依家唔知點樣算，因為喺香港發展嘅話我啲成績一定會一路跌，但係阿爸覺得我一定會有進步嘅空間。 利申：小妹阿媽都係喺英國讀書 多謝大家睇到呢一度 希望大家俾少少意見我🙆🏻

#NSS個人 [Guest] 邊緣人點樣可以識多啲朋友？ 小妹今年F2，朋友又唔係算多兩三個左右，真正講到野就係得個一個，但有時佢唔得閒，今年又因為疫情關係，點樣先可以識多啲朋友？ 究竟大家係點樣識學校以外嘅人？ Admin pls post🙇🏻‍♀️😭 Sorry for 1999

#NSS其他 [GUEST] 話說最近成日睇到啲虐貓，狗事件，當然呢啲的行為是非常有問題。我經常這些貼文下面見到好多留言係到講動物都有佢生存的權利」「支持立法保護動物」，我當然認同這些言論，的確要立例規管這些暴力與残殘忍的行為，但係有沒人思考過好多人其實一直係虐待緊動物。 或者有人唔係好明我講咩，我意思係指緊你哋每日食嘅「豬，牛，羊，鴨，雞，魚」仲有你哋每晚打死嘅「甲由，蚊」我都幾肯定以上嗰啲全部都係動物 「動物界的學名“Animalia”源自於拉丁「animalis」，意指「會呼吸的」，「具有靈魂」。生物學上的定義含括動物界的所有成員。在口語上則因受到人類中心主義影響，常僅指稱人類以外的其他動物。動物是生物的一個種類。它們般以有機物為食，能感覺，可運動，能夠自主運動。 我想講嗰啲講愛護動物，動物都有生存權利嘅人你哋又出去食「A5和牛」，「黑毛豬」你哋見到有人係到殺狗，食狗肉你哋會譴責佢哋屠殺動物生命，話動物都有佢嘅生存權利，但係點解你哋唔譴責「上水屠房」屠殺生命？ 定還是你哋認為豬牛羊依啲動物沒佢嘅生存權利，是因為佢哋地同有隻貓隻相比沒咁可愛所以就唔算動物？其實嗰啲話愛護動物嘅人又喺度食緊肉嘅人你哋唔覺得自己虛偽咩？ 純粹討論下

#NSS愛情 [GUEST] 小妺中二鍾意咗個sir 佢勁好人又細心而且超得意教書超有心認真 不過明知一定冇機都唔知點算好 忘記又忘記唔到 想避又避唔到 不過日日見到佢真係好開心 我日日準時起身都係為咗返學嘅時候見下佢 搵到佢ig勁開心 見到佢個icon又好開心 不過真係好傷心 因為一定冇機 我大膽假設應該都爭成十幾年(佢應該25-30歲) sor for 1999 求唔好屌

#NSS個人 [GUEST] 唔知點解成日諗好多嘢，成日覺得自己麻煩到人哋，而且唔知點解怕羞咗好多，冇以前咁Outgoing同埋怕事，唔知有冇人都會咁呢？

#NSS個人 [GUEST] 小妹身邊有好多有Depression同有想自殺或自殘嘅朋友，好想幫佢哋但唔知點幫，有冇啲咩方法？

#NSS學校 [Guest] 因為你,我有情緒問題🙂因為你,我再唔會咁易信人 所謂嘅朋友,係互相去愛對方 而唔係互相踩對方 係背後話我做作話我傻更更 我知我一段長時間冇番學 我亦都知你地趁我冇番啊時候串9我 叫我去死 想睇我自殺 我知一件事兩個人都有責任 但你賴哂係我身上我覺得你好衰 你lG話你有抑鬱你想食安眠藥死去呃人 你係咁同人講係我問題 老實講,如果你咁唔開心 點解你要日日係學校大笑? 你見到我就即刻低頭 /手顫係咪心虛? 🙂食屎啦 我想同你講 , 我唔後悔識咗你 雖然你好過份 好衰 但至少都係一場朋友

#NSS個人 [Guest ] 小妹而家初中， 我想問焦慮症有乜嘢症狀? 上網睇懷疑自己有, 不過又好似唔係十分準確 , 我想知自己有冇….

#NSS文化 [bkkss] 巴士大亂鬥世界觀：2052年，正正是人工智能興起的時代，故事講述男主角巴士迷餃帝與好友樂仔的故事，在餃帝生日那天，餃帝和樂仔收到了九巴和城巴寄來的信，並送了巴士給他們，有一天，餃帝和樂仔在街上影車的途中，全香港的巴士突然失控並攻擊人民！神秘的恐怖活動組織“Yinyin”對全港發出宣戰公佈，香港再度陷入混亂，為了阻止YinYin的陰謀，餃帝和樂仔與其他被選中的巴士迷一起投身戰鬥！究竟他們會勝出這場猶如世界大戰般的戰鬥嗎？