#NSS個人 [guest] 大家好~admin plz po ig😚 (可能係)長文慎入 1. 小妹係一個好快就要移民去英國嘅人,因為爸爸媽媽都忙緊移民嘅好多手續,所以好多朋友都冇乜點約,本身有學琴亦都停左。 而係而家呢個狀況,我覺得個生活好悶😂,除咗返學做功課食飯之外冇野做,冇得出街,好似個廢人咁 2. 由於要離開香港,我本身嘅同學同朋友都會聯絡少左,而我小學嘅時候冇乜朋友,所以上左中學可以識到一班咁好嘅朋友實屬難得,但係偏偏我就要走🥲,我好驚啱啱過去英國嘅時候冇人可以陪我😭 -好啦其實我都係想呻下😂唔知有冇人可以比少少意見我😂😂 sor for 1999
#NSS社會 [Guest] 除咗狗之外,有兩種人都要死全家。 第一種就係欺凌人嘅人,佢地欺凌嘅對象多數係啲矮細或者樣貌麻麻嘅人,目的係欺負弱小,嚟突顯自己有幾勁,有幾型,你真係勁就唔該揾個大隻佬嚟欺凌,唔好整係蝦啲弱小。呢班人往往整係識將快樂建築喺人地痛苦身上,但就唔知會對被欺凌者造成精神上和心理上嘅困擾,有啲可能會自殺,有啲可能會思想變得極端,憤世嫉俗,唔信任何人,甚至開始有殺人嘅慾望。 第二種就係厄人感情嘅人。人地對你係真心付出,所有嘢包括感情都係真,但嗰啲人只係玩玩下,揾你涉時間,見到嗰更好嘅,就即刻離你而去。呢種人比第一種更可恨,更恐怖。佢地非常冇情,可以即刻忘記你,但你就要承受失戀嘅痛苦。嗰啲人自己就繼續拍拖happy,但你就每日都要諗辦法忘記佢,非常痛苦。 呢兩種人都係只顧自己,但唔理其他人感受。根本同警察冇分別,分分鐘連警察都不如。
#NSS學業 [GUEST] 大家好。小妹今年16 ,喺一間Band 1A嘅學校讀緊中四。小妹嘅成績一向唔錯,直到啱啱考完嗰個mid term都有top 3%。 喺人哋眼中我可能係一個不嬲讀書都好勁嘅人,但係其實我好清楚自己嘅資質一啲都唔好,一直以來只係將勤補拙,好努力咁掩飾自己嘅缺點。 雖然上到高中考咗第一個試嘅成績都算睇落係keep到,但係其實我覺得自己已經差唔多捱唔住,有啲去到極限嘅感覺。努力已經唔再填補到我同其他人嘅差距。我一直都好驚老師上堂問問題,因為我根本load唔切。 有時候都會幾唔開心,覺得自己無論幾努力都比唔上嗰啲天生就有少少聰明嘅同學,亦都好唔想比其他人發現我好蠢,返學對我來講真係好辛苦。 我覺得好攰,亦都好驚😞所以想問吓咁多位有冇啲差唔多嘅經歷?我應該點樣克服呢個心入邊嘅唔開心?最後感謝睇到嚟呢度嘅你❤️ Sor for 1999
#NSS家庭 [GUEST] (長文warning / sor for 1999) admin pls po ig 我老豆對學生上堂會傾計呢樣嘢好不滿…… 話說之前一家人食飯嘅時候講起我同我阿妹喺學校上堂嘅情況。佢一聽到我哋上堂會傾計/問我哋問題(因為我同阿妹經常都係考全級頭三)就直接開波鬧人,話佢哋以前上堂係絕對唔會有人傾計/問其他人嘅,如果有嘅話就一定係唔專心上堂,同埋學校應該要畀返老師好似以前咁樣用粉刷&粉筆掟嗰啲人警告佢哋。 之後我就同佢講話其實而家上堂有時我哋跟唔到/miss咗老師講啲嘢嘅時候,都會去問其他同學,同埋而家啲課程咁趕,堂上面根本冇時間畀每個同學逐個舉手問番老師,如果係小問題咁就梗係即時私底下問其他同學解決啦。之後佢竟然話:「咁咪將你每樣唔識/聽唔切嘅嘢抄低佢然後落堂搵老師lo。」 我心諗:明明少少嘢可以問同學就搞掂,點解仲要得登曬時間抄低佢之後問老師? 仲有依家上堂傾計呢家嘢已經係家常便飯嘅事,試問邊個人上堂冇試過傾計 / 問其他人?(利申:我自己都有)況且我有時仲反而覺得上堂真係想瞌眼瞓嘅時候,同其他人講兩句反而仲可以keep住自己清醒。 仲有, 佢對小組討論極度反感,因為佢覺得上堂同其他同學傾計就只不過係喺度嘥時間,直接坐定定唔出聲咁聽老師講書先係最有效嘅上堂方法,所以佢認為課堂上面唔應該有任何傾計 & 討論,而家啲學生質素咁差就係因為學習方式有問題。 就係咁樣同佢拗咗成餐飯… 我發覺佢對於學校上堂方式嘅諗法好似仲停留咗喺六七十年代,覺得上堂嘅時候學生之間絕對唔可以傾計(包括任何內容), 有問題只可以搵老師。我都認同上堂專心係好緊要,但係講真嗰句:大佬呀,一句聲都唔畀出嘅話你唔嫌悶我都嫌啦,如果而家咁樣上堂法保證全世界都會瞓著覺……
#NSS愛情 [Guest] Admin plz po IG 小弟鍾意左一個女仔,但好驚表白會失去左一個朋友 小弟今年form 2,同一個女仔好啱傾(下稱A)。Form 1 同佢嗰frd熟d,但係今年唔同班,就少左傾。今年同A同班,同佢傾多左,慢慢同佢熟左。每次同佢傾嘅時候,我都盡量秒回佢,但佢每次好似都同好幾個人一齊傾,或者我係佢眼中毛都不如。Face to Face 上堂,見到佢同其他男仔傾得好開心,我有d唔係太好嘅感受。我想同佢表白,但又好驚冇左個朋友。 我應該點好? 小弟第一次投稿 Sorry for 1999 Thx Admin