—類投稿

lccsc

#NSS個人 [lccsc] 我覺得我可能有少少社交恐懼? 小妹今年F2,大概F1開始察覺有。老實講小妹細個嗰陣都幾活潑,就算係唔同班都識啲人。但唔知做乜嘢,應該係小五小六開始變得內向。小六仲好啲,小息嗰陣都會同附近枱嘅人一大班一齊玩。但到左中一就真係冇frd,慶幸認識到兩位好友陪住我。但除咗嗰兩個之外我同班上面其他人都冇點講過野,再加上今年好耐時間都係上zoom,我甚至連班入邊啲人名都未記齊就升F2。 從F1開始就變得唔鍾意同唔熟嘅人交流,除咗嗰兩個好友之外唔會去想識新朋友。就算係同班嘅人過嚟搵我,我都會有啲驚驚。升F2之後同Y好友分咗唔同班,有一日Y個frd見到我同P成日都同Y一齊,就過嚟話想識我哋做個朋友。我當時雖然為咗禮貌有答到佢,但其實內心超癲。點解你可以咁勇講自己話想同人做朋友??!!! 出街嗰陣超驚有人行過嚟問路,放學返屋企坐升降機超驚俾啲唔識嘅阿伯阿姨問我幾年班之類嗰啲,之前試過搭錯小巴迷左路,都掙扎左好耐先敢問人。有起事上嚟需要搵人幫忙都一定會掙扎好耐先至敢去問人。自從麥當勞有咗可以噉嘅嗰部機之後我就冇去過櫃檯點餐。見到熟人例如同學/同學家長,如果唔係閨蜜級嘅熟人係唔會上去打招呼。雖然我媽會罵我無禮貌但我真係超驚同人講嘢。鍾意喺網上面打字傾偈多過面對面溝通,唔鍾意錄音。仲驚人多,有frd陪住嘅話就好,但自己一個嘅話就會超介意人哋嘅目光,導致我自己一個出去食午餐都會有d怕,而為咗逃避就會長年戴耳機。除非真係自己好想去嘅地方,如果唔係絕對唔會輕易出門。同埋小妹喺動漫迷,書包上面掛咗唔少襟同鎖匙扣,周不時都俾啲阿姨阿伯望住我個書包,心入邊會瘋狂呐喊點解你要望住我然之後急急腳走人。 升左F2之後班上面就淨係得P同另外一個異性好友H,同H係同一間小學升上嚟,玩得比較埋所以關係好好。除咗佢哋兩個之外其他同學我都冇點講過嘢,有好多同學甚至一句說話都冇講過,我到而家都未記清同學d名。 雖然階段還好,但如果大個咗之後都係噉樣都唔知點算好_(:з」∠)_ 希望可以放喺IG🙇thxxx🙏

閱讀更多

GUEST

#NSS個人 [GUEST] 小妹讀緊低中,自問都係一個勁容易喊嘅人 即係比屋企人鬧少少都會喊個種 但係我唔係單純因為佢地鬧我先喊 我喊係比我抒發情緒,每次喊完個心都一定會舒服啲 但係問題黎啦,就係我屋企人從來都唔知我係會咁容易喊 而且我覺得喺佢地面前喊好瘀,唔想佢地覺得我係咁脆弱咁易喊嘅人 所以每次喺佢地面前都會扮到好堅強 咁耐以黎因為比佢地鬧而喺佢地面前喊嘅次數真係一隻手數得曬 每次比佢地鬧完返房都會想忍唔住爆出黎 但係因為佢地隨時都會入黎,所以我一定要忍住 直到佢地訓曬覺/我訓覺個陣先可以喊出黎發洩吓 我每次想爆出黎個陣,都會對住塊鏡笑 但係每次望住自己個笑容,就會覺得自己真係好假 我成日都會問自己,點解而家咁都仲可以笑得出 每次望住個笑容都會更加忍唔住想爆出黎 其實每次想喊個陣都要忍住唔可以喊,要壓抑住自己嘅情緒真係好辛苦好攰 但係我喺屋企人面前真係做唔到真正嘅自己 喺佢地面前永遠都要扮堅強,永遠都唔可以比脆弱嘅一面佢地睇到 但係忍嘅次數越多,比情緒壓抑住嘅壓力真係越黎越大 我真係唔想再忍落去,但係我真係做唔到 唔知有冇人同我一樣都係咁,或者有冇啲咩意見比小妹我🥲要屌嘅唔該屌得細力啲 Sor for

閱讀更多

Guest

#NSS個人 [Guest] 緊急求助 ! 我而家喺英國學校隔離淨係可以喺一個走廊嘅範圍走動所以我要同其他同學一齊共享一個廁所間廁所入邊有兩個沖涼房兩個廁所近排我發現廁所入邊有好多蜘蛛幾乎係廁所入邊每一格都有啲蜘蛛仲要唔係香港好細粒嗰隻佢係大隻少少好恐怖。我依家唔敢去沖涼所以唔知點做 我想請問大家,我好驚蜘蛛見到之後24小時唔知點解係咁喺眼角會見到好多好快郁動嘅黑影好似蜘蛛行路一樣跟住我就會好驚之後周圍望吓周圍睇吓周圍有冇蜘蛛跟住有時會望住一幅白色嘅牆會容易出現一點黑色嘅嘢之後發現原來係幻覺最唔好嘅就係我唔知點解手手腳腳會係咁覺得有嘢係爬過有時會係好似打針咁嘅刺痛 我明白我呢個嘅恐懼我琴日喺間房搵到隻蜘蛛我到今日超過廿四小時我仲係好驚雖然我知道佢已經死咗跟住我又有幻覺又有奇怪嘅觸感所以好想請教大家有冇啲咩方法可以解決問題

閱讀更多

GUEST

#NSS愛情 [GUEST] 真心呼籲中學生真係唔好拍拖, 完全係浪費讀書時間

閱讀更多

Guest

#NSS個人 [Guest ] 小妹今年中四, 家庭情況都係好一般,住緊唐樓(六十幾年前起嘅),雖然係屋企人喺六七年前買嘅,又做咗裝修,同埋都幾大,但就好驚俾同學知道自己住緊唐樓,身邊啲人一直覺得我好似過得好奢侈,好似好有錢咁,絕對唔係我自己充大頭鬼!佢哋成日都以為我好似好有錢,成日都搵藉口想上嚟我屋企,識咗佢哋都已經四年幾,每一次我都用唔同藉口拒絕咗,但近排開始我覺得真係唔係辦法,我應唔應該同佢哋坦白,但我真係好驚會比佢哋排斥,始終佢哋個個都住私樓,都係好有錢🙈 希望Admin可以幫我po IG,呢個問題真係困擾咗好耐 圖Link: https://ibb.co/YQZ0FQp

閱讀更多

GUEST

#NSS社會 [GUEST] 點解咁多人講聲夢傳奇係抄全民造星 但係冇人講口罩小姐抄香港小姐 #雙標😅

閱讀更多

【Guest】

#NSS社會 [【Guest】] admin po IG 唔該🙏🏻 想問下各位有冇聽過某啲人講關於同性戀會違反大自然?好想聽下各位對於「同性戀會違反大自然」嘅意見 而對我而言,我係唔認同呢句,其實自己中意咪中意囉,只不過自己中意嘅人係同一個性別啫…

閱讀更多

Guest

#NSS家庭 [Guest] 第一次投稿 sor for 1999 小妹今年中二,讀女校,有一個好煩既阿媽。 話說有一日我有個小學同學想約我出嚟食飯,我住中西區,我朋友住喺太古城,就諗住約去太古城,順便去埋佢屋企。我問我阿媽可唔可以去,之後阿媽竟然話去太古城太遠,好危險,話會好嘥時間去。我心諗wtf… 太古城都話遠?搭地鐵一條線都過到去啦。之後我就話我有時間去嗰度,我今次肯定冇博佢嘴。阿媽就即刻問點解係都要遷就你同學,點解唔叫佢嚟中西區食飯?我聽到之後我好嬲,即刻返房喊咗出嚟,我心諗我已經14 歲,去太古城都話危險,唔通我到18歲先可以自己一個去?🤦🏻‍♀️最後都係約咗去銅鑼灣食… 仲有一次我自己出街,返屋企嘅時候阿媽就問點解我條褲咁短,嗰日我條短褲其實唔係好短啫,都只係喺低過我Pat pat 兩寸倒。之後我阿媽話而家街上好多鹹濕佬,好危險,如果着啲咁短嘅褲會俾人睇蝕曬。seriously wtf 而家街上個個都係咁着㗎啦,有啲人啲褲仲短過我嗰條,天氣而家又咁熱,加上其實嗰條褲以前都着過好幾次,以前又唔見佢話我,不如掉晒我所有嘅短褲啦,好無奈啊⋯⋯我覺得其實一個人着咩唔緊要只要自己鍾意就得,不過我阿媽就唔明呢一點。 仲有一次我我同一個男仔WhatsApp,我阿媽識佢阿媽,所以我阿媽都識個男仔。之後我阿媽突然入嚟我間房就話專心啲讀書啦,愛情依家野遲啲先算啦。我其實鍾意個男仔,但從來冇話過俾我媽聽。根據以上嘅描述,我只係WhatsApp緊,我阿媽其實唔知我WhatsApp緊邊個,唔知點解佢會咁講呢?之後我就話我只係問緊一個同學關於功課嘅嘢,我阿媽就話咁都好啲⋯⋯ 我心諗始終我讀咗女校咁多年,如果真係同嗰個男仔WhatsApp,我真心覺得冇乜所謂,就算佢唔鍾意我,同男仔交流一吓都好呀… 講咗咁耐,我覺得其實我阿媽所做嘅嘢都係為咗我好,好錫我,但係我覺得唔應該用啲咁嘅方法去錫同保護你個女。我同我阿媽關係都其實都幾好,但係我生活咗14年,我其實有好多嘢都係收埋,唔會話俾我阿媽聽,我一講少少一啲佢唔同意嘅嘢佢就會嘈喧巴閉⋯⋯我好羨慕一啲母女關係好好嘅人,佢哋乜都同阿媽講,佢哋阿媽都會願意去聽佢地講,可惜我同阿媽嘅關係唔係咁,雖然表面上好似好有愛。 我其實生活得幾好,成日出去食好嘢,爸媽好錫我,有啲同學都好羨慕我,但係爸媽永遠都唔會知道我個諗法係點。 你哋有咩方法可以增進母女之間嘅感情關係?

閱讀更多

GUEST

#NSS其他 [GUEST] Admin po IG pls 我想問點樣分女仔係咪當你做兵? 我A0唔想中伏

閱讀更多

GUEST

#NSS學業 [GUEST ] 小妹今年f2,係band1學校 今次既成績比f1既進步左 但係全級名次都係排4分3左右 雖然比上年進步左,但係我重係好灰 好多人讀書都好叻,科科都讀得好好 可能因為我本身讀既小學真係廢中既勁廢 所以同人地比真係輸蝕左好多 然後最近家長日,呀sir就同我講返啲成績 中文,中史,西史,地理係偏好啲既 (但唔係好好) 數學,科學,英文同人地比就真係好差 呀sir就講左重點啦,佢話我係文科人 一路以黎我呀爸唔希望我係讀文科 我自己就比較想讀理科,但係明明理科就唔好 但係我真係讀到唔知點算好 呀爸呀媽成日問我點改善,但係我真係唔知點樣改,咪溫習囉,重可以點。 Sorry for 1999

閱讀更多