#NSS愛情 [Guest ] 我有個frd(稱Y)佢同後面嗰個男仔(稱K)每日返學上堂都傾得同玩得好開心,佢哋識咗好耐,但係最近先開始friend 。 K好nice 又幾暖,好好人,前排上zoom 嗰陣我哋都會一齊傾偈,佢仲幫我補習。跟住考試佢又會問我識唔識教我,考試之前會同我一齊溫書。(但以上都係唔係面對面嘅交流)到咗返實體堂,我哋小咗講嘢,有時小息都會傾下偈,放學有時都會signal或者dc ,但有時會尷尬同冇乜話題。 Y同K私底下嘅交流我就唔係好清楚,好似只係有講過一兩句。上堂嗰陣Y經常性會轉身同K講嘢,之後長期keep住呢個姿勢,兩個人都好似好開心。有次10幾度嗰陣y着得一件褸,k又借咗自己件褸只佢。 每次見到佢哋有講有笑,唔知點解就有啲唔開心,其實我覺得y鐘意k ,跟住又成日都諗住佢哋,好無mood,連發夢都不斷夢到,我係咪鐘意咗k呢😬,同埋點可以同k多啲話題? 想請教一下各位大大🙏🏾🙏🏾🙏🏾 Sorry for 1999
#NSS其他 [YWGS] 唔知大家有無留意到英華書院學生會 (hestia)係24/4/2021 出既新post同我地學校學生會 (Metanoia ) 係 22/4/2021 出既post 十分之相似。我認為Hestia需要澄清並解釋有否抄襲,或者俾返credit 我地學校嗰designer。一個designer辛辛苦苦咁嘔出黎既野,俾人咁樣囉去用我覺得真係好慘。 懇請英華書院學生會Hestia澄清時間或俾返credit thx Sor for 1999 圖Link: https://ibb.co/7rPcjsC https://ibb.co/xqJDsDC
#NSS家庭 [吳相訓紀念中學] Admin po ig pls thx 第一次投稿,純發洩,屌細力啲 小弟今年14,平時得閒嘅時候會寫下program同埋玩下有關電腦嘅野。先講下屋企嘅環境,我老豆成日就好鐘意開住個電話收音機係屋企大聲播,講野都超級大聲,如果我係間房度閂門嘅話我出返黎佢就會話我唔聽佢講,係反叛,通常淨係上online音樂課外活動先有機會留返條細嘅空隙,所以我最鍾意深夜嘅時候寫code,因為全屋冇哂收音機聲,冇人大聲講野,出面又少啲車行會靜好多。平時通常都搞到一兩點,有時候我覺得寫得唔完美就會一路執,有時候搞到4點。返學通常就六七點放學,一時係短跑,另外之前有係電腦比賽要返去搞,晚晚都八九點先走,所以通常我放學返到屋企沖完涼就食飯。 事源之前一復課就多左好多野做,亦都要早起身左個半鐘,果個星期平均每日訓5個幾鐘咁,兩點訓七點起身,都冇乜唔係好精神。咁今日星期六,三點放學之後返到屋企就hea左一陣,正常黎講周末就係hea下做下功課㗎啦,星期日唔使返學夜啲都冇所謂啦,於是咪好似平時咁搞到我想訓嘅時候訓。一點幾嘅時候老豆就起身屙尿,平時見到我未訓佢都唔會點理,最多過黎話我兩句。點知今日佢突然間沖入黎,問我:「你訓未呀點幾鐘啦你睇下你個樣,小心有病入廠呀」(佢真係咁講)而且仲要好大聲,連阿媽都醒左,之後佢就話要熄我電制,係咁問我訓未,我同佢講聽日星期日,夜啲訓都冇所謂又唔使返學,佢就話:「你聽朝5點鐘7點鐘起身做我唔理你,而家做小心會死呀,即刻訓覺,幾個禮拜都係咁,就黎死㗎啦」,跟住老母起身都行埋黎,三條友你眼望我眼咁,老母呢個時候直接行過黎坐落我張床度,話我唔訓嘅話佢唔走,真係好無賴,但係先點幾鐘,我又未搵到解決辦法,我唔想訓住,老豆得閒沖出黎,話係我迫佢熄電腦總制,全部都係我迫嘅,老母得閒又講幾句,完全破壞哂原本啲氣氛。 呢個時候老豆講左呢句野令我覺得真係好唔舒服,佢話:「就係因為你令到全家冇得訓」,我都唔同佢再講,當聽唔到算。其實我一啲都冇影響過佢地喎,係佢自己出黎屙尿跟住大聲夾惡咁先搞到全家醒哂。最尾比佢地兩個煩到直接熄左電腦個制佢,兩把聲疊埋一齊好似講經咁真係好難受。 其實我又唔係做埋啲傷天害理嘅事,唔係好大聲咁同人聯機,唔係運毒食煙飲酒,驚佢地訓唔著連音樂都冇播,只係靜靜地寫下program啫,點解搞到好似我係果啲敗家仔咩賭輸哂成副身家果啲人咁嘅。 我知道佢出發點係好嘅,咁夜訓的確對身體唔好,有冇咩方法可以令自己接受到佢嘅語氣呢?唔該哂各位,多謝你睇到黎呢度,多謝哂 Sor for 一鳩鳩鳩鳩
#NSS愛情 [GUEST] 長文慎入 sor for 1999 大家好,我係一個中三嘅女仔。小學嗰陣受過霸凌。 小妹小學嗰陣,因為一啲好小嘅事俾人霸凌過,嗰陣我都唔知點解,之後發現原來開始霸凌我嗰個同學早就唔鍾意我,咁其實我仲捱得過,只不過令我最傷心嘅係我嗰陣以為係好好嘅朋友都有份霸凌我。 上中學後,我開始冇乜事,不過因為嗰陣嘅陰影,我變得好內向,做咩事都怕俾人bully,就連同學問我一句嘢我都諗清諗楚先可以答到佢。就係依個原因,我上學期一個朋友都冇。 下學期嗰陣,有個同學見我成日自己一個,佢就開始黎日日搵我傾計,咁好快我哋就熟咗。直到online class我哋都有日日phone call。 我從來冇諗過我會係中學生涯裏面有感情問題。雖然唔太記得清楚,但係大概係中二嗰陣,我鍾意咗佢。但係我真係好驚,我好驚如果我同佢講左,我哋嘅關係會變得疏遠,我哋每次見面都變得尷尬,所以我到依家都冇同佢講過。 我唔知點做好,我投稿係想問吓大家意見,同埋想鼓勵各位有被霸凌/正俾人霸凌嘅人,有咩記得同朋友講,你一定捱得過,加油,唔好衰俾班人睇。 admin post ig thx 辛苦曬admin 圖Link: https://image.architonic.com/img_pro1-6/156/6619/matilda-black-01-sq.jpg