—類投稿

GUEST

#NSS學業 [GUEST] 近排見到個投稿係講一間補習社,突然靈光一閃,想洩下幾年前嘅憤。 係關於一間喺柴灣嘅補習社。 我係小六嗰陣入去嘅,好慶幸自己淨係喺裏面留咗一年,因為間補習社嘅老闆(都係中年女人)真係仆街到冇人有,佢從來唔會教班中學生,淨係識教班小學低年級。 班低年級唔聽話就會用鐵間尺打佢哋手板,打到好鬼大聲,喊晒口都唔收手。跟住仲要我哋舉手投票要唔要原諒佢(???? 佢自稱自己係一個心理醫生,又自稱自己係跆拳道黑帶喺度嚇班低年級,但係好鍾意討好班低年級嘅家長,成日同佢哋扮熟,搞到啲低年級完全唔敢同家長講補習社發生咗咩事。 間補習社裏面嘅Miss阿Sir都唔好得去邊,間補習社一個小學高年級補功課一個月收1980,但係啲Miss阿sir基本上就係攞住部手機然後Hea鳩你,我準時做完功課,本來可以六點準時放學返屋企,但係對功課啲效率可以慢到搞到我日日要八點返屋企,平日就一個Miss阿Sir教哂一張枱嘅人(七八個學生) ,有時仲會一個人教兩張枱 ,然後個老女人仲有面話我阻住啲Miss阿sir放工,真係完全唔識講佢。 個老女人仲好鍾意擅自幫我哋加堂,但不但教到成Pat屎,加完之後仲同我哋家長講冇收我哋錢已經好好==(結果家長唔好意思仲真係俾返錢佢… 然後間補習社好鍾意搞埋啲咩旅行,我嗰陣時戇鳩鳩都報咗,買咗機票。結果去嘅前一個月,佢就話唔俾我去,仲唔退返錢或者比返張機票(唔記得咗係幾千) 唔俾我去嘅理由:佢自己覺得我有心理病,唔適宜去。(我由細到大心理都好健全:D) 後來我頂唔順就同屋企人講咗然後冇補到,我走咗冇幾年之後就執咗笠lu 🌟然後呢近排我又見到佢厚面皮到重新改名開多間喺度禍害人間🌟 希望大家喺去補習之前可以精心篩選補習社🙏🙏🙏 -sor for 199999 -唔該晒Admin

閱讀更多

港島區某英中男校

#NSS個人 [港島區某英中男校] 今日我想同大家講一個關於內地歌手林俊傑嘅一個故事。 林俊傑有首歌叫做 然而,響呢首歌嘅背後係有個好悲慘嘅故事: 話說響林俊傑年輕嘅時,有個女仔向佢表白,雖然佢被林俊傑拒絕咗,但佢哋都依然係好朋友,而果個女仔更加介紹咗好多女性朋友畀林俊傑。其中更加包括林俊傑嘅初戀。 但係響1993年12月發生咗一件非常不幸嘅事, 嗰個女仔 乘搭嘅飛機墜毀咗,嗰個女仔亦都不幸地身亡。其後有人從嗰個女仔嘅遺物中,發現咗林俊傑嘅相。 林俊傑知道呢件事後,佢受到好大嘅打擊,佢唔敢面對呢件事,每當新聞提起呢件空難嘅時候,佢都會忍唔住喊。佢好內疚,佢好悲傷,佢好痛苦。佢話直到而家當佢諗返起呢件事都忍唔住留淚。 後來 響林俊傑嘅中學畢業禮嘅時候,嗰個女仔嘅屋企人透過老師畀咗封信佢。封信入面就係嗰張相,林俊傑佢話嗰個畫面嘅感受佢永遠都唔會忘記。 每當佢唱嘅呢首歌嘅時候,佢都會將情感收埋,因為佢驚佢會再次流淚,唱 唔到落去。 話說小弟響大約半年之前向一個女仔表白失敗之後就冇再聯繫。我好想搵返佢,但冇咁嘅勇氣,我哋可能冇辦法發展,但我想同佢做返好朋友。大家認為我應唔應該主動搵返佢呢? Sor for 1999 如果各位師兄師姐對呢篇文章有咩唔滿意嘅地方,麻煩請屌得細力啲。

閱讀更多

GUEST

#NSS個人 [GUEST] 致:X某人 記得中一成年坐咗你後面,之後我地都有傾計,有一齊玩。冇耐我就鍾意左你,我都好肯定你有鍾意過我。但係唔知道幾時我地開始0溝通。 中二果陣知道你又鍾意左另外一個女仔,真係好sad。每次見到你同其他女仔行得好近,就開始呷醋,覺得自己好廢好無用。 到在而家中五,四年啦。我仲係放唔低你,唔知點解有你係度嘅地方會特別緊張,我都有嘗試叫自己放鬆D,但都係冇用。我好攰呀。 可能你根本就已經忘記左我,一直都係得我自己係到諗,我真係好 on9好廢好無用。

閱讀更多

GUEST

#NSS個人 [GUEST] 我係一個成積唔算差 但係又唔算好嘅一個f.1 學生。我喺小學嘅時候 一直都勁少friend,甚至乎係冇friend。感覺上佢地好似全部人都唔想理我咁。講真我好正常,冇咩奇怪嘅特徵,個樣都好正常,但係唔知點解啲人就係唔同我玩,唔理我。我行埋去同佢地講嘢都係求其答我一兩個字,好似唔想同我有接觸咁。次次小息我都係自己一個坐喺位度。我脾氣一直都唔係幾好,咁我就以為係因為呢個原因所以佢地先唔同我玩啦 去到小學六年班嘅時候,有一個同學佢勁好(簡稱W)佢願意同我玩,我地做左閨密,仲好friend ,成日一齊玩,玩到我屋企人以為我les 佢 但係去到中學 雖然我同W同一間中學,但係我地唔同班,冇得成日痴埋一齊玩。咁我就好自然地識其他朋友。簡稱A同B 我之前覺得係因為我性格問題,小學先冇人同我玩。所以我上到中學 我收晒我所有嘅脾氣。對佢地超好。但係B就玩我,我對B咁好,但係佢都咁樣玩我,真係玩到我就嚟痴線啦。我就成日諗,我真係已經改咗好多嘢,但係點解又會咁?我覺得自己真係好差,真係好on9。朋友咁簡單嘅嘢都冇幾個真心 Sor for 1999 Thx admins 💕

閱讀更多

LTPSS

#NSS學業 [LTPSS] 小弟今年from 1-3(唔想比人知我係邊個) 話說呢排真係好大壓力,讀書唔算好,所以我真係好努力去温書,最終成續真係好左。從各科嘅test/UT 都睇得出,由分數個位數,進步到合格。不過我呀爸呀媽對我嘅要求都算高,佢哋講合格冇用,起碼要8字頭先算OK。前排家長日,家長日係用call嘅方式啦。我老師就問我媽:「你個仔平時温書温幾奈呀?」媽講:「温書?佢都唔温嘅。就算温都係温半個鐘。」[(事先聲明)我平時温書温2個至3個鐘到]我同我媽講話我有温到書,佢話睇唔到,明明佢日日都見到。第二日老師就向我訓話。攪到老師對我印象唔好。又有一次我喺到温書,佢話我個温書方法癈叫我用佢嘅方法,問題就係,我嘅方法一個鐘可以寸到10個字,而佢嘅10日就寸到10隻字。我真係比佢哋攪到冇曬動力。完啦,多謝。

閱讀更多

GUEST

#NSS個人 [GUEST] 鍾意華語歌手=鍾意大陸? 是咁的,小妹一直都好鍾意各種音樂同各種音樂人,平時廣東歌華語歌kpop歐美歌等等都有聽開,一直以嚟都有追開一個大陸歌手(係正經歌手唔係抖陰上面嗰啲),去過演唱會音樂節(喺大陸開) 舊年轉咗校,同依家啲同學相處尚算ok,幾日前同同學傾到偶像,佢哋個個Blackpink BTS mirror,我就講咗我鍾意嘅嗰個歌手,講我鍾意咗好多年,佢哋啲眼神突然唔同咗,聽到我去過大陸睇演唱會仲好似避瘟神咁,跟住到依家都冇再傾過偈,幾個同學仲喺story內涵我,雖然只係同學,但係都有啲唔開心 我一直都認為 我鍾意xxx,xxx咁啱喺大陸,所以我鍾意嘅變咗大陸歌手xxx,如果xxx移民去咗韓國,咁我鍾意嘅就係韓國歌手xxx 我唔知我可以點算,話晒仲有三年幾嘅中學生涯,仲有三年幾要同嗰啲同學相處,我都唔想同佢哋啲關係搞到咁薑,但係又放唔到手鍾意咗四年嘅偶像… sor for 1999

閱讀更多

GUEST

#NSS愛情 [GUEST ] 我今年中六考DSE 男朋友已經出黎做野幾年 三萬幾一個月 我就因為今年考DSE 所以冇返工 一星期得六百蚊零用 我同佢一齊左一年 平時出街都係佢比大錢我比小錢 例如食飯幾百蚊佢比 睇戲百幾蚊就我比 我都唔緊要 但佢今年開始斤斤計較 我可能嗰個禮拜冇乜錢 出街要佢俾晒食飯睇戲 佢開始比說話我聽 然後黑我面 (要佢俾晒嘅頻率一兩個月先出現一次)佢覺得我借啲意乜都唔比 要我每次同佢出去都分擔費用 有一次想我送幾千蚊既野比佢 我應承 叫佢比啲時間我儲下 佢就會講你都買唔起就唔好下巴輕輕啦

閱讀更多

Guest

#NSS其他 [Guest] Admin pls po ig🙏 小妹第一次投稿🙇‍♀️ 小妹今年f1, 一開學嗰陣冇乜朋友。然後我見到一個好靜,有啲顯得毫無自信(可能係佢寒背問題)嘅同學(A),但係個陣時我真係冇朋友,所以我先同佢講下野咁。唔知點解,佢好似當咗我係佢全班唯一一個朋友,仲要當我係佢嘅最好朋友。佢每日都靜靜咁坐喺佢嘅坐位度,唔願意同人溝通,只願意同我講一句兩句咁(佢講野都好細聲)。 幾個禮拜之後,我識到B,佢人緣關係好,有好多朋友,我先願意埋堆同啲同學挽。喺一個月之內我識到C,D,E,佢哋份人好幽默,好nice,我成日都同佢哋挽。但係A仍然好靜,好似同世人隔絕咗。我嘗試同佢講:「你應該識多啲朋友,你無理由淨係同我講野㗎。」佢就話唔好,我唔知點解佢唔願意交多啲朋友。 我而家有好多friend,但係我唔知繼唔繼續同A做朋友(我唔知而家算唔算朋友)因為如果我唔再同A講野,佢可能會搵第二個同學傾下,可以比佢識多啲朋友。 我而家好亂,唔該比啲建議我🙏。(sorry for 1999)

閱讀更多

HLC

#NSS學校 [元朗某一間學校] 本人係form one學生 之前學校收生入到一間band one C嘅學校 而因為我小學係用中文教 所以我對英文真係冇咩信心(平時喺小學都係考80幾分 入到英文中學,需要適應好多嘢, 因為我唔習慣數學用英文教,上學期真係好努力咁溫書,考試雖然差兩三分合格,但係我都知自己付出左努力,終於一開始我嘅努力有成果,係我嗰班入邊都有中上嘅程度,結果我開始自大, 唔再溫英文,我都係一個臨急抱佛腳嘅人,見上一次測驗啲卷比較簡單,自己以為一定應付到 但係我結果發現自己真係對其他科唔熟悉 考試嘅科目仲要比測驗多好多 真係好大壓力 近期嘅數學考試都係差幾分合格 我就同自己講話唔緊要我都係係我嗰班屬於中上程度(嗰陣完全冇留意 精英班有幾勁.. 完全係驕傲得過份… 直到近排學校開始學Angle 我就開始跟唔上 兩次quiz 都fail jor 我真係唔知點算

閱讀更多

GUEST

#NSS其他 [GUEST] 話說小妹最近追返《暗殺教室》,啲人話最後勁催淚,連平時睇劇睇戲唔喊嘅fd都喊得好慘烈喎。我平時都係睇動漫嘅噴水池,睇親乜嘢就算係搞笑嘅動畫都會喊得出,《暗殺教室》正常人喊唔出嘅中段部份我都喊咗… 但竟然ending 嗰度我喊唔出囉,一滴眼淚都冇,覺得好對唔住套嘢,我以為我會喊到崩潰點知冇lor… 究竟有冇人冇喊ar… 我見啲留言個個都話睇一次喊一次…

閱讀更多