—類投稿

GUEST

#NSS個人 [GUEST] 是咁的 我中二 阿爸阿媽一直都冇反對我買化妝品 有時搽少少唇膏呀嗰啲佢哋都冇反對 咁難得買咗咁多化妝品 梗係攞嚟用啦 唔通喺度裝飾? 諗住同朋友出街咪 化小小淡妝好好睇睇囉 出門口 老母老豆見到我化妝出街 佢哋就話“你化乜撚嘢妝呀,化都隻眼腫咁, 搞到自己人唔似人鬼唔似鬼咁, 快啲抹返佢啦,你諗住咁樣出去獻世呀?” 跟住我呆咗。。。 ———————————— 我嗰日只係化咗個紅色加棕色嘅暈染眼妝 究竟係唔係真係我嘅問題化到自己成個豬頭咁 定係佢哋嘅問題 有冇人可以幫到我。。。

閱讀更多

Guest

#NSS其他 [Guest] 唔知點解我成日一識到一個網友去到超級frd之後就會同佢鬧交/慢慢疏離🙁 唔知係咪我問題,但佢好似有好多frd嘅感覺,但因為我可能太慢熱冇乜frd所以我好想同佢傾返計。 點算好🙁🙇🏽‍♀️ Sorry for1999

閱讀更多

Guest

#NSS社會 [Guest ] 其他乜9你愛5愛祖國都可以忍,但呢題真係cmg 圖Link: https://ibb.co/wKxQvZC

閱讀更多

No FREEDOM college

#NSS家庭 [No FREEDOM college ] Haloo!! 我係第一次喺呢個平台度投稿嘅 希望大家可以分享一下覺得點 我阿媽係一個好嚴厲咁樣去管教自己嘅仔女嘅人 佢會限制你去做啲咩啦🤠 當中嘅嘢好多都係令你覺得冇曬自由🤧 1. 電話係冇數據(即係淨係可以跟wi-fi)(就係因為咁,成日畀阿媽熄咗屋企嗰個router,搞到我覆緊同學嘢突然間send唔到出去😿仲有,同同學開緊meeting,突然間閂咗我個wi-fi☺搞到我嗰陣時真係好鬼燥) 2. 唔俾同同學出街(有時會但係只不過唔畀去咁遠🙂,例如你住喺葵芳就唔畀去南豐紗廠😀) 3.冇零用錢😿( 全部都係用嗰啲利是錢😌仲要我出名親戚少:D平時都有慳開,但係計埋平時阿爺冇請我食飯,要自己畀錢嗰啲錢都已經唔夠;) 4. 普通同同學食個lunch都要跟住我😊(相信睇到嚟呢度嘅你會覺得阿媽跟住你咪好囉,可以幫手畀錢,但係我阿爺已經畀咗錢,佢都係要跟住😉) 5.時常爆我啲私人嘢畀親戚聽😺(平時同佢講秘密,跟住佢就調轉頭將啲嘢話哂畀我啲姨媽舅母聽(=′ー`) ,搞到成村人都知我發生過啲咩事,講起某啲話題,又突然間爆咗單嘢出嚟搞到我好鬼尷´_>`同埋好嬲(`⌒´メ)跟住之後再冇同佢講過任何秘密(  ̄▽ ̄)連我啲朋友都知得多過佢🙃) 6.被迫接觸所有藍屍嘅嘢(TVB…乜鬼嘢Alison+_+)( 普普通通咁樣平時同阿哥(黃嘅)轉Viutv台都會鬧爆我哋😁, 好彩我同我阿哥冇畀佢洗腦🧠)

閱讀更多

GUEST

#NSS社會 [GUEST] 某高中學生,純發洩 上LS嘅時候,講到有關中港關係嘅題目,個老師話 唉你哋自己做啦,我都唔知點講 呢個老師之前被人去教育局投訴過唔愛國,至此之後講書都好小心,其實我完全睇得出佢勁無奈,嗰一刻我仲有啲想喊,香港係由幾時變成咁樣?我哋下幾屆嘅LS又仲會唔會有呢d題目,定係全部變曬歌頌祖國🙃 老實講,如果dse出咗有關國家安全嘅題目,我可能都會違背自己嘅良心,因為呢個試係決定左未來。但同時亦都好心痛,一段時間之前,我都仲係諗住堅守喺香港,而家越來越想走,因為feel到真係冇力改變呢一切,而家呢個香港根本想像唔到應該點生存落去… sorry for 1999

閱讀更多

Guest

#NSS家庭 [Guest] 麻煩admin幫我po ig pls🙇‍♀️🙇‍♀️ 長文,純發洩 大家好,小妹第一次投稿,希望大家屌細力啲。 小妹今年中三,屋企有個超級煩嘅老豆。自有記憶以嚟,老豆開口埋口都係屌人或者鬧人pk,無論我、我媽咪定我個妹做啲乜都可以俾到機會佢屌。細細個成日俾佢用藤條打同兜巴摑,大個咗就成日俾人屌。雖然我唔知嚟啲叫唔叫精神虐待,但我開始頂唔順。 前幾日,我同屋企人講起學校模擬揀科,我本來大個希望可以成為一名護士,但上到中三發現自己根本唔鍾意phy同chem。老豆聽完學校有「揀科」之後就猛咁叫我揀phy、chem、bio,話揀嚟啲科可以做政府工。我根本對phy同chem冇興趣,但礙於講完就會俾人摑嘅後果就冇講出嚟。 唔單止要「幫我」揀科,仲好鍾意喺我溫書做功課嘅時候入我間房阻頭阻勢,敲門有佢嘅節奏,入到房見到我做功課或者溫書就會超白痴咁問:「你做緊乜野啊?溫書/做功課啊?你係咪食錯藥啊?」瞪佢又會俾人屌,無視又俾人屌,佢真係少少清靜嘅時間都唔俾我。 仲有,我老豆係嗰種大男人主義者(嚟個真係攞命)、鍾意將錯嘅事全部賴落媽咪到等等。我老豆成日叫我媽咪幫佢買嚟樣買嗰樣,試過老豆係條街到打電話叫我媽咪落街幫佢買啤酒(傻眼貓咪);我老豆自己打爛隻碟佢就賴媽咪,我媽咪都即刻還擊話係我老豆打爛,結果嘈咗好耐…… 我試過勸我媽咪同老豆離婚,但媽咪總係以唔同嘅理由糊弄過去。老豆講過佢攞到架電單車就執嘢走人,但毫無意外地反口,繼續留係屋企。 係咪除咗沉默就乜野都冇得做,由得我老豆繼續橫行霸道?我係咪真係唔應該插手? Sorry for 1999,多謝各位時間嚟睇嚟篇文🙇‍♀️🙇‍♀️

閱讀更多

Guest

#NSS家庭 [Guest] 小女13歲,我有個好煩嘅老豆,以下係佢成日會做令我好反感嘅嘢: 1.佢係嗰種認定左就一定係嘅人,成日用佢自己嘅唸法去配合人哋嘅做法,例如我有個friend嘅媽咪佢隔左八年生第三胎(佢全部都係女)我老豆就會話佢係搏仔但係明明人哋都講到明係意外,信下人唔得嘅,何況人哋啲嘢理咁多同評論咁多做咩🤦🏻‍♀️我係佢個女都覺尷🥴呢啲情況已經發生左超多次,其實點解唔可以用下多角度或者人哋嘅角度去唸下? 2.佢仲係過份保護同關心我,佢咩都要理我,我明我身材可能短小啲,但係真心唔使咩都問住哂check住哂,我知道佢係擔心我,但係放開我少少大家都開心啲。 3.佢仲要成日問我啲成績去同其他人比較,我真係好攰吖點解要成日去比較我同其他人嘅成績呢?大佬吖我真係知哂人哋啲成績咩? 4.佢仲要係成日要求我同佢攬下錫下咁(唔係非禮或者色狼嗰隻)但係我真心青春期係會自然咁抗拒都正常,我媽咪都好明白,都會俾啲文章佢睇俾佢明,但係佢真係好頑固,一俾佢睇或者講嗰個topic就話“唔好講,我唔想知”咁。 5.加上其實我成績都唔錯,全級都有頭10,但係佢哋嘅概念都係做嘢就唔可以睇手機,一眼都唔得。但係我有時真係睇左好耐書想睇兩眼手機都俾佢鬧,仲要收埋我手機,學業上要用就要同佢講做咩做幾耐,我真心心累,我唔知佢想點🙄 6.佢係雙標到痴線,我做錯少少嘢,就俾佢鬧到傻,佢自己去做同一樣嘢就笑笑口咁當冇事。 7.佢嘅邏輯係要人完全服從佢,我同我細佬食飽飯,已經好飽,咁就攞手機玩下,又俾佢叫返去食,同佢講佢又話我哋淨係想打機先唔食,同我哋講唔食就唔好打機,但係真心好飽唔同真係要係咁食,食到嘔? 其實佢唔係話唔愛我,我feel到佢係有用心去take care我,但係佢個方式係好錯,我都好攰架🥲我想問下大家有咩方法去改善我同佢嘅關係?我依家form1都就嚟頂唔住,我真係好努力去忍去笑住對佢(因為我一態度唔好佢就鬧到我傻左)但係我真係唔知我頂到幾時,幾時會爆幾時會因為頂唔順佢而離家出走。 希望admin登我投稿係ig🥲

閱讀更多

qmss

#NSS愛情 [qmss] Hello 1k班 嘅12號同學 其實我真係鍾意咗你好耐 雖然我知道我之前對你個朋友好差 我之前都有嘗試過同你表白 我甚至同佢一齊 我真係好後悔所以已經分咗手 有一次我同你講我真係鍾意你唔係大冒險 希望你可以記得依一日 我知你同呢班同學一樣咁憎我 成日功課答案畀我不過冇所謂 ig管理員 我希望呢一篇文可以擺喺ig唔該

閱讀更多

bkkss

#NSS文化 [bkkss] 天水圍異聞錄序言: 微黃的燈光映照在天瑞的臉龐上,一滴滴的汗水像是沿著臉頰遊走的金粒。 沒有人想像過那一滴滴汗水背後的辛酸、艱鉅。 天瑞咬緊牙關,聚精會神地看著對方四肢的每一個細微動作,放大再放大,以在千萬個動作中找到一個缺口擊潰對方。 如果眼前的這個小子想要成為螳螂,那他也一定會成為黃雀。 就在這個時候! 他一時大意,竟放下了防備心。 天瑞伸出長腿,把腿擊向對手,對手倒地了。 他的身軀狠狠地砸在地上,發出一聲悶響——啪。 他絕望的眼神,就像是擋在戰車面前的螳螂,在最後一刻,意識到了自己的弱小。 他的四肢漸漸發軟,再也沒有想要起來的意思。 如天瑞所料,他三秒之內也沒有起來,於是裁判便宣佈:「香港跆拳道比賽嘅冠軍就係——元朗區嘅天瑞!」 「Oh,Yes!」天瑞歡呼,然後從頒獎員手上接過獎杯,一臉自大地看着觀眾,心裡想着兒時的願望終於實現,觀眾們都紛紛獻上熱烈的掌聲。 過了一個月……新的跆拳道比賽又來了! 一年一度世界跆拳道錦標賽,即將開始! 你以為這個跆拳道錦標賽不就是一個普普通通的跆拳道錦標賽? 哈哈!那你就大錯特錯了! 這個比賽隱藏著一個不可告人的陰謀! 「將邀請信比一個叫做天瑞嘅男仔!」一個帶著口罩的黑髮少年以不可違抗的語氣說到。 「點解?」手下搖了搖頭,不解地問。 「唔好問咁多!照我嘅做法去做!」黑髮少年朝著他的手下翻了一個大大的白眼罵道。 這個比賽 無論輸

閱讀更多

Guest

#NSS學業 [Guest] 小妹今年Form 1,由一間好普通嘅小學升咗一間Band1A嘅中學。 畢業前屋企人同埋老師都同我講一定會有壓力,嗰陣時嗰陣時我仲唔係好feel到,仲開始沉迷睇ig,跟住直到開學,我就開始online lesson 掛機,直至返番實體堂。 一開頭我都好唔專心,直至UT之後見到自己成績差,就真係好唔開心,但係見到啲朋友個個都勁過我,就開始想努力,但係兩個星期未到,又變返online lesson,咁我又變返掛機。 跟住去到上學期考試,我見到咁多嘢溫又開始hea 跟住最咪考得好差,全級七十幾至八十幾名,嗰陣時我就好似跌咗落一個無底深淵,見唔到希望咁,咁我就真係開始想發奮。 跟住前幾日整理左筆記之後,就開始背啦,但係我見到咁多嘢又開始hea⋯⋯開始又唔想溫書,覺得根本冇可能好似我D frd咁勁,但係一諗到小學老師嘅期望,我又覺得好似有啲唔好意思,覺得會辜負佢哋嘅期望,過多幾日就要UT(雖然係Online同埋可以open book),我依家真係唔知點⋯⋯ 大家其實覺得我嘅問題出係邊度?沉迷ig?掛機?冇努力過?定係缺乏自信?真係希望大家可以幫下我🙏🏻 最後希望admin盡快po ig🙏🏻thx admin🙏🏻

閱讀更多