—類投稿

#NSS愛情 [Guest] 如果當時理性d，我一定唔會咁做。 喺小學五六年級嘅時候，有一個算幾熟個朋友無啦啦話鍾意我，咁我當下就梗係嚇親㗎啦。 但係之後佢嘅行為真係令我覺得好厭煩。佢可以隔幾日寫一封情書放喺我枱面，咁你知d小學雞好幼稚㗎啦。日日總會有會有幾條仆街係咁唱我。 除咗三日唔埋兩日寫情信比我之外，仲會寫咗d情信比我屋企人然後叫我屋企人轉交比我。呢d行為可能持續咗大概三四個月?? 咁其實呢d行為本質上係無錯嘅，但係唔係呢個人囉。咁因為佢呢d行為的確令我有小小困擾，加上其實佢呢個人真係無feel。 咁所以之後有一日我就同佢講清楚。我就同佢講話我唔鍾意你，你可唔可以唔好跟著我，諸如此類。 咁之後小學嘅時候有疫情所以就無聯絡。升上中學都可能同佢講聲生日快樂，咁佢都無覆我。 咁其實認真講比着我都唔想聯絡啦。但係呢排諗返，我唔會因為我拒絕佢而後悔，但係我覺得如果我嘅語氣或者態度唔好咁差，咁佢就可能唔會咁hurt。 我認喺呢件事上我係有錯，但係我都唔會話佢啱哂，佢只係呢件事嘅受害者。 可能你地有會話我唔理人地感受定點，咁我都承認嗰陣真係我嘅唔成熟先會搞到件事咁。 所以就真係嘗試搵一個唔會傷害到大家嘅方法去解決啦。 sor for 1999 Admin Po ig please 🙏🏻

[ 某中學] 去英國讀書？ 我今年f2，阿媽想我快啲去英國，咁我都想既，但有啲驚，又有啲問題，希望各位大大可以提供意見。 佢叫我自己去搵學校，但我都唔知點揀好，睇嚟睇去都好難決定。 我睇到啲價錢都嚇親，唔知點同老豆講。佢份人唔鍾意洗錢，脾氣又差，同佢關係唔多好，一定會踩我話我讀書廢，去英國讀唔到，覺得我哂錢.好難開口講。 就算去到，我唔知可唔可以識應到。喺香港嬌生慣養，唔知去到會點.會唔會好難適應？加上成績一般，中間嗰啲，唔知追唔追到 係香港冇乜朋友，嗰度啲人係點架, 去英國會唔會仲難識到?？? 喺個度寄宿同讀書係點？希望去過或者讀緊嘅人分享下🌚 sorfor 1999

#NSS文化 [Guest] 小弟今年form4，同好多人一樣，我鍾意聽音樂。但係我鍾意嘅，係宜家呢個年代算係比較「小眾」嘅古典音樂。我鍾意古典樂純粹就係因為……好聽囉！（當然唔係話流行歌難聽🥲） 我鍾意聽Chopin,Liszt,Tchaikovsky,Schubert, Rachmaninov… 每當我發掘到新嘅，未聽過，但係自己鍾意嘅音樂，我就好想搵個friend分享……當然，係冇嘅！😕漸漸地，我覺得自己享受就得，唔需要人哋有同我一樣嘅喜好…… 直至到最近有一日，我係房聽Liszt rhapsody 2，突然阿爸敲門入房，問我晚餐想食咩。佢臨出去之前，講咗句「點解會鍾意聽啲咁嘅嘢？」阿媽喺廳答佢：「你唔識欣賞㗎啦。」……之後阿爸就出咗去。（其實佢哋對我好好，只不過今次聽完佢咁講有啲難受） 雖然呢件真係好小事，但係我喺度諗，世界上究竟仲有幾多人仲鍾意聽classical music？我唔係想話現代歌曲唔值得被欣賞，每一首用心創作嘅樂曲都值得被尊重，只係因為搵唔到同道中人而覺得有少少唔開心同埋遺憾lor～😌😅 最後我想問吓，有冇人同我一樣咁熱愛古典音樂？😂😂 （Go practice,linglingwannabes） Thx admin🙏Post on ig plz Sor for 1999

#NSS家庭 [guest] 「我都想有個幸福嘅家庭」 本小妹想分享一段自身經歷，自細阿媽同阿爸離婚，個陣阿爸年紀都吾細揾吾到食掛住打機冇正職，得阿媽支撐頭家，俾阿媽嘈完幾句，佢就去左走水貨幫補下家計。 後尾阿媽都係頂吾順，走去揾下家，佢都帶我物色左幾個「男人」一開始梗係對我各種討好送小禮物，只可惜怪我個陣年紀太細，冇揣測過佢嘅好壞。 阿媽同阿爸有各自嘅家庭，而撫養權係阿媽嘅，甘嗰個男人成為左我嘅繼父，細個個陣對我還好，自從同居之後變左另一個人甘款，攞我同佢個大學女比較，一堆難聽嘅說話，時不時發洩脾氣起我身上，博嘴就借啲意打我，攞走碗嘢食吾比我食飯。。。大男人主義野蠻人一個。ps我係一個好記仇嘅人細個個陣比公園玩伴扯走我條辮，仲要笑我，個種羞辱感覺好難忘記。 直到後尾我頂吾順同阿媽講繼父打我，佢先制止佢嘅行為，我勸過佢地離婚，阿媽時不時都會講下氣話。但繼父都係斷斷續續甘責打我，一句話重覆好多次，驚死人收吾到。佢成日出街都拆我台，驚死第個吾知你屋企狀況。。。有次仲搞到我失態，我喊左成程路…，成五十歲仲要屈我，後尾仲死悔氣同我講對吾住係我要求，憑咩老屈我吾講證據亂甘屈人。 所以我對繼父嘅仇恨恨之入骨恨不得刀佢，恨佢搶走左我嘅童年。我覺得繼父一直以黎對我吾好係因為我冇嗌過佢一聲爸爸又吾關心父親節又冇禮物，但佢真係吾配，只係法律上名義嘅父女，何況佢都冇當過我係佢個女仲話乜一分家產吾分俾我真心戇鳩。。要花三四年時間睇清一個人，吾知要花幾多時間走出呢段陰影。直至到今日20220407繼父話你食甘少嘢再吾食多啲抵抗吾到病毒你就係全香港不治確診案例最小歲。。。。ps.我全家中哂武肺。但所有禍端都係因佢而起，佢真係好黑心，令到我無言O曬嘴。我真係忍無可忍，我恨佢，亦都恨我自己。 每些夜晚當我回顧我年邁嘅爸爸死左點算，雖然佢吾係付出好多，但對我嚟講佢嘅付出係無需對比，呢份快樂時光係我最懷念嘅時光。 講到呢到就想喊，阿媽呢一路真係走來不易，辛苦陀大湊大我仲患上一身病而佢仲係一個冇媽嘅媽媽，我諗到呢𣊬間，我覺得呢刻冇咩資格責怪邊個。雖然我嘅經歷都吾算得啲咩，但抒發下我就冇甘壓抑。 Thx admin出鋪！打擾了 我宜家只可以藉呢個平台宣泄一下情緒 多謝大家睇哂成篇大家就當食粒糖聽個故仔 勿屌只能說家家有本難念的經 大家都要好好生活 純發洩文sor for1999

#NSS家庭 [St marks school] 急！！求求各位巴打絲打幫小妹諗吓有咩計仔可以令到鍾意我嗰friend嘅女仔死開。佢好想同我個friend表白， 代表唔到。 嗰女仔f3,，佢話自己樣靚身材正，係普通男仔鍾意嗰type，佢話佢暗戀咗我嗰friend好耐好耐，暗戀咗兩個禮拜咁啦，佢話我個friend完全係佢鍾意嗰type!!!然後上個禮拜，終於俾佢成功攞到我個friend嘅ig！佢一定係鍾意我個friend啦！ 自此以後，每逢我個friend一po story，佢都會reply，就算係repost memes，佢都會reply「哈哈哈哈哈哈哈哈哈哈哈哈」「好好笑哈哈哈哈哈哈哈哈」「嘩真係好搞笑哈哈哈哈哈哈哈哈哈哈哈哈」 頭幾次我個friend都有like佢msg嘅，諗住敷衍下佢咁啦。因為我個friend次次報po story，佢都第一時間reply我個friend,所以我就決定唔po 啦，以為佢唔會再煩我嗰friend啦，但係點知佢之後日日都喺度dm 我個friend「你點啊啊啊啊啊啊啊啊啊啊啊啊啊啊啊啊啊啊」「你唔好唔開心啦啦啦啦啦啦啦啦啦啦啦啦啦」「你做緊咩啊啊啊啊啊啊啊啊啊」開頭我個friend reply佢問號，之後就冇再覆佢。 我知！呢個女人一定係癲婆嚟，所以一直煩我嗰friend! 嗰啲恐怖片劇都係咁嘅，如果睬佢嘅話佢一定會有進一步嘅行動！我唔知佢會做得出啲乜嘢但一定唔方好嘅，因為佢真係痴線！ 所以呢，我叫我個friend block咗佢，咁佢就一定搵唔到我個friend啦！為咗我個friend嘅人身安全，我叫佢點都唔好unblock佢！ 但今日佢同我傾開，我就同佢講個acc仲喺度，而且日日都有post story喎，仲同佢講應該係佢個ig bug咗 所以想請問各位巴打絲打教我點樣可以令到呢個痴線婆唔好再煩我個friend，咁樣佢先搵唔到我個friend表白！我都係第一次遇到呢啲情況，唔知點處理，呢啲痴線婆係咪成日都有㗎？

#NSS家庭 [香港某一間中學] 話說小弟最近懷疑老竇出軌，所以想投稿問吓大家意思。 講返屋企嘅背景先。 我老竇一直都好錫屋企人，對阿媽又好，兩個人之間唔會鬧交。但我屋企有一樣特別啲嘅事就係我阿媽經常要出trip。 當然我都一直以為阿爸阿媽會好恩愛同長久。 直到有一日我睇到老竇部電話，佢同唔知邊個喺到互傳心心(老竇同阿媽平時都唔會)，仲喺度講埋啲情侶先會講嘅嘢。我諗老竇應該係出軌….. 我應該點做，要唔要同阿媽講？講咗又驚冇咗個老竇，唔講又好似冇良心。心中好掙扎 希望大家可以俾啲意見。感謝大家🥹

#NSS個人 [GUEST] Sorry for小妹系想分享一啲on9野，希望唔會浪費閣下寶貴嘅時間。 是咁的，由於一啲家庭嘅原因，加上公開試壓力，我由半年前開始就有「自殘」嘅習慣（之所以用引號系因為我覺得我算唔上、亦配唔上話自己自殘），包括用鉛芯筆or針拮手同數次界手（好淺好淺，大概1-2cm，1-2分鐘已經止到血），中間停過一段時間，但由於臨近DSE，所以又做返，只係今次系用圓規划手咁（啲痕有3cm左右啦，2個禮拜應該消到掛）。前幾日同左一個社工講過呢件事，但係事後唔知點解我又會覺得自己好seek attention feel，我呢啲好小兒科，根本不值一提，而且自問一路成長經歷唔算有太多波折，起碼家庭和睦先，除咗小學有類似排擠、比老師針既事、或者係某位補習老師對我做既一啲借故摸我既舉動（但我成日質疑我嘅記憶，覺得只係我諗得太嚴重，唔係真係咁樣，甚至覺得自己博同情），轉而有好重既負罪感，覺得自己唔配去呻乜嘢。其實我覺得我自己心態係真係好奇怪，一開頭只係想懲罰自己，覺得自己好L賤格先「自殘」，衣家系覺得傷害自己有滿足感，一方面想停止，另一方面想再整得嚴重啲。而且會覺得對唔住父母，佢地好愛我，甚至系以前我要做手術嘅時候打算捐血比我，而我就系一個廢人。 由於我成日覺得同fd呻好有罪惡感，而且唔係太想佢哋知我自殘既事，所以我選擇系呢個平台share同呻，多謝大家睇完，要diu我既可以隨便diu，我都知我好L on9😅 Sorry for 1999

#NSS家庭 [guest] 小妹今年f1，冇耐前原因屋企某d原因去左爺爺嫲嫲屋企住，短期內都未可以返到自己屋企住。講吓背景先，小妹媽咪本身唔係香港人，係十幾年前嫁俾我老竇之前已經攞咗香港身份證。 是咁的，我嫲嫲係有少少種族歧視，一直都唔太鍾意我媽咪，所以係呢排嫲嫲都經常性係背後針對我媽咪。（利申媽咪一路都好尊重佢，喺佢面前都會做好一個好家嫂嘅身份）例如有時趁我媽咪返工係我同細佬面前講佢壞話，又會周圍同啲親戚講埋怨有個咁嘅家嫂，甚至連收衫洗衫都唔預埋我媽咪個份。但係我覺得最過分嘅都唔係呢啲，而係有d事本身喺道德上係啱嘅，我嫲嫲都會講到媽咪乜都錯晒咁。 其實我有諗過要唔要同嫲嫲講返，可唔可以唔好再成日咁樣針對我媽咪，真係好唔鍾意，每日都聽到佢喺度埋怨，個心真係好唔舒服。但係畢竟佢係長輩，所以一路唔太敢開口。 呢件事冇同媽咪提起過，唔想佢聽到唔開心又要多樣嘢煩。想問問各位有冇咩方法可以處理到呢件事，每日都聽到嫲嫲埋怨媽咪嘅聲，真係開始對佢有少少反感。

#NSS其他 [Guest] 其實點解要屌班已改過嘅欺凌者呢？ 利申：不支持欺凌 最近睇nss 有好多關於欺凌嘅 post , 有啲欺凌者都已經改過，但 comments 都有唔少人叫佢哋去死同 pk 。 我知道被欺凌者嘅感受有幾難受，因為我都自己試過比一班人蝦。但係人誰無過，過而能改，善莫大焉。佢哋都已經改過，都係一種美德。而家欺凌者要受嘅就係嗰種不適感。 的確佢哋係唔值得幫，但係你屌佢，叫佢死，同言語欺凌有咩分別？ 換個角度諗，你係嗰個欺凌者，已經改過，但係比成班人係度屌係咩感受？ Sorry for 1999

#NSS個人 [GUEST] 俾同學笑冇屋企人 小弟今年year3，自細屋企窮。媽媽在的時候相當幸福。 小弟小學讀屋村學校，屋企其實比較窮，小學時期真係好幸福，爸爸天生脾氣暴燥，而且有發脾氣傾向。小學時有一兩個朋友，經常來我家玩，玩下遊戲王。爸爸經常唔係香港，佢話要搵食，但屋企一樣咁窮，所以屋企得我同媽媽。 我大概小學二年級發現，媽媽身體越黎越差，果時其他同學都係系到掛著玩，而我放學第一時間就翻屋企睇媽媽，珍惜和媽媽每一天的相處。直到小學四年級媽媽走左，我傷心，成個人都好自卑。咩都要自己獨自完成。 自從那次之後，全班都知我冇媽媽，係到笑我，中秋果日，有同學笑我中秋節係唔係自己係屋企食飯？係唔係冇錢食月餅？係唔係冇人陪你？ 小學成績一般，之後入左一間屋企附近的屋村學校。啱啱入學發覺自己與其他同學格格不入。其他同學鍾意改花名，係到扮動物，又笑其他同學住邊。最常聽到係有幾個同學住私樓，成日去邊到旅行尼d。 中一至中三都安全渡過，我屋企情況都係得我班主任知，班主任係60歲的阿sir，教英文，關照我三年了。（簡稱C sir） 直到中四我的人生黎了個坎坷。我爸爸打算返黎同我一齊住，我開心到果日放學即刻飯屋企，但發現多左一個女人。就咁屋企變左三個人，冇啦啦多個女人係人都未必即刻接受到。開始尼個女人對我幾好，但後來佢係爸爸係屋企，就對我好，爸爸唔係屋企就對我好差，又唔做家務，我掃地佢又將垃圾隨便扔攞地下，我生病又不帶我睇醫生，新年又冇新衫著。我同我爸爸講，爸爸話我詆毀她，又話我係鍾意搞事，從此我和爸爸關係越黎越差。爸爸仲覺得我好煩，覺得我係負累。 中四開學，我有一個新數學科男班主任（簡稱黑sir）。我成績除了數學，其他成績唔係好好，我數學經常拿全班第3。其他科有d差，英文經常唔合格。黑sir係尼間學校畢業翻黎教書，算得上係尼間學校親生仔。佢讚過我數學勁。佢第一次讚我，亦係最後一次。 我中一至中三係C班，中四升D班，而黑sir連續四年一直都係D班班主任，我係其他班轉入去。黑sir有自己親傳弟子，而我係外門弟子。我中三數學新入職miss教。我中三靠數學全班第一，數學滿分仲勁過黑sir教d學生。黑sir覺得好冇面，覺得教書差過新入職miss，所以懷恨在心，一直拿我黎出氣。 每次功課考試，我都發現我數學成績下降，開頭我以為我自己問題，但同隔離同學對比，發現同一條佢答錯高分過我。我先知佢針對我。之後有次家長會，我爸爸唔得閒，叫個屋企女人黎，個女人污蔑我屋企好唔乖，冤枉我食煙，飲酒🍻，話經常出去玩到好夜先翻屋企。黑sir信個女人講話，之後當眾話我不孝子。黑sir對我更加差，我同屋企人反面，爸爸搬去那個女人屋企住。尼件事係學校傳開曬。 同學仔開始笑我冇媽媽，爸爸跟其他女人走了，話我孤兒仔。經常唱一首歌笑我：世上只有媽媽好，沒媽孩子像根草。之後又笑我屋企窮，冇錢換電話，又冇錢去旅行，笑我午膳時間食飯盒。我d校服著好幾年，發育生得高，褲超短。之後俾同學仔笑我屋企冇錢買校服。話我係攞綜援。笑我過年冇人陪，笑我一個慶祝生日。 之後中五我有次考試黑sir病左，由其他老師改卷，我拿到數學全班第一，有個奧林匹克數學比賽參加，每班派一個代表。原本係我數學第一，代課老師寫我名上去，但黑sir想叫佢自己親傳弟子去，佢番check卷改我低分d。之後我同其他副校講，副校覺得我係壞學生，因為之前被個女人污衊，信黑sir。最令我失望的是C sir，我當佢係我另一個爸爸，因為佢教會我做人道理，但佢居然騙我，叫我放棄個名額。我對佢好失望，從此冇理過佢。 之後直到中六，我都係夜晚翻地盤散工，茶餐廳，早上返學。地盤環境惡劣，但令我最暖心的是，地盤的人，都對我好好，經常留一盒多肉飯盒俾我，提前預定人工俾我，可能因為我細個，得18歲。 中六有個新入職miss，教英文，講野又溫柔，而且好靚女。我幫過佢，佢認得我。佢係第一個了解我個人。佢知道我係地盤翻工，佢覺得我成熟，有責任，捱過苦，唔虛偽。佢仲將我個人資料，家庭狀況完全翻查，仲幫我係學校講好說話，每當有老師話我壞學生，佢居然幫我講：你話我教啲學生係垃圾，我教出黎學生唔係垃圾。老師你係第一個幫我既人😢。 miss令我好感動，佢都係每個星期有一日午膳陪我食飯盒，食M記，有時候午膳帶佢自己煮既飯俾我。佢英文超勁，佢幫我英文補習，又幫我補其他科。我記得我mock卷評分我係中英數通生物化學，425**222，尼個成績，英文更加系合格緊緊合格。我試過放棄，但俾個老師話我一句：（話我再講放棄說話，最好吞翻落肚，如果唔係以後唔理我。）之後我放棄翻工，問親戚借錢，係屋企狂溫書，個miss叫埋其他朋友幫我補習。其實我望佢眼神，佢應該知道我眼神流露出的心聲。其實我想表白，因為我怕我失敗，連累佢。等放榜期間，個個去旅行，只有我繼續返工。 放榜果日我best6 37分，連我自己都覺得自己發夢，我juaps想揀醫科，因為自己真係好窮，想搵份工。個黑sir叫我揀d水泡科算啦，話我好彩考得好，入到去都係畢唔到業。d同學笑我係到扮勁，但佢地讀asso，HD，有d英文攞1讀基礎文憑。我都係決定揀醫科算。開頭以為我入唔到，因為我interview好差，同學笑我一定入唔到，叫我報定asso/HD，又話我想食天鵝肉，又話我以為自己好勁，話窮人係唔係發緊白日夢，但最後都係入左。我搵miss影相但佢冇去，我話想請佢食飯，但佢話留番錢讀書。 自從考完dse之後我冇見過果位老師，聽講佢轉去其他學校教書。佢應該覺得尼d係老師做既責任，唔需要我回報。佢覺得對學生好係佢應該付的責任。但真係欠佢一句表白和多謝🙏。 回想起小四到中六尼9年，我由幸福變為悲慘，體驗過人生八苦，生、老、病、死、怨憎會，愛別離，求不得。 我睡過街上公園長椅，我吃過最難吃的晚飯。