—類投稿

不願透露, sorry🙇

#NSS學校 [不願透露, sorry🙇] 求admin post🙏🙏🙏 是咁的,我哋班個IS阿sir成日都拖堂,無論係小息定係放學都要遲落堂,搞到我哋冇咗個人時間不但止,仲要少咗小息同同學傾計或者搵老師嘅機會同埋放學溫書嘅時間。我唔知其他人點諗個阿sir,但係我真係唔鍾意佢咁拖堂,可唔可以唔好為咗講完一課書,而剝奪同學嘅自由,況且佢其實教書好慢,一課書可以講四五次,之後又要講嘢講得慢喎,所以堂不但止仲要進度好慢,我真係接受唔到咁樣落去囉,請問各位有冇辦法幫下我? 知道我係邊個嘅希望你哋唔好爆響口🙏

閱讀更多

[guest]

#NSS學業 [[guest]] admin please post ig thanksss 🙏 ~第一次投稿 有咩唔啱請多多包容~ 小弟今年13歲、今年讀中一中一。 我間小學都可以算係幾出名嘅band 1A。我間小學嘅英文水平真係好好、畀人稱為happy school。今年啱啱開始升上中學、講真我小學升嗰陣仲以為呢間中學嘅英文一定會好簡單 (因為嗰陣小學英文真係好勁)但點知一山還有一山高、而家基本上所有同學啲英文都好過小學。。我自己不嬲都唔鍾意睇英文書、好想進步但又無從入手、唔知咁多位有冇啲咩好嘅英文書推介 (最好唔好咁深+唔好咁大眾 ex. harry potter, percy jackson) 感謝感謝 🤠🙏😁

閱讀更多

Guest

#NSS個人 [Guest] 希望可以係IG度分享 Sorry for 1999 大家好,好想分享下自己故事,亦好想找人傾訴。。。 我細細個,已經天生右耳失聰,亦都唔知點解,天生白化(屋企人冇白化血統),連醫生都冇頭緒。 有屋企人係做老師既,令我對學業有更大既壓力。 之後6歲,確診血癌,更加令我人生更大改變。 當初幼稚園,暑假就確診,4個月之後好返,大約1年左右,我復發左,令我停學2年,其實我對血癌,認真覺得冇乜所謂,咪當一個挑戰,但其實。。。呢D先係開始 由細個,老豆就對我吾係咁好,覺得我既存在,令佢同阿媽關係變差,所以由細到大,都聽好多唔好聽既說話 直接小五(12歲),佢哋離婚,係學校又開始受到同學、老師欺凌,中間成個月,冇乜點返學,影響升中試成績,之後醫生推斷,呢個時候已經有抑鬱症,之後小六好努力咁追返D成績,考到入第一志願 升左中學,有找吾同成年人幫手,包括老師、社工,之後社工將我個case,再比臨床心理學家跟進,之後臨床心理學家,再比精神科醫生跟進 吾知係巧合/自己心理狀態吾得,中四開始覺得自己投放太多時間係club,成績開始吾得,念住改變下,點知就開始覺得壓力大,返吾到學,大約半個月,之後打算再調整返,就比個訓導欺凌 個訓導,自己收埋人本作業,要我借同學果本,係一個吾合理既期限做返功課比佢,再收埋,話我冇交,仲整吾見同學果本,之後同全班、其他老師講係我收埋,之後被人發現左,就話我搞佢,仲見我家長,講到自己幾偉大,我就恩將仇報,吵到上副校,副校就有少少偏幫佢,包括建議我上佢堂,但當時精神科醫生已經吾建議,但副校仲由得個訓導亂來,就搞到我開始自殺,之後精神科醫生就比紙我停課(當時2019/10),仲要覆診覆得好密,我就要求見校長,等佢處理,但佢過左成個月先肯見我 之後佢先一步步慢慢處理,令到我對學校失去信心,之後都只係間中返學,再之後就爆左呢個疫情,對我嚟講,呢個疫情係利大於弊既,但而家,仲有吾夠5日,就考通識,feel到個心態、情緒,勁吾得,應該點??? 雖然話台灣收左我,可以過去讀,但屋企人係老師,亦吾比我考得差,我亦都好(迷惘?),好似所有野要由頭來過,令我對去台灣都心大心細 其實而家希望可以入演藝圈,1)對拍劇有興趣,2)想用自身經歷幫助人,同人講,佢並吾係孤單 好想找下人傾訴。。。。

閱讀更多

GUEST

#NSS學業 [GUEST] 下禮拜一要交選科表,我X1揀咗旅款,X2諗緊揀中史定世史好,想問吓邊科讀起黎會吃力啲?

閱讀更多

Guest

#NSS愛情 [Guest] 近排上網識咗個男仔幾靚仔,但係我一直放低之前嗰個女仔(btw 我係bi) 但係知道個女仔淨係鍾意男仔,令我有啲想變到男仔嘅衝動,我都唔清楚自己係想點,但係個男仔又好似幾好雖然佢一嚟就想約我出街大家覺得應該點?個女仔我都過咗好耐我都放唔低佢,點算?

閱讀更多

Guest

#NSS個人 [Guest ] 小弟今年15歲, 181cm,由上年六月到而家,一cm都冇高過,網上睇話其實人喺十五六歲已經開始停止長高,想問各位去到15歲之後仲有冇高度。我並唔係想曬命,我有打開籃球,以普通人身高來講181已經足夠,但係打籃球來講我仲想高少少,aim for 188,但係而家好驚冇得再高。

閱讀更多

2021dser

#NSS學業 [2021dser] 離考唔夠一個禮拜 仲係活喺自己世界 冇諗過考得好與壞 望落三年時間嘥曬 中五停課搞到心情低落咗好耐,直至中六開學考完mock情緒都唔係好穩定,不過諗下考完試就唔駛再見到學校班閪人都有啲豁然開朗。 最後衝刺大家加油嗰類嘢本人就我唔多講啦 個人覺得成個social media俾DSE堆野洗版真係會俾到壓力自己,有時乾脆眼不見為淨。 唔好後悔,你冇必要後悔。 考好咗,未來嘅路可能會順暢 考衰咗,又唔係到你生命盡頭 儘力而為就好,唔好攰親自己 po ig plz

閱讀更多

Guest

#NSS學業 [Guest] 求po 好快選科但係唔知應該點 本人今年中三,自己係想去護理嗰邊發展,所以諗住讀Chem,但係諗緊讀唔讀bio(唔讀bio都收),自己對Bio冇信心,而家都算合格高少少,但係用咗幾多時間去溫,到時DSE咁多咪溫到死。所以諗住Chem econ geog,或者Chem bio+geog/econ。而家學校又限制選科組合,例如讀phy就唔可以讀econ,讀bio就唔可以揀中史等等,求各位有經驗嘅人分享吓,咁樣嘅組合好唔好,定係點樣先好啲,本人對中史,歷史冇興趣,唔知可以點。加上自己成績又唔係好好,都驚自己入唔到。一言難盡 🥲

閱讀更多

GUEST

#NSS個人 [GUEST] admin po ig please thx 唔知點解 近排本來嗰朋友圈感覺越嚟越遠 以前熟開啲frd 而家係學校連hello都講唔上一句 啲種情況已經大概兩三個禮拜 唔否認係因為自己問題 或者係我被人冷落都唔定 真係唔知咩事。 講真 其實自己一個人唔係咩問題 而係我覺得 突然frd開嘅人 無啦啦就行得勁遠 嗰種距離感令到我覺得好無力 啲個先係問題所在 唔知自己可以做咩先可以維繫關係 但係我自己都清楚 我自己單方面付出

閱讀更多

GUEST

#NSS個人 [GUEST] 話說大家點睇用中文讀數同選修科?🤔 我中三嗰陣因為唔鐘意讀書,所以考得唔好,高中入咗中文班嘅數同選修。但係後尾發現好似好多人都覺得用中文讀嘅人好怪(?)覺得用中文讀嘅人係異類咁 利申返先,我英文其實幾好,選修科(化學同物理)都有全級頭三(我哋學校有中英文班,兩班個ranking計埋一齊),反而中文炒到飛起

閱讀更多