—類投稿

[GUEST]

#NSS個人 [[GUEST]] 煩請admin post IG🙇🏻‍♀️🙇🏻‍♀️唔該晒🙇🏻‍♀️🙇🏻‍♀️ 大家好,小妹今年中四,讀英中。以下內容帶有負面能量,如果唔想接觸負面能量嘅人都係唔好睇落去。 屋企人一直有情緒病,只要無食藥或者藥效過咗就好容易暴躁,所以我每一日都要小心翼翼咁度過,因為一唔小心就會出事。如果嚴重嘅話更加會諗唔開。每次被冤枉嘅時候我都好容易諗埋一邊,想離開呢個世界,亦都會質疑自己對呢個世界嘅貢獻、用處,覺得自己無存在係呢個世界嘅意義。有時同屋企人講返,得到嘅答案就係一味嘅質疑,問係咪我嘅問題,甚至話我唔夠敏感,察覺唔到形勢唔對路,大佬啊,一瞓醒就鬧,我嗰時仲要沖緊涼啊,點察覺啊?心靈感應咩…… 之前F2嘅時候因為多嘢講,上堂主動俾人感覺喺度晒命。俾人排擠咗兩年幾,雖然話係多得佢哋我先可以改到我啲壞習慣,但係嗰段記憶、時光對我嚟講始終都係唔美好嘅…… 再加上之前反送中,中三揀科,肺炎停課跟唔上進度,依家中四又要衝SLP、SBA、準備DSE同小提琴8級試,近排真係分唔清究竟我係因為屋企嘅嘢大壓力定係因為學校嘅嘢…… 可能因為由細到大都係咁過,一直冇乜留意呢啲嘢對我自己造成嘅影響,因為一直都係噏喺個心到,唔敢同屋企人講有諗過自殺,驚佢哋擔心,屋企已經有一個要搞,我真係唔想再麻煩佢哋,近排因為發生咗啲事,開始意識到自己問題有啲嚴重,自殺諗法越嚟越頻密,都好容易因為少少嘢就有自殺諗法,要透過同朋友講先可以抒發,要朋友去煞停我,呢幾日如果唔係我個朋友我依家應該已經入咗院,或者入咗棺(或者都可能好似以前咁成功說服自己都有可能嘅……) 你哋可能會覺得我唔知足,咁容易就諗自殺,我都知,但係我真係控制唔到我自己唔去諗,每次呢種諗法都會喺我個腦到飆出嚟…… 想問下,究竟應唔應該搵幫手或者同人講……上個禮拜有暗示過屋企人我有自殺傾向,但係佢好似唔係好聽得明我講嘅嘢……喺學校都有見開社工,但係都唔係好大幫助,因為我對於面談唔係好放得開,唔係好夠膽講晒所有嘢……(可能我有問題啦……) 依家暫時得我個朋友知道我有自殺傾向,但係我都唔係好夠膽成日搵佢,始終人哋有自己嘅生活,但係我又冇其他人俾我講呢啲嘢,唔通要好似以前咁同公仔講…… 唔好意思,講嘢有啲1999 唔該晒大家🙏🏻🙏🏻 都唔該晒admin🙏🏻🙏🏻辛苦晒🙇🏻‍♀️🙇🏻‍♀️

閱讀更多

GUEST

#NSS學校 [GUEST ] 依個世界公平咩???🤔 話說我今日唔記得熄電話(校規話一定要熄) ,但係有慣性地開飛航模式。第三個小息喺度hea,突然有人指住我隔離嗰個大叫用電話,結果prefect 無啦啦就行埋嚟,話收我電話,跟住我話我根本冇用電話,關我乜事,佢地就堅持收我電話,我記起我好似未熄機,當我以為好彩我有開飛航模式,點知佢哋話冇熄機就要收.. 🤔結果discipline 見😊 我想講幾樣野,第一就係依個世界點解咁唔公平,有權力就大曬呢?prefect 自己用手機就冇事嘅,冇用過手機但冇熄機嘅就見discipline 😊我亦都好肯定,見過好多人喺度用電話,又用嚟影相 第二,我知道我冇熄機係我唔啱嘅,但係問題係我用都冇用過,反而我隔離嗰啲用緊ipad 用緊電話就乜事都冇,依個係咩邏輯呢?? 第三,亦都係主要想講嘅嘢,我想講依個世界係好多pk,當中啲花生友係最差嘅,一見到prefect 嚟交涉就圍曬埋嚟加鹽加醋,又話抵死,同埋其他一啲好差嘅說話,依啲人我相信佢哋好快會有報應架啦,😊唔該,當你最無助嘅時候比人加鹽加醋,比人講一啲好差嘅說話,你自己咩 feeling 🙏 依件事我同prefect 都冇話一定邊個啱定錯,但係一定錯嘅係個學校制度同班花生友。 Sorry for 1999, thanks admin

閱讀更多

guest

#NSS其他 [guest] admin po ig pls 想問下有冇香港酒店可以18歲以下冇大人陪同check in, thxx

閱讀更多

Guest

#NSS社會 [Guest] 有冇方法可以幫下我個藍絲阿哥同細佬? 我個阿哥同細佬以前就冇乜嘢嘅,直到2019年,佢哋成個人變咗,日日去話班義士係暴徒、曱甴之類,喺度侮辱我哋嘅手足。重要日日睇抖音(雖然佢睇果啲片係美國人拍)玩PUBG(同啲外國人一齊玩)見到有義士坐監就話佢哋抵死,仲有話周庭喺度扮嘢,扮俾人扣咗手扣。最近仲變本加厲,睇陳穎欣同Y2K,話可以嘅話要打國藥疫苗。 我已經就快頂唔順佢哋,可以點算?全家只有我呀爸同我係黃,阿媽係綠

閱讀更多

GUEST

#NSS學業 [GUEST] 小妹f3就揀科,想揀中國文學 想問下呢科有咩升學同埋就業出路? 仲有f4會教邊幾篇作品?想喺升f4前對啲文章有個粗略了解先…… 希望有經驗嘅人可以分享下經歷🙏🙏🙏

閱讀更多

GUEST

#NSS愛情 [GUEST] 唔知算唔算長,學吓人長文慎入~ 麻煩admin po ig ^ω^ 鐘意一個唔識你嘅人係咩感覺 小妺今年14,三年前參加過一個過夜一星期嘅活動,識咗個大我一年嘅男仔。 其實我對佢嘅印象好模糊,只係記得好似好受歡迎,我哋同組嘅女仔都幾鍾意佢,同埋佢好似係運動好叻,cool cool哋嗰種。其實對佢印象最深係佢帶頭教當年仲算單純嘅我咩係打飛機,跟住個個都笑到傻咗,我笑笑吓就見到佢望住我笑,嗰陣心跳幾快我而家都仲記得。 之後完咗個course就互fol ig,跟住好似傾過兩三偈,然後就冇咗。我哋傾過學校朋友興趣家庭,雙方都係成日online,唔冼幾分鐘就覆,所以嗰陣我哋成日傾偈,去到半夜都傾。加上我讀女校,完全冇異性朋友,唯一算係同我傾過偈嘅得佢,所以佢對我嚟講真係好特別,好難忘記佢。 最後一次dm嘅係我定佢我都唔記得,因為直到依家我都唔敢睇返我哋啲dm。我喺呢三年期間其實有試過睇返我哋啲對話,好似係我哋冇講嘢嘅一年幾後。嗰次唔知點解睇到喊,好掛住有人隨時online可以陪我傾偈嘅感覺。喊完又覺得自己好弱智,人哋都唔識你做咩要為咗佢喊。 我三年嚟發過好多次有佢嘅夢,唔係春夢,純粹係夢入面嘅一個角色(?),但係第二朝起身就會諗起佢,唔會話好心痛好想喊嗰啲,純粹係掛住夢入面嘅佢。 雖然一早就知冇可能,我都知現佢真係受歡迎嗰種人,跟住我而家睇返佢ig啲相,發現好似真係幾靚仔…而且我知佢仲有好多方面都條件好好,我醜到爆連ff吓嘅機會都冇。 所以喺度都唔期望留言會有咩解決方法,只係想同一樣處境嘅各位講句珍惜眼前人,厚面皮少少都唔緊要,真心鐘意嘅話就要繼續揾話題。冇得喺埋一齊至少做到朋友,做唔到朋友都至少唔會有遺憾。雖然我自己都唔夠勇氣,冇資格咁講,但係唔好再拖啦,拖多咗陣一年就咁過咗,所以快啲揾返佢啦~加油(´v`)

閱讀更多

Guest

#NSS家庭 [Guest] 我嘅生活喺呢兩年唔同晒 如果可以嘅話,我都好想返去以前 嗰陣時嘅我好天真好勤力 老實說,我都好辛苦 屋企冇人支持我,踩低我 就算唔開心 我又可以同邊個講 我真係好憎佢 我好恨佢 憑乜嘢佢可以改變咗我所有 我好討厭好多野 但係我知我要接受…… Sor for 1999純發洩唔好屌啦😢

閱讀更多

guest

#NSS個人 [guest] 我牙骹卡卡聲,食嘢都好難 小妹中四,年紀仲未至於係會有關節問題嘅 由2020年開始,剛剛好就係開始戴口罩嗰時,張開口就聽到牙骹卡卡聲。但係嗰陣仲係冇乜問題,只係間唔中會卡一兩下,嗰陣覺得應該好快就冇嘢。 過左半年後,開始嚴重左。差唔多日日都卡卡聲,仲要有時超大聲,我感覺到好似脱左骹,需要好大力張口先可以。我嗰陣開始覺得自己出事,嚴重到打呵欠都好難打,同父母講左,但係佢地唔知應該喺睇邊科。而且佢地又覺得我仲可以講嘢,應該冇問題所以一直未去睇。 去到前幾日,認真出左事……我開始張開口嘅時候好痛,冇卡卡聲,但係本身出聲嗰個骹位好似比膠水黐住左,好大力都張口唔到,個骹位超痛,食嘢咀嚼都好難。 我上網睇過,應該係骨移位或者肌肉發炎,主要係因為瞓覺磨牙同食香口膠,但係我依兩樣都冇。 小妹應該睇邊科,或者係唔係得我一個十幾歲嘅有依個問題? 網上寫中年人較多有牙骹痛,所以小妹而家係中年人?XD Sorry for 1999

閱讀更多

Guest

#NSS學業 [Guest] 今年中四,想問下如果自己係修Phy and Econ,但到時dse可唔可以自己報多Chen and Bio?係唔係一定要跟學校交sba?求解答plz,而家我好迷惘⋯⋯

閱讀更多

Guest

#NSS學業 [Guest] 今年中四,想問下如果自己係修Phy and Econ,但到時dse可唔可以自己報多Chen and Bio?係唔係一定要跟學校交sba?求解答plz,而家我好迷惘⋯⋯

閱讀更多