—類投稿

Guest

#NSS個人 [Guest] 大家好,小妹今年中一,大概自從2011年開始,我嘅精神有啲問題,諗嘢冇以前咁樂觀,成日發脾氣,又好驚人,變得內向。 最奇怪嘅係,有時因為好少事我都會好嬲,嬲到掟爛曬啲嘢,大叫大喊同埋撼頭埋牆,雖然撼到好痛,但係都控制唔到。明知好小事,都嬲到痴咗線。 我仲有啲心理變態,會攞指甲鉗剪啲皮膚,又夾硬拔曬啲腳毛,自己都控制唔到。 最後就係我好討厭聲音,例如人哋嘅鼻鼾聲,聽到我會大喊同埋打枕頭,直情係喊到隔離房都聽到。 我係咪痴咗線?

閱讀更多

GUEST

#NSS其他 [GUEST] ig見唔到其他po有幾多like,有冇人知點fix

閱讀更多

GUEST

#NSS個人 [GUEST] haloo~admin唔該可摸耳po上後備ac?因為唔想俾同學睇到 辛苦admin~ (少長慎入 今年升中但係阿爸唔俾我揀band1 小妹今年p6,成績中上,band1c,我阿爸唔俾我揀一間我嗰區嘅band1b傳統名校(叫住S中學先),因為佢覺得好遠(黎到「遠」嘅意思係指需要搭車先去到)佢就話揀一間唔使搭車都去到嘅學校最好,佢嘅原因係因為驚我打風落雨會唔識搭車返黎,但係我始終都係會大個,唔俾我自己試下搭車返學咁到時出到社會俾人笑?咁佢自己心儀嘅嗰間學校我就叫佢P中學先,P中學係band2尾band3頭,之前都有啲黎間學校嘅學生欺凌人哋嘅片流咗上網,校風麻麻,但係好近我屋企同埋係我小學嘅聯繫中學,因為banding同埋校風所以我就真係唔希望入黎間中學。 老師之前喺家長會有推展過我去揀其他區嘅band1c一樣都係傳統名校嘅中學,但係我阿爸話嗰間學校仲偏僻過S中學(而我自己覺得揀嗰間不如揀S中學好過)所以就冇考慮到啦。老師之前都有喺電話到講過面試階段可以將S中學擺第一志願,第二志願漏空,我阿爸當時就妥協咗。可惜嘅係,我S中學嘅面試冇pass到,嗰陣我都開始諗係咪自己實力問題,自己好似浪費咗老師幫我爭取嘅機會,覺得好對唔住啲老師。 咁依家唯有玩統一派位啦,一樣都係按老師嘅策略,將S中學擺甲部同乙部第一格,再將P中學擺喺乙部第二格,我知黎個組合好奇怪,因為兩間中學banding相差太遠,但係為咗滿足我同我阿爸嘅意願,就唯有咁樣啦。(我自己理想中嘅編排絕對唔係咁)我今個星期六就有家長會,希望到時班主任可以說服我阿爸改番啲次序啦。 我好多次同朋友講過自己真係真係唔想入P中學,而佢哋都覺得我入到去真係曬咗。我有嘗試同我阿爸講過黎件事,但係每次都會俾佢鬧到狗血淋頭咁,佢仲當我係細佬仔,話我依家反叛期,人哋話東我就去西,話我仆街冚家剷,真係每次聽完都覺得好唔舒服,佢講啲說話真係好難聽。我身邊啲朋友老師好好,佢哋清楚我嘅情況,成日安慰我,但係我自己冇幾耐又會諗番起我阿爸講嗰啲嘢,又開始唔開心。 最後,其實我都係想問吓大家可以點做好,點樣先可以說服到我阿爸?多謝你好耐心咁樣睇完,要diu嘅話輕手啲。sor for 1999

閱讀更多

GUEST

#NSS學校 [GUEST] 第一次投稿 如果寫到1999希望各位唔好介意🙏🏻 事緣係我一個朋友,大家都識咗幾年,初頭一直都好friend,但係到咗今年佢成個人都變晒🤦🏻‍♂️,搞到我哋班frd對佢做啲野好失望! 第一,之前係大家成日都會一齊出嚟玩,有事冇事都會傾吓計,甚至乎有咩事大家都可以拎出黎一齊解決⭕️但係今年開始佢已經好少同我哋一齊玩,甚至乎好少搵我哋(借錢除外❕)佢日日都走咗去同班女玩,到人地唔理佢嘅時候,佢就勁快去搵第二班女😂無限循環🤦🏻‍♂️ 第二,好老實講其實根本佢就係去咗做人哋隻兵,同班女仔一齊出去玩嘅時候,俾錢又係佢拎嘢都係佢😢搞到自己都冇錢食飯🙄之後就跑過嚟問我哋借錢,咁借錢我冇乜所謂 但係你要還囉,甚至乎你話你而家真係冇錢你想遲啲話冇所謂,但係你又唔係喎😬明明見到你銀包有$800,叫你還你就話啲錢要留返嚟請人地食放題🤨可以厚面皮到咁,其實都唔知可以再同佢講咩。 但係好老實講話晒大家識咗幾年,而佢之前又唔係咁,唔想幾年嘅友誼就咁冇咗,初頭有勸過佢但係佢聽唔入耳仲要鬧翻我哋轉頭🤬我已經諗唔到點樣可以再點勸佢

閱讀更多

CCSC

#NSS個人 [CCSC] 小弟第一次投稿,請大家屌得細力D (放負、咨詢、長文慎入) 基本資料: 今年中1,人緣偏好,老豆老母日日閙交,老豆每半年離家出走3日(我都唔知點解咁有規律) {正文開始} 小弟宜家仲考緊試,但呢排老豆老母又閙交,日日吵到我功課做唔到、書都溫唔到(T_T) 琴日我老豆又離家出走,佢一走,阿媽就發哂脾氣,係一個鐘入面問咗我差唔多10幾次做完功課未 (其實我第一次就答咗佢話做哂) 大姨媽又會成日攞佢個仔 (大表弟,讀緊小5) 黎同我比。大佬啊,邊有得比啊,我D野深過佢嗰D咁多,我成績仲要係全級頭10,佢先得尾10咋🙄 其實仲有好多其他野,但我費事篇文太長,就唔打出黎啦。但種種嘅事都搞到我呢排我壓力好大,開始會無啦啦唸咩自X方式先係最好嘅。有一次剪紙嘅時候唔小心剪到手指,竟然會覺得好爽,我真係好驚,好驚自己有一日真係會去自X。 我希望大家可以比到D意見我,但我真係唔想係評論區到見到”閱” ”想像力XX分” “抖M” “唸太多” 等等嘅字眼。 希望admin可以盡快將呢篇野post上ig,我真係需要大家舒緩壓力嘅方法 (我已經連續喊到訓唔着5日啦😔)小弟真心好多謝大家睇到最後(ฅ´ω`ฅ)

閱讀更多

Guest

#NSS個人 [Guest] Admin post IG pls~ 最近多左好多人移民,本身以為讀區內學校嘅同學都係同自己一樣住公/居屋 唔會話好有錢但亦都唔係窮 。以為宜家讀中學個陣 「移民」呢件事應該唔會同自己有任何關係,但係最近有個幾熟嘅frd要去英國讀書…. 唔講都唔知佢父母係加拿大有間屋 而且準備暑假個陣走,係英國讀完書再翻加拿大。第一下個反應係鄧佢開心 因為咁快就可以脫離到香港啲19制度。但係過左1、2日之後 突然覺得有啲空虛,同佢明明靜係識左半年,但都有呢種感覺。 有一刻諗過如果嗰個人唔係佢係幾好,近排就嚟UT但溫書嗰陣成日諗起佢,集中唔到。 可以點樣面對呢種事情🥲🙏🏼 Sor for 1999

閱讀更多

GUEST

#NSS學業 [GUEST] 小妹我以前嘅英文成績都唔錯,但自從上左中學之後,英文成績就差左,但唔多,只係呢科嘅成績冇其他科表現咁好。 但上年因為停課hea左好多,再加上本身英文就唔係好好,所以上年嘅英文成績差左勁多,可謂係直線下降,收到份卷果下呆咗,我預左會炒,但冇諗到得廿幾分,打擊頗大,至此,我漸漸討厭英文呢一科。 今年先最死,已經討厭英文去到一個地步,見到英文短句還好,但閱讀英文文章會好唔耐煩,好想撕左張紙,近期已經惡化到做英文功課會做到喊,但偏偏造化弄人,我入左間英文中學,除左中文同中史,全部科都用英文教學,真係好崩潰,再咁落去,我覺得自己啲成績真係會出事,輕則留班,重則踢出校,我可以點算? Sorry for 1999

閱讀更多

Guest

#NSS愛情 [Guest] admin po ig please thanks (初次投稿請多指教) 小弟就快14,拍咗拖冇幾耐(4個幾5個月),女朋友(下稱A)條件幾好,都幾多男仔追佢(因為某啲原因唔可以公開,所以冇乜人知我同佢拍拖),同佢一直相處都幾唔錯。 – 呢個時候A突然話我知B(另一個女仔)都中意我。B條件其實都好好而且又係好多人追,我同B識咗都3-4年,幾friend下,成日傾心事,對佢有些少好感,但唔想因為佢放棄咗我而家同A段情。同B講咗我同佢嘅關係(佢應承唔講出去,我覺得佢信得過)之後,因為其實A同B本身好frd,所以B話咗比A知佢都中意我。 – 知道呢件事之後,我發覺B喺當時(上段5-6行)嘅訊息已經暗示咗佢都中意我,但當時我唔太get(始終只係第一次拍拖,唔係好識愛情事)之後就好後悔,好似令佢絕望咁(雖然我都唔肯定佢係咪真係中意我,因為 – 冇幾耐,我喺whatsapp搵B道歉,但佢唔認佢中意我。然之後我哋又好似個正常朋友咁繼續傾偈傾落去。問題係,我唔係太識面對呢個問題。如果佢真係中意我,我可以點做?如果佢同我表白,我可以點應對?(我唔忍心咁絕直接拒絕)我明白呢件嘢對大家只係一件小事,但係我本身就係一個唔識拒絕嘅人,加上我從來唔expect呢啲嘢發生,第一次面對呢個面題,感覺壓力好大…希望大家可以俾啲意見我點做 thx!

閱讀更多

Guest

#NSS社會 [Guest] 其實香港有幾多老師係真係有教學熱誠,真心想教書?見好多post提及嘅老師真係幾衰下。

閱讀更多