—類投稿

Guest

#NSS學業 [Guest] 有冇人同佢一樣成績好差? 我成積差到老師懷疑我智力問題… 我成績嚴重偏科,英文80-90/100 數,中 <20/100 而家個下學期都就嚟完,淨番最後嘅大考試,依家先發力得唔得?希望唔曬留班

閱讀更多

CSS

#NSS家庭 [CSS] 純碎傾訴下 女,13,band1a。父母都係中學老師,對我格外嚴格,每晚都會叫我反思自己 ,有spare time就要溫書冇得睇手機,最多睇半個鐘。佢地放工返黎就係度嘈嘈嘈,鬧我嗰樣唔得邊樣又唔得。我真係好想自己靜落黎。佢地真係好嘈我好憎佢地,中學啦一啲自由都冇。溫書佢地都睇實我,好唔自在,我明明係可以自覺搞掂,點解偏偏要睇實我?係學校,唔知點解上學期啲朋友都疏遠曬我,有啲甚至針對我,好無趣既校園生活。一係返屋溫書一係返學比人針對。生活都冇色彩。 多謝你地睇我廢話🙏🏻 sor for 1999

閱讀更多

Redstone P.S. (加拿大學校)

#NSS家庭 [Redstone P.S. (加拿大學校)] Hi 小妹今年中二,我同爸爸媽媽個處境好尷尬,唔知點算。 事情係咁嘅,大約係我小學二年級嘅時候我嘅爸爸媽媽就已經離咗婚(撫養權係我媽媽度),細個嗰時唔係好知道感情呢家野,只係知道爸爸媽媽成日鬧交,去到大概三年級時,我媽媽成日要出去工作,爸爸唔係一齊住,基本上都係公公婆婆照顧我,但係其實我同爸爸媽媽公公婆婆嘅關係都好好,不過有時候爸爸媽媽都會同我講雙方嘅壞話,一直去到四到五年級就開始喺學校學壞,一返到屋企就打機睇電視食零食,功課基本上唔會做,拖得就拖,成績勁差,甚至會喺學校頂撞老師,有時老師會打電話比媽媽,返到屋企基本上會俾媽媽打,但係佢打完我都會同我講道理或者勸我唔好再咁做,之後就會和好如初,關係都一直好好,去到六年級嘅時候開始知道要乖,所以開始認真讀書,可惜醒悟得太遲考上左Band 3學校,我爸爸知道左之後就想我過去外國讀書,因為始終環境好過喺香港,再加上爺爺、嫲嫲同姑姐好耐以前就已經移咗民所以我喺外國讀書係冇問題,其實佢喺我細細個嘅時候已經想帶我去外國讀書,不過我媽媽覺得我要大個啲先去會好啲,咁之後我同媽媽都同意左小學畢業之後去外國讀書,我媽媽仲同爸爸簽咗一份類似合約嘅嘢,大概內容係一年要返一次香港,同埋爸爸一定要陪我去外國讀書去到我成年(媽媽因為手頭上嘅工作再加上如果佢都去外國,個處境會變咗好尷尬,因為我住嘅地方同埋學校係喺我爺爺嫲嫲姑姐嗰度(爸爸個方),所以變得好尷尬) 之後畢業,然後係爸爸嘅陪伴下去外國讀書,大概過咗三個月,我爸爸突然話因為公司嗰啲嘢所以要返翻香港,佢唔想比我媽媽知道就想叫我講大話,可惜最後我都講咗比媽媽聽,然後佢哋又開始鬧交,之後佢哋就開始講互相嘅壞話,好似想我選擇其中一方咁,我覺得好煩,因為我知道兩方都好錫我(唔知係咪因為想爭我嘅撫養權所以先對我咁好),我媽媽想要我個撫養權係因為佢覺得我跟得爸爸多會變壞,而我爸爸想要我個撫養權就係為咗激嬲我媽媽,所以其實我唔知點算好,我而家係外國冇乜朋友,同爺爺嫲嫲姑姐嘅關係又唔係幾好,所以好孤獨,呢排仲記起細個嗰陣我同爸爸媽媽一齊瞓覺、玩、讀書,所有親子活動… 我勁唔開心,因為我覺得我成為咗佢哋物品爭嚟爭去,我又冇朋友可以傾訴,唯有喺度講😢

閱讀更多

guest

#NSS愛情 [guest] 小妺今年中二,話說近排鐘意咗個男仔(同班),我同佢真係一D都唔熟,平時除咗收功課,好少講野。(我係科長) 講返個男仔,佢唔算好靚仔,高過我,成積唔好,超有禮貌,今年係留级生。 有人話可以從佢D朋友了解佢,但係佢D friend 係果種好煩嘅人,即係你見到就想打,我完全唔想接近佢哋。 我唔知應該點做,有無人有計可以救下我? sorry for 1999

閱讀更多

Band 1女校

#NSS學校 [Band 1女校] 上咗中學後我發現我越嚟越唔配做一個學生,一個人 升上中學辛苦,我明嘅。 但可能我唔配做band 1學生 – 升到上中學 老師成日玩針對,而我就係其中一個比佢針對對象 明知我唔見咗嘢,仲要不斷地提 可能你覺得「吓?咁少事」 咁好,當你每日被佢咁話 仲要全班面前話 你感受係點? – 純粹發洩 Sor for 1999 🥲

閱讀更多

XXXX

#NSS社會 [XXXX] 有冇人/學校將国家安全日嘅書簽送咗俾垃圾桶?

閱讀更多

Guest

#NSS學業 [Guest] 希望admin可以post IG 🥺🥺 咁多位好啊🤣 小妹我中文相比起同期差,英文相對係有底但係唔識做dse type 卷 想問吓邊度補習中文同英文較為好? (Etc 會教你12篇文(中)、綜合、寫作、OraL) 本人淨係識apex同eac😮 希望各位可以踴躍留言🙏🏻🙏🏻🥰

閱讀更多

XxxHk

#NSS學校 [XxxHk] 【Y】先生,枉為人,鬼厭神憎 【L】女士,無仁義,虛情假意 「嚴」,重智力失衡,不傳道不授業不解惑 「劉」,晨曉山雞變鳳凰,出於淤泥而污染 「莘莘學子」,不需避「瑋」,需要「陳」「澄」 「春」日「欣欣」向榮,需牧「彤」趕羊;需浩「然」之氣 「銘」記初心,不退縮,抗Y如抗日;抗L如抗疫 「XXXHK」學生,光明在手,復我河山,慈愛善良,幼老皆能戰 「小弟」 拙筆 請不吝賜教,不吝賜救 【請po IG】pls 感謝小輯,急件,六十里加急

閱讀更多

XXXX

#NSS社會 [XXXX] 有冇人/學校將国家安全日嘅書簽送咗俾垃圾桶?

閱讀更多

GUEST

#NSS學業 [GUEST] 2021dser想求句加油🥲 壓力好大,今日已經19號,我都仲未有動力溫書,專心唔到,又完全冇方向,背完啲嘢又唔記得,一份卷做第二次又錯返一樣嘅嘢,做完好似冇做咁,交啲extra文比老師,作嚟作去都係同一個分,完全feel唔到自己進步緊,好似冇乜意義咁,dse就到,唔做又有罪惡感,做完又唔知自己進步咗啲乜,真係唔知點算好,好驚到時放榜出到嚟考衰咗🥲各位dse過來人有冇建議可以比到我?感激不盡!! 最後祝各位2021dser考到好成績,調校返個生理時鐘,養好精神,見字飲水,身體健康,前程似錦٩(˃̶͈̀௰˂̶͈́)و

閱讀更多