—類投稿

guest

#NSS個人 [guest] 我懷疑我有社交焦慮症。 我由六年班開始,已經覺得成日好擔心,自己又唔係靚,天生肥肥地,成績唔算好,我最珍惜嘅就係我班friend,但係如果佢哋只係扮同我friend點算,可能佢哋根本冇鍾意過我,我其實根本襯唔起佢地⋯唔係只係普通擔心咁簡單,係每一次見到佢哋我都會嘗試展示我最好嘅一面,我驚如果唔咁做嘅話,佢哋可能會排擠我。 慢慢,我嘗試去改變自己,嘗試減肥,轉形象,「假朋友」嘅念頭都漸漸消失。 但係 升咗中學之後,我成日好驚俾人一個唔好嘅第一印象,因為我同班friend都分開晒唔同班,好驚如果我識唔到朋友嘅話,咁我就會中學六年都冇朋友(兩個friend遲啲都會去外國讀書)。慢慢長大,我都越嚟越醜。我唔介意自己醜又點,其實成個世界都係用美醜去評價一個人㗎啦。如果我啲friend都係咁點算。 我成日自己同自己係個腦裏面嗌交,加上學業壓力,有時真係會一個人坐喺間房一個鐘,喺度諗嘢,瞓覺前,有時諗到喊添,你問我我真係唔知點解,我好驚未來,我覺得每一個我做嘅決定都會影響到我未來成唔成功,班friend係我最寶貴,最珍惜嘅嘢,我唔可以冇咗佢哋,但係好驚如果我比佢哋知道我擔心埋啲咁嘅嘢,佢哋會覺得我好怪。 唔止咁,我喺佢哋面前一定要係最好嘅自己,我一直都係咁做,如果我就咁停,萬一佢哋唔鍾意我真正嘅自己點算。 日日都要掩飾自己,其實我都好攰,我都唔想,問題係我都唔係好控制到自己。有一次喺IG見到焦慮症病癥嘅post, 發覺點解自己好似中咗咁多(我知道呢啲嘢唔應該自我診斷,好似上面講咁樣,我都只係懷疑)。但係我真係好攰,我想叫停。我有諗過睇唔睇心理醫生,但係我唔想話俾人阿爸阿媽聽,如果話咗嘅話佢哋會點睇我。我有諗過同班friend求助,但係佢哋之前有取笑/鬧過網上一啲扮抑鬱/焦慮的細路,我唔想佢哋覺得我係其中一個… 我喺度投稿,只係想收集意見,因為我真係已經唔知點做,我唔想再咁樣落去,但係咁樣嘅做法一直都好似幾安全,我好擔心做錯決定,如果文法唔係咁好嘅話請見諒,我中文真係唔係咁好。

閱讀更多

[GUEST]

#NSS學業 [[GUEST]] 我真係唔配做中學生咩。 今日啦,數學有啲extra部分,老師叫我哋自己睇,我唔係幾明,我已經問過同學,同學都唔明。 因為係extra野,有諗過問唔問老豆好。始終喺好奇心驅使下,我問咗。我已經係好聲好氣咁問,佢就發嬲咁,又話我上堂唔尊心,我已經解釋咗話老師冇教,又話冇可能,又不停踩我,話咁都唔識配咩做中學生,仲揼我本書落地… 我嗰下sad爆 ,我好後悔點解要問佢,真心想離家出走ಥ‿ಥ 另外我都想問下大家有冇啲免費問功課嘅平台畀我試下ಠ_ಠ 多謝大家 Sor 4 1999

閱讀更多

GUEST

#NSS個人 [GUEST] Hi唔知呢個算唔算懺悔 但真係纏繞左我好耐 我有試過係一個匿名平台上面講下野 嗰陣唔係幾鍾意一個人 所以就打左一兩句態度唔好嘅說話 不過之後就搞到好大件事 嗰個人有喊過 個個都話嗰個匿名嘅人(就係我)好衰 亦都包括我啲frd 我只可以係側邊唔講野 仲要我鬧嗰個人有送過野比我 講真我嗰陣真係好幼稚 以為講好多粗口 或者樣樣野都以一個好mean嘅態度去對待 就係型 但係過左咁耐 知道網絡欺凌或者欺凌對於人嘅影響真係好大 明白唔應該隨便講呢啲嘢黎hurt人 我份人亦都變得低調左 – 再者 我嗰陣有話過比一個frd講個留言係我嘅 不過而家已經無傾計了

閱讀更多

Guest

#NSS學校 [Guest] 小妹今年喺Band1B英中(但由中文教授通識)讀書,學業名次大概全級1-2,操行都係攞A。但係喺運動同音樂上冇突出嘅成績。所以想問下如果f4想轉mss, ssgc, tlmshk嘅機會大唔大,同埋邊間會大啲?我知道仲有好多Band1女校可以揀,但係唔係間間都收f4轉校生,呢幾間係我過濾過覺得比較適合自己嘅學校,如果有其他港島女校建議都多謝大家comment! 感謝admin同讀者!

閱讀更多

Guest

#NSS家庭 [Guest] 唔知係咪全世界得我一個人係咁樣,平時喺房度阿爸阿媽勁鍾意入嚟,我大部份時間喺房溫書,屋企係拖門勁大聲,帶降噪耳機佢一入嚟都要驚到有啲精神分裂,我係嗰種對聲音超級敏感嘅人,少少聲就好唔舒服,有好禮貌咁樣講過但係被屌成垃圾,話dse考唔考都得,老竇老母喺出面搵錢返嚟仲要俾我嫌棄,我後尾去自修室,但係佢哋又逼我一定要留係屋企,佢哋好驚我出去蒲,之前對化妝有興趣買咗支有色唇膏然後被打到喊,話我淨係識溝仔,但其實成個高中我冇一次排名係低過top20⋯⋯(利申某傳統女校) 續:最近返學俾社工同班主任捉咗去睇心理醫生,阿媽帶住真係好崩潰,最後個醫生話我有反社會人格傾向,阿媽又開始喊話我點解要背叛佢⋯⋯

閱讀更多

Guest

#NSS個人 [Guest] 今年中二,成績唔好,無任何擅長嘅嘢,好樣衰,得好少朋友,阿媽阿爸都唔鍾意我,我真係好想自殺,但我老母花咗好多錢喺我身上,我覺得好對唔住佢,我每晚都喺間房喊,除咗自殺我唔知可以做咩好

閱讀更多

HKTLC

#NSS學校 [HKTLC] Re#NSS210417E 其實我有個friend都係咁 功課俾埋答案佢都唔抄 改正嗰啲淨係抄嗰啲佢都唔做 成日要我返去做功課 之前我都有幫佢做但實在太過分 嗰啲抄抄寫寫好心自己做啦 答案俾埋你都唔抄 之後我冇幫佢做一排佢就冇因為功課嘅事情搵我 但佢欠交欠得多過以前好多(以前起碼會做少少) 而家直情全部唔做 上堂成日瞌眼瞓但佢又唔做功課㗎喎 最後啲老師追佢交功課佢先自己做 咁樣應該係另類嘅自己做功課??? 我咁做會唔會太衰我哋學校啲功課真心變態(星期六日至少十幾份) 正常抄寫嗰啲我通常抄唔晒都搵人幫我抄一兩次 我而家直情唔幫佢仲有少少反感會唔會話緊人又話緊自己

閱讀更多

Guest

#NSS個人 [Guest] 如果政府唔想晒咗啲科興疫苗,不如比警察打,佢地經常外出巡邏,受感染機會好高的。

閱讀更多

GUEST

#NSS個人 [GUEST] 好耐之前 有個同學爭我錢 利申大家都唔係特別有錢 我追咗佢好耐 佢都唔還 每日都話:「呀!唔記得咗呀!聽日還!聽日還!」我追咗佢三 四日 都最後我要話 我冇錢 但係要幫屋企買嘢 佢先肯還比我 救命 我唔係好有錢 屋企人比錢我係比我有需要嘅時候用 並唔係比你一日又一日咁拖㗎!

閱讀更多

[GUEST]

#NSS個人 [[GUEST]] 小妹第一次投稿,請多多指教。 小妹呢排覺得自己變得好奇怪,好似鐘意D恐怖野同變態野。唔係色情野,係殘暴野。不過有時我都對D其他人覺得恐怖既野冇興趣,例如The Nun同Annabelle個D啦,因為覺得D恐怖程度唔夠高。我咁唸係咪有D奇怪? 琴晚發左個奇怪既夢,有人問我鐘意既電影既類型,我答係虐待、多重人格分裂、廝殺、小丑撕臉個D,我覺得自己好變態,有時望住D武器都好像接觸。我好驚自己唔知做咩,點算好?求各位幫助。

閱讀更多