#NSS學業 [GUEST] 小妹中三需要揀科,但係就唔知揀咩科好,希望大家畀意見我🙇🏻♀️ 1) 我應該揀邊一科好? 本身其實我對phy chem bio興趣就大啲,溫書我係主要溫佢哋,比其他科溫多至少十個鐘,所以呢幾科成績都唔錯,但因為比其他科拖低,所以我係級排名就大概45-50(全級130人),但我哋學校喺依總成績揀科,而全部讀physic嘅都係同一班,嗰班就一定係40個人,我哋學校physics係最搶手嘅一科所以我唔肯定我讀唔讀到。相反chem bio佢哋每科就係會收大概五十個人,我都唔會擔心。 所以我就喺度諗如果要揀多一科嘅話會揀啲咩科好,首先我中西史一定唔得,每次都係喺合格邊緣。Geog我都覺得係難明嘅,次次都温到死咁濟,但係每次都撞彩攞到唔差嘅成績。Econ我就真係冇乜興趣,但係佢資料回應題嘅答案接受率大啲,變咗成績都係中規中矩 所以如果我要喺Geog Econ入面揀一科,我應該揀邊一科好? 2) 我應該揀M1定係M2? 因為我對數學嘅興趣比較大,同埋數學成績都比較好(全級頭10),所以我想揀M1/M2。本身其實我係一個比較粗心大意嘅人,但係M1就需要我細心,變咗我做題目嘅時候就要用多啲時間。M2就主要係要勤力,我本身都ok嘅,但好似M2嘅內容係抽象少少,對於我嚟講可能比較有啲難明。
#NSS愛情 [CLS(唔係粗口嚟㗎)] 希望可以揀中我! 本人第一次投稿 就係咁嘅 我係一個留班生原因就係因為舊年疫情開始所以個人Hea得滯…好啦其實呢個都唔係太關事不過佢令我識咗一個女仔 有同佢傾吓計呀咁樣囉之後仲要同佢同埋佢班fan一齊行過街 本來以為可能佢只係想識下朋友 有一次同佢喺ig傾偈嘅時候我講咗句:班友仔依家有咗女朋友就唔陪我睇戲了 依家兩個兩個一齊坐好鬼尷尬㗎嘛…好想睇戲啊但係又好似好尷尬咁 佢之後就覆咗句:如果你請我嘅話我咪陪你睇吓囉 依排屋企人除咗食飯錢之外就冇比了窮啊 就係咁樣我第一次同埋異性單獨睇戲開始左(? 之後嗰日朝早佢仲問我要唔要一齊食埋飯 就係咁我哋食完飯之後去睇戲睇完戲之後去行咗街… 仲要約哩考完試之後去睇多次戲(20號就去睇㗎啦w) 咁當然考試期間都有保持傾偈啦我都會覆下佢動態咁(大家都鍾意睇動漫XD) 因為小弟第一次戀情唔夠一個月就俾人綠咗 到而家仲有個陰影喺度我真係分唔清好感同埋愛情 想問大家覺得佢究竟係當我普通朋友定係對我有興趣… 如果有興趣我應唔應該再同佢加深下感情然後勇敢啲試吓同佢表白…(目前來講淨係識咗兩三個月) 多謝大家睇完我都唔夠膽睇返轉頭嘅文 sorry for 1999
#NSS其他 [Po IG please] 有無醫學生/醫生可以江湖求急一下:由昨晚開始,我下腹至小便處斷斷續續出現疼痛感覺(本人曾因營養不良住院,不知有無關係……
#NSS個人 [𝙶𝚞𝚎𝚜𝚝] 我懷疑我有社交焦慮症。 我由六年班開始,已經覺得成日好擔心,自己又唔係靚,天生肥肥地,成績唔算好,我最珍惜嘅就係我班friend,但係如果佢哋只係扮同我friend點算,可能佢哋根本冇鍾意過我,我其實根本襯唔起佢地⋯唔係只係普通擔心咁簡單,係每一次見到佢哋我都會嘗試展示我最好嘅一面,我驚如果唔咁做嘅話,佢哋可能會排擠我。 慢慢,我嘗試去改變自己,嘗試減肥,轉形象,「假朋友」嘅念頭都漸漸消失。 但係 升咗中學之後,我成日好驚俾人一個唔好嘅第一印象,因為我同班friend都分開晒唔同班,好驚如果我識唔到朋友嘅話,咁我就會中學六年都冇朋友(兩個friend遲啲都會去外國讀書)。慢慢長大,我都越嚟越醜。我唔介意自己醜又點,其實成個世界都係用美醜去評價一個人㗎啦。如果我啲friend都係咁點算。 我成日自己同自己係個腦裏面嗌交,加上學業壓力,有時真係會一個人坐喺間房一個鐘,喺度諗嘢,瞓覺前,有時諗到喊添,你問我我真係唔知點解,我好驚未來,我覺得每一個我做嘅決定都會影響到我未來成唔成功,班friend係我最寶貴,最珍惜嘅嘢,我唔可以冇咗佢哋,但係好驚如果我比佢哋知道我擔心埋啲咁嘅嘢,佢哋會覺得我好怪。 唔止咁,我喺佢哋面前一定要係最好嘅自己,我一直都係咁做,如果我就咁停,萬一佢哋唔鍾意我真正嘅自己點算。 日日都要掩飾自己,其實我都好攰,我都唔想,問題係我都唔係好控制到自己。有一次喺IG見到焦慮症病癥嘅post, 發覺點解自己好似中咗咁多(我知道呢啲嘢唔應該自我診斷,好似上面講咁樣,我都只係懷疑)。但係我真係好攰,我想叫停。我有諗過睇唔睇心理醫生,但係我唔想話俾人阿爸阿媽聽,如果話咗嘅話佢哋會點睇我。我有諗過同班friend求助,但係佢哋之前有取笑/鬧過網上一啲扮抑鬱/焦慮的細路,我唔想佢哋覺得我係其中一個… 我喺度投稿,只係想收集意見,因為我真係已經唔知點做,我唔想再咁樣落去,但係咁樣嘅做法一直都好似幾安全,我好擔心做錯決定,如果文法唔係咁好嘅話請見諒,我中文真係唔係咁好。