#NSS社會 [GUEST] 其實香港係咪真係無曬希望？ 由反送中到國安法再到落實愛國者治港 香港已經逐步俾中共侵蝕緊 再加埋依家啲10后全部都係講普通話 玩抖音（我見到嘅係咁）利申：有嗰表妹係起大陸生活 但係攞住香港身份證 同時都係起香港讀書（佢係誇境學童） 我有一次問佢係學校係用咩語言溝通 佢竟然答我全班24個有22個都係用普通話 我當時真係震驚咗 其實根本10后嗰啲大部分都係大陸人 根本就唔可以歸納為hongkonger 真係每次睇到呢啲就好sad 好唔開心 我依幾排成日都好魂不守舍 而最大嘅原因就係因為每當我諗到依家同將來嘅香港之後就覺得人生好似無曬希望咁 雖然我有諗過大個去移民 但係畢竟人生路不熟又加埋語言不通 同埋我真係好鍾意香港 我好唔想走咗之後就任由中共嚟管治香港 我唔忿氣就咁雙手就將香港交俾中共 唔通香港真係已經無曬希望？望住香港人應有嘅民主,自由同文化一步一步被侵蝕嘅我哋真係已經無曬辦法？一啲都冇？好對唔住放負俾大家🙏🏻🙏🏻🙏🏻🙏🏻
#NSS學校 [GUEST] Admin可唔可以post喺nss heart，唔好擺喺main度，thanks🙇🏻♀️🙇🏻♀️🙇🏻♀️。我懷疑自己俾人排擠/欺凌緊。最可惜嘅係，嗰班人上年同我好friend。我嘅經歷如下： 1. 有一日星期三要上課外活動，我搵唔到枱食飯。咁啱ABCD有張枱，角落又有空位，我就問可唔可以一齊，跟住A同我講話坐角落頭第時會嫁唔出，跟住就唔俾我同佢哋坐。 2. 今年普通話考試之前嗰一日，B話佢普通話只求合格，跟住下一句對我講：「對你來講係咪只係攞到分數就得。」 3. Geography，我知道我上年Geography 真係好差，但係B就同我講：「乜Geography 真係咁難咩，唔係背晒所有嘢就得㗎啦咩，我覺得所有可以背嘅科目都好簡單⋯⋯」 4. C話A, B, D有改我花名，呢個我就真係唔清楚，不過係C講嘅。 5. 之前我同ABE一齊做輔祭、讀經員嘅時候，間教堂有個輔祭房，其實工作人員換衫嘅時候要閂門我明，但係當佢哋已經換完衫嘅時候，B同E（D個妹）有陣時都係唔會俾我入，但係A就次次都出入自如。倒酒嗰陣時，A試過倒，而我唔得。 6. Project，History 老師一出post話要做History project嘅時候，我問過AB一唔一齊。佢哋話已經有組，但事實上，佢個post只係出咗1秒。 7. Girl Guides之前meeting有一個活動係要分組，然後再設法喺其他組度慫恿一個成員加入自己嗰組。咁A,
#NSS其他 [Guest] 大家好,我今年f.1,我由小學開始就好似聽唔明人地既指令即係聽到吩咐嗰下會自動理解咗為一件錯既野,令我成日好困擾,請求各位比d方法我改善一下,希望admin可以po上IG,感激萬分🙏 (我以下比嗰兩個例子只係記憶較深刻,仲有成幾百次咁樣既經歷未講) 事件1.有一次我班主任吩咐我去擺防疫膠板去隔離個櫃,我就唔知點解拎咗支酒精去個櫃度,之後就搞到全部人笑我,我宜家諗起都覺得好尷…😢 事件2.近排去打針,個工作人員叫我將張貼紙貼係我件衫度,我又唔知點解貼咗落張紙度😖,好彩我阿媽眼疾手快捉住我隻手,無貼到落去,又係好尷。 我試過上網查,話係自閉症,但我根本無自閉症既症狀,我問過我阿媽佢話有可能係我掛住發夢同聽唔清楚,但其實當下既我覺得自己無錯同好清晰,聽到吩咐嗰下會自動理解咗為一件錯既野。 Sor for 1999
#NSS個人 [GUEST] Hihi各位 小妹今次投稿係想同大家分享吓我嘅焦慮 聽吓大家有咩意見～🙏🏻 事情係咁嘅，雖然我剩係得F1，但係已經開始好擔心自己嘅將來，成日覺得自己好廢，自問我係一個成績勁差嘅人，中英數底好廢，而家讀緊Band2A-2B學校，裏面啲人好多都勁過，即是我努力左，我仍然都係差過人哋好多，我好擔心一直都係咁，直至到DSE，我中英數是但一科唔合格就冇U入，出嚟收入低等等…我仲要係獨身女，我爸爸媽媽都好錫我，對我要求唔高，我開心就得，但佢哋越係錫我，我就會成日開始諗，我成績廢到咁，遲啲點樣賺錢養成家……我都知好多人會話我過分焦慮，但係我真係見唔到自己任何前途……我又唔識同人social，又冇自信，讀書廢，又冇一技之長，所以真係好擔心自己將來…一到夜晚就會喺度諗，但呢樣嘢冇人知，我亦都唔會講，所以就默默喺度投稿。 可能有人問 我英文廢到點？ 我reading卷冇一次合格🙏🏻我上Google search F1應該要識嘅vocab 30個我得一個係識……跟住學校派閱讀理解俾我哋做 我八成睇唔明…真係覺得自己完全唔係一個F1程度學生… 而我頭腦係笨到痴線，數學諗極都諗唔明，補習都冇用，佢講完一次我做第二條題目又會唔識…而且仲要係英文教，我睇唔明題目更加大鑊。 可能有人會覺得我係up緊廢話🙏🏻但呢啲我真係好擔心好擔心，好想識多啲vocab，想自己數學進步，但係溫過書做過卷都係咁，去到考試又係乜都唔惦，得25/100……. 好啦講到呢度差唔多，我知道英文係香港重要嘅語言，所以我希望可以跟返同年嘅進度…🙏🏻 Sor for 1999 and thank you admin✨ 順便睇吓有冇同路人🥲
#NSS家庭 [Guest] 大家好，小弟今年F3，屋企人係傳統觀念家長，佢哋永遠淨係識得一啲得啖笑嘅理論，例如入唔到大學=人生失敗，或者打機冇好處嘅理論。但係我今日唔係想講呢啲，而係想講吓小弟私隱度問題 自從小學四年班開始屋企裝修完之後就自己有一間房，小學嗰陣都唔太在意自己私人空間，所以小學嗰陣都冇閂門習慣。但係到而家中三，正值發育期，好多時都淨係想自己一個諗下野做吓嘢唔想有人干擾，所以有時就閂埋咗房門。但係屋企人就每次喺我閂門嗰陣亂咁衝入嚟。 敲門係有啊，但係敲完都仲未等我同佢講入唔入得嗰陣佢就已經擅自入咗嚟。而佢入嚟都淨係為咗同我講一句：「唔好閂門呀」 我覺得好離譜囉，小學時期擔心我我明白，但係我已經係一個中三學生，我明白自己需要啲咩，有時都想自己一個靜靜地，點解你哋永遠都唔識尊重我？ 永遠就係跟住中國傳統觀念家長其中一個觀念「點解喺屋企父母同仔女要有距離感，點解要閂門」呢一套觀念 有冇師兄可以教路點樣令佢哋比我擁有自己嘅空間？ 同埋大家覺得我屋企人咁樣做係唔係好離譜？要屌我嘅話條輕啲🙏 Thx admin please po ig Sor for 1999