—類投稿

PLKLFC

#NSS學校 [PLKLFC] 小弟第一次投稿 如果有啲1999嘅位 請大家見諒 以下文章可能會有啲長 希望可以po去ig畀大家睇下呢位老師有幾咁無理 小弟今年F2,我學校有一位教Bafs同IH嘅男老師(IH即係hist+geog,類似LS),最近仲去咗讀數學唔知master定咩,無錯佢又文又理 呢一位老師係我哋學校不嬲都唔受歡迎 基本上問10個同學中唔中意佢 有11個都會答唔中意 由於佢教書嘅態度同佢處事嘅方法同態度都極度有問題 以下就係佢嘅事蹟 1.佢教書教咗等於無教,連學霸都要自己再比平時用更多時間去理解,有一次講解Dbq仲比我見到偷偷地用google translate 去翻譯 2.幾個月前佢特登去開咗個ig acc表示自己同學生可以好close ,之後仲成日開live去唱歌,但係佢自己又唔知自己唱歌好難聽 3.有次有一班有啲同學冇帶通告 佢唔係叫嗰啲同學寫返落手冊 然後叫嗰啲同學攤開隻手 畀佢用紅筆係嗰啲同學隻手到寫 欠通告 仲有

閱讀更多

GUEST

#NSS學業 [GUEST] 仲有一個禮拜左右到DSE, 想問吓有幾多2021年DSE考生完全冇動力溫書 本人想溫但係冇動力,而且一操卷,尤其英文!好似完全唔識咁樣。 暫時最擔心都係英文同中文,而且仲未搵到方法溫。 有冇啲咩方法可以改善呢種狀態,順便問埋有冇方法可以短時間記到英文同中文 感謝🙏

閱讀更多

Guest

#NSS個人 [Guest] 我已經情緒低落咗一年左右,雖然間中冇咁嚴重但係大部分時間都冇胃口同埋成日喊。 我一開始覺得冇乜嘢,只係情緒起伏大啲,同埋我本身都易喊所以冇為意。但係維持咗一年之後覺得越黎越辛苦,仲有陣時想自殺。所以我就覺得有必要去睇醫生或者搵學校社工,但係睇呢個page嘅人都話同學校社工講只會越搞越衰,睇醫生有唔咁同父母一齊去。你地覺得我應該點樣?或者我其實有冇咁嘅需要?

閱讀更多

Guest

#NSS個人 [Guest] 小妹今年十三歲,最近我有啲精神失常,會突然之間好煩同狂躁,即使好小事都係,冷靜返落嚟都覺得好奇怪 ,但係當下我根本控制唔到自己,就好似手機斷wifi,我會嬲到不停撼頭埋牆,掟爛曬啲嘢,雖然我明知好小事,但係停唔到落嚟。又或者瞓唔著都會係咁,夜晚聽到屋企人啲鼻鼾聲(我同阿婆一間房)會瘋狂打枕頭、喊同埋咬手。自己一個坐喺度嘅時候又無啦啦喊。但係冇發癲嘅時候我好正常,思想比較樂天,我講出嚟又冇人信我,真係唔知點算😔

閱讀更多

stgss

#NSS個人 [stgss] 有無人同我一樣勁鍾意林家謙👻 又有才華唱歌又好聽,但身邊啲同學都唔係好識佢….我相信佢係樂壇嘅瑰寶

閱讀更多

急救

#NSS愛情 [急救] 麻煩 admin post ig ,thx🙏 小妺今年中二,話說近排鐘意咗個男仔(同班),我同佢真係一D都唔熟,平時除咗收功課,好少講野。(我係科長) 講返個男仔,佢唔算好靚仔,高過我,成積唔好,超有禮貌,今年係留级生。 有人話可以從佢D朋友了解佢,但係佢D friend 係果種好煩嘅人,即係你見到就想打,我完全唔想接近佢哋。 我唔知應該點做,有無人有計可以救下我? sorry for 1999

閱讀更多

guest

#NSS愛情 [guest] 女朋友成日打機又成日煲動漫,我知道可能大家覺得好正常,但係拒差唔多全日都係開夜間模式,發wts又唔睇,有時候甚至全日都未讀,可以點算😥 (希望可以po到ig)

閱讀更多

[GUEST]

#NSS其他 [[GUEST]] 小妹係頭先投完稿讀英中嘅中四生。 如果係同一個admin編輯嘅話能否幫我加插喺總結之前🙏🏻🙏🏻🙇🏻‍♀️🙇🏻‍♀️如果唔係就唔緊要啦,唔該晒admin🙇🏻‍♀️🙇🏻‍♀️ 我想補充一點就係你哋可能會覺得我唔知足,咁容易就諗自殺,我都知,但係我真係控制唔到我自己唔去諗,每次呢種諗法都會喺我個腦到飆出嚟……

閱讀更多

GUEST

#NSS個人 [GUEST] 小弟我好辛苦,想喺度放下負 呢兩個半月我都處喺極度憂鬱嘅狀態,發生咗好多唔開心嘅事,加上面對好多壓力,我做乜都提唔起勁 我上年識咗個女仔,識咗半年之後大家都對彼此有好感,但係之後有一日佢開始同我保持距離,之後都有幾次搵返佢,但係上一次我因為自己嘅情緒,我對佢講咗啲返唔到轉頭嘅嘢,因為咁我嘅心情變得更差 我個人好在意人哋對我嘅睇法,我曾經有三四次畀人欺凌,小學畀人欺凌嗰陣,我以為自己只要努力讀好書,唔好太在意就無問題,嗰陣我以為入到band 1就無事,點知中一嗰陣畀同學欺凌,仲要全級都知晒,有段時間我完全無frd,嗰段時間過得好辛苦,我想避免同樣嘅事再發生,聽人意見去改善,但係我發現就算我點去改,其他人對我嘅睇法都一樣,聽到佢哋咁講之後,我壓力更加大,完全唔知點算好 學業方面我本身都唔係好嗰隻,因為呢啲嘢,我啱啱嗰次次考試啲成績應該墊底,得兩科合格,今年要揀科,而且過一兩日就派成績表,我真係好驚。online lesson嗰陣,我唔係瞓覺就打機,啲功課完全無掂,完全無心情做其他嘢,我呢幾個月晚晚都瞓唔著,之後又要早起身,返實體之後仲要早成個幾鐘起身(我住九龍,但係要去元朗屯門返學),完全唔夠瞓。返咗幾日學,畀同一個老師鬧咗三次,我完全唔想返學,同埋因為成績差,我又要補完課先走得,有時夜晚又要補習,我頂唔順啦 雖然疫情呢段時間我喺網上面識到朋友,但係我發現一個可以傾嘅人都無,或者可以傾但係我同嗰啲人唔熟,我真係搵唔到人講先要喺度講,我而家身心彼倦,唔想再有咁多壓力啦 (admin plz po IG辛苦了 (sor for 1999🙇🏻‍♂️大家屌細力啲 圖Link: https://drive.google.com/file/d/1S4M6SloLQJOe6vPrwb31R7v6QxSXVU9N

閱讀更多

[GUEST]

#NSS其他 [[GUEST]] 大家好,小妹今年中四,讀英中。以下內容帶有負面能量,因為最近大家都唔係好正面,事先聲明,如果唔想再接觸負面能量嘅人都係唔好睇落去。 屋企人一直有情緒病,只要無食藥或者藥效過咗就好容易暴躁,所以我每一日都要小心翼翼咁度過,因為一唔小心就會出事。如果嚴重嘅話更加會諗唔開。每次被冤枉嘅時候我都好容易諗埋一邊,想離開呢個世界,亦都會質疑自己對呢個世界嘅貢獻、用處,覺得自己無存在係呢個世界嘅意義。有時同屋企人講返,得到嘅答案就係一味嘅質疑,問係咪我嘅問題,甚至話我唔夠敏感,察覺唔到形勢唔對路,大佬啊,一瞓醒就鬧,我嗰時仲要沖緊涼啊,點察覺啊?心靈感應咩…… 之前F2嘅時候因為多嘢講,上堂主動俾人感覺喺度晒命。俾人排擠咗兩年幾,雖然話係多得佢哋我先可以改到我啲壞習慣,但係嗰段記憶、時光對我嚟講始終都係唔美好嘅…… 再加上之前反送中,中三揀科,肺炎停課跟唔上進度,依家中四又要衝SLP、SBA、準備DSE同小提琴8級試,近排真係分唔清究竟我係因為屋企嘅嘢大壓力定係因為學校嘅嘢…… 可能因為由細到大都係咁過,一直冇乜留意呢啲嘢對我自己造成嘅影響,因為一直都係噏喺個心到,唔敢同屋企人講有諗過自殺,驚佢哋擔心,屋企已經有一個要搞,我真係唔想再麻煩佢哋,近排因為發生咗啲事,開始意識到自己問題有啲嚴重,自殺諗法越嚟越頻密,都好容易因為少少嘢就有自殺諗法,要透過同朋友講先可以抒發,要朋友去煞停我,呢幾日如果唔係我個朋友我依家應該已經入咗院,或者入咗棺(或者都可能好似以前咁成功說服自己都有可能嘅……) 想問下,究竟應唔應該搵幫手或者同人講……上個禮拜有暗示過屋企人我有自殺傾向,但係佢好似唔係好聽得明我講嘅嘢……喺學校都有見開社工,但係都唔係好大幫助,因為我對於面談唔係好放得開,唔係好夠膽講晒所有嘢……(可能我有問題啦……) 依家暫時得我個朋友知道我有自殺傾向,但係我都唔係好夠膽成日搵佢,始終人哋有自己嘅生活,但係我又冇其他人俾我講呢啲嘢,唔通要好似以前咁同公仔講…… 唔好意思,講嘢有啲1999 唔該晒大家🙏🏻🙏🏻 都唔該晒admin🙏🏻🙏🏻辛苦晒🙇🏻‍♀️🙇🏻‍♀️

閱讀更多