—類投稿

萃文中學

#NSS學業 [萃文中學] 小妹今年f.4,前排決定要考好dse,中文中史唔差,但我自小唔鍾意英文,所以英文都好差,小六時做小一英文卷都會錯,同埋有好多簡單嘅詞語都唔識。 我今年開始接觸英文,有學到嘢。但我好驚依家開始學會唔會追到,擔心dse考英文唔及格,考唔到大學。 想知道由依家開始學,及格機率大唔大,同埋請教如何有效率學英文方法,背過詞語但好快唔記得。thank you🙏🙇‍♀️ 麻煩admin post 上ig ,thx🙇‍♀️

閱讀更多

GUEST (●´⌓`●)

#NSS其他 [GUEST (●´⌓`●)] 我有個家姐,16歲嘅時候結咗婚。(長文慎入) 我家姐上年16歲結咗婚。佢同男朋友拍咗兩年多, 有由中二開始拍拖。屋企人都唔知家姐有男朋友。當家姐同屋企人講話佢結咗婚嘅時候,屋企人呆曬咁,以為佢講笑,之後就話細細個結咩婚,我聽到家姐話佢結咗婚嘅時候,我都以為佢講笑㗎咋。之後佢就入咗間房拿個婚紙,同埋一幅相。幅相裏面有家姐同埋佢男朋友仲有我哋個姨媽。我阿媽第一反應就係好嬲,之後就鬧家姐’你書都未讀好就叫咩婚啊,你幾時有男朋友,喺邊個,係咩人,我咩都唔知你就擅自去結婚,係咪畀人落咗藥傻咗呀!’ 之後家姐就喊曬咁樣,話自己有咗, 我心諗:WTF, 16歲有結婚又有咗,講笑咋嘛??* 家姐以前係個乖乖女,成績中上,好少打機, 鍾意睇英文書,所以我細到大成日拿我同佢比較,多多少少都有啲唔開心,家姐知道我唔開心,是會畀啲錢唉我話去買嘢食(啲錢喺男朋友畀佢嘅)。 家姐話自己有咗,媽咪好嬲拿個掃把趕佢出門口。但到夜晚嘅時候,媽咪有啲後悔,開始擔心家姐唔返屋企,阿爸勸佢唔好咁擔心,話家姐要啲時間冷靜。之後媽咪之咗房,我間住度門都聽到佢D喊聲,為媽咪心痛。我唔知媽咪係為佢鬧家姐太重,定係佢擅自嘅行為。 第二朝早,家姐返嚟同媽咪道歉,跟住佢哋兩個抱住一齊講咗一大堆。跟住雙方和好。 時隔一年,家姐生完le,生咗個女仔,佢同佢男朋友感情仲好好。佢有咗嗰斷其間學校唔畀佢返學,要佢生完先再返學,雖然佢而家重讀中五,但佢成績仲好好😒 (總之就係畀我好啦)佢返學期間婆婆同埋媽咪就會負責照顧個B,返到嚟家姐就會接手照顧。 屋企成日都好熱鬧咁樣囉😂

閱讀更多

Guest

#NSS個人 [Guest] 第一次投稿🙇🏻‍♀️ 小妹係一個比較內向,唔係好多朋友嘅人。最近開始online上澳洲嘅foundation,依家班上面全部大陸人(入面有小粉紅)。佢哋好多都好似互相識或者係朋友嘅朋友,一齊係澳洲讀high school。我好清楚我自己依賴性都幾大,唔想同小粉紅或者唔想我嘅交友圈子得大陸人😟😟我以前有識得同學又係去澳洲讀書,依家見佢好似係同好多大陸人玩 我想問下大家點樣可以識返啲澳洲讀書嘅真香港人 多謝各位比意見嘅人🙇🏻‍♀️❤️

閱讀更多

GUEST

#NSS個人 [GUEST] 其實你地覺得男仔幾高先好睇? 我中三而家得170cm D同學好似都高過我 驚大個溝唔到女XD Sor for 1999 Admin plz po ig🙏

閱讀更多

GUEST

#NSS其他 [GUEST] 希望嗰啲為人父母而且有小朋友嘅睇下 是咁的,今日去睇戲,套戲開始冇耐,就有兩個細路女開始講嘢,越講越起興,之後我就開始燥底,嘖咗幾聲之後,就望咗一望後面,就發現佢地嘅老豆老母就坐正佢地後面。 到後期佢地越講越大聲,我就越嚟越燥,望住嗰兩個細路女嘖咗幾聲之後,再望一望後面,其中一個細路女佢老豆就啤住我,wtf??你明知你個細路咁樣騷擾到人,想問一下,你係啞咗定點?唔識叫自己個細路收聲?仲要啤住我? 之後嗰兩個細路女就講到冇停過,期間我望住佢地,佢地就只係收聲咗一陣,之後就繼續係度講。 我真係好想知你哋返到屋企係唔係冇得講嘢?定係今晚你老豆老母會毒啞你,以後冇得講嘢?我係去睇戲,唔係去聽你個女口才有幾撚勁,識用個大字去形容哥斯拉,我真係唔撚想知! 最基本,睇戲收聲係唔係唔識?當班細路真係唔知啦,佢地嘅父母係唔係都唔知?我就想問下嗰兩個細路女嘅父母係唔係唔識教仔?最基本家教都冇你學乜嘢人生仔?真心,個人建議可以送去孤兒院,睇戲都可以買少張 所以我真係好希望啲父母帶個細路睇戲嗰陣,可唔可以叫自己個細路收聲?都唔奢求完全安靜,至少都識收皮得唔得? 最尾散場之後,我就大聲講咗句“仲以為班靚仔冇老豆老母添,原來有㗎!”對住啲唔識尊重人哋嘅人,係唔需要比尊重(-ι_- )

閱讀更多

guest

#NSS其他 [guest] 第一次投稿 長文慎入 sor for1999 12歲就破處,我真係唔想佢壞落去。 話說我有個best frd(下稱A)小學就識,識咗六年。飲過對方口水,瞓過一張床,一齊沖過涼,可以話關係好過親生姐妹。 A之前雖然算唔上乖乖女,但都唔係超跩,不過成績唔係好好,所以就入咗間band3學校(我知banding唔係評定一個人好壞嘅標準)。兩個月前,因為小學同學介紹A識到一個男仔,大A一年(下稱B),起初佢地只係一齊打機、傾計。但某一日B就約A出去見面。出完街嘅第二日B就同我講佢鐘意A(因為我嗰日都有去 加上我同A嘅關係所以同我講)我有同A表示B嘅心意,所以經過大概一個禮拜佢地一齊咗。 起初我覺得冇咩問題,因為A都拍過五六次拖,但後尾發現B又食煙,有飲酒,自稱三合會成員,仲有食過草。A當然有跟住佢食煙飲酒,仲覺得冇問題,成日有親密行為好似 拖手 攬攬錫錫(A同佢前幾任連手都冇拖過)我開始有啲驚驚地同埋唔開心,一黎擔心A會比人呃身,二黎覺得自己比人取代咗,有時大家一齊約出街玩見到佢地好親密會自己匿埋喊。 今日我同佢哋班人出街,A同一個女仔friend講起一個話題,但我唔知佢地傾嘅係關於咩,我就講笑咁同A講咗句「你同B扑嘢啊?」點知真係講中咗。嗰下真係百感交集,又嬲又驚又唔開心,我企喺度揞住個口好呆咁望住A ,覺得佢再唔係我以前識嗰個佢、我係咪要唔好同佢玩咁近、仲要嗰件事發生咗一排,都冇話過我知,完全冇當過我係佢best frd咯。佢地仲要起碼做過3、4次,我當下唔知要比咩反應,但我個腦不斷諗緊嘢:「大佬,萬一有咗bb點算,生命唔係玩玩下架。bb點處理?如果A屋企人知道咗會有咩後果?同埋衰十一係犯法㗎…」(但我冇講出口)然而企喺一邊嘅A就悠然自得咁,覺得先12歲做咁嘅嘢好正常??? 雖然佢唔係我,但我地話曬識咗咁耐,關係好過姐妹,我唔想睇住佢衰。所以接下來嘅時間,我都不斷諗起嗰件事,自己個心好唔舒服,好想同人講。又怕將咗比A知道咗之後連frd都冇得做,所以投稿。希望大家比下意見,覺得我要唔要勸下佢。 sor for 1999

閱讀更多

GUEST

#NSS其他 [GUEST] 純分享 咁話說小妹雙親都係香港人,但唔知點解我個樣有啲似鬼妹(講明先,親生嘅) 小學上補習班嗰陣試過俾人認錯做外國人,可能佢以為我唔識中文,然後勁大聲咁問:「嘩!點解呢到有個英國人嘅?」,開頭以為唔係話緊我,所以就繼續做功課,點知佢成堂一直望住我,搞到我忍唔住爆咗句「乜料」出嚟,然後佢嚇到呆咗… 之後升中學嗰陣又係咁,有次去某間中學面試嗰陣,我一入到去個阿sir第一句係(佢用英文問嘅):「你係香港人?」,我答yes啦,之後佢再問:「你父母都係香港人?」,「yes….」我勁無奈咁答佢囉,勁尷 BTW po ig plz

閱讀更多

Guest

#NSS個人 [Guest] 其實我一直對自己既性取向有啲迷茫 我自己揀伴侶係prefer女 但比較吸引我既係男 特別係sporty既 會想同佢地發生關係 但唔想同佢地一齊 但都試過對佢哋有好感過 女仔都試過有好感 不過冇男仔咁鍾意 如果拍拖我係想同女既發展 我都唔知點解會咁 一直好迷茫又唔敢同人講 真係好辛苦 唔同成世單身?🥲

閱讀更多

Guest

#NSS個人 [Guest] 長文慎入 小妹自細就有個好好嘅家庭,周邊有好錫我嘅親戚同 爸爸媽媽,成日帶我周圍旅行、周圍玩,仲有好多表哥表妹同朋友一齊玩,可以話有個好愉快嘅童年。 但大個左,到中學嘅時候,開始無乜朋友,亦都少左好多同家人一齊去玩嘅時候,我知道大個左唔應該咁貪玩,但係同佢地一齊玩嗰陣真係我最開心嘅時候。有時見到得佢地幾家人去玩,而我無份,其實都會諗我係咪係佢哋心目中一啲都唔重要呢。有時我想出街又無朋友陪嗰陣,更呃阿爸阿媽同朋友一齊出街,呢種孤獨感越來越大,令我覺得除左我父母之外,係咪再無人關心我呢。 呢排我嘅負能量多到爆,淨係想乜都唔做,知道要努力又懶,成日覺得自己好廢,乜都唔識做又唔肯努力,反正都唔會有前途,人生都無意義,不如而家減少啲煩惱,減輕屋企人負擔,早啲去死算數。我喺腦入邊聯想過無數次自己死嘅方法、其他人嘅反應等等,試過用繩綁住條頸試下咩感覺,想搵個可以一次致死嘅方法自殺,有一次更加想直接係跳落街,望住個窗望左幾個鐘,但係最後都係無勇氣去做。 有一日無聊撳左我表哥個fb嚟睇(平時唔睇fb,只係心血來潮),見到好多我同表哥、阿叔一家人去玩嘅相,我先至發覺其實我身邊嘅屋企人原來都會關心我,我喺佢地心目中起碼會有小小嘅地位存在。 可能你地覺得我無野攞野嚟煩,明明已經好幸福仲唔滿足,俾你地睇左一篇咁廢嘅文真係唔好意思。我唔知我仲會頂幾耐,可能好快,亦都可能好多年後先至死。但係喺我嘅人生入面有一班咁好嘅家人,我覺得好開心、好滿足。希望我會學會珍惜呢啲咁寶貴嘅親情。 Sor for 1999

閱讀更多

(GUEST )

#NSS個人 [(GUEST )] 是咁的。小妹今年F.2,發現自己上咗中學之後就會無端端好討厭女仔。 上咗中學之後,只要身邊嘅朋友係女仔,唔過一個月就會好討厭佢哋,覺得好反感。就算佢哋冇做啲咩激嬲我嘅事都好,不論係心理定生理都會好排斥佢哋。我都唔知自己係有咩問題,聽到佢哋講嘢就會覺得燥底,有肢體接觸就想叫佢哋死開啲。但係又會等佢哋覆我mes,如果佢哋唔復,又會唔開心… 明明小學嘅時候從來都冇發生過依樣野,從來都唔會覺得同女仔玩好反感,唔會覺得佢哋講嘢好煩… 小妹真係好討厭咁樣嘅自己,只要同我frd開嘅都嗌交,次次都係絕交收場… 求各位大神幫幫忙

閱讀更多