#NSS學業 [guest] 我今年中六,應屆dse考生。仲有兩星期就考dse,但係我仲未準備好,唔知點算。 F4-F6我都掛住住追星,有讀書嘅,但係冇話好畀心機讀。最近我放低咗個idol,成功同自己講考完dse可以盡情追。但之後我又開始打機同睇youtube,我走咗去睇台灣綜藝節目,睇到上曬癮。 我清楚知道再咁落去dse會考得好差,但係我控制唔到自己,成日温温下書就不自己攞起手機。之前有試過用forest之類嘅温書app,但最後都衰咗,堅持唔到。亦都冇辦法去自修室。試過寫timetable畀自己,但又係跟唔到。 有冇過來人可以教下我可以點算?🙇♀️ 圖Link: https://ibb.co/r00bL9W
#NSS愛情 [GUEST] (admin please po ig, thanks) (長文🙇🏻♀️) (可能你會覺得好蠢但係呢個就係我嘅諗法) 女,今年14歲,已移民外國,讀男女校,同級已經有幾pair同學拍緊拖,班入面最close嘅女仔friend大部分已有人鍾意/有被表白。我自己從來冇試過有男仔對我表白,據我所知亦都冇男仔鍾意我,或者at least冇俾我知道。另外,我有試過(唔係一次半次)俾人鬧我脾氣同態度唔好,冇朋友(即係話我類似公主病嗰啲咁嘅嘢啦)。真心嗰句,我覺得自己可能係有啲公主病,但我對朋友/家人嘅態度唔會差得去邊,仲好維護佢哋。講咗咁多嘢,重點嚟喇。我知道有啲人未必支持中學生拍拖,但眼見啲同學,加上我知道自己要求好高,我有啲怕自己到大學,甚至再之後都冇男仔鍾意/冇拖拍。你哋覺得點?
#NSS家庭 [GUEST] 我真係好大壓力,幾乎日日都喺度諗點樣死好,但係我其實覺得日日都喺度咁諗真係好辛苦,但係我又控制唔到自己。 我壓力嘅來源一定係因為我阿媽,只要佢心情唔好,佢返到屋企就會講曬粗口咁樣嚟鬧我哋,就算冇嘢比佢鬧,佢都會雞蛋裏挑骨頭咁樣去搵嘢嚟鬧。有次仲差啲拎咗把刀出嚟。 佢搞到我覺得自己有情緒病,日日佢返到屋企我就會好驚,好驚佢一返到嚟又鬧我哋,佢講嘅粗口真係好難聽,我唔明點解有老母會咁樣鬧自己個女。我每次比佢鬧完我就會去照鏡,我會無端端對住塊鏡喺度笑,我覺得自己好恐怖。有時我瞓唔著仲會無端端喊,我都唔知點解地喊。 有時佢講嘢好大聲/電話較好大聲就得,我大聲少少咁多又比佢鬧,我嗌佢幾次唔聽之後我好大聲咁嗌佢又比佢鬧,咁我可以點啫? 我唔知佢返工係咪好大壓力,所以而家我鬧佢又好有罪惡感。 但係,最令我矛盾嘅係,佢平時對我真係好好,我有咩想要佢都會盡量滿足我,我哋平時都會有講有笑咁,所以我真係唔知自己可以點,有冇人可以比啲意見我?
#NSS個人 [guest] 對乜野都無興趣,家人一句鼓勵都唔會有,只會一直埋怨 我中二,自從上年疫情和升中學開始,我就一直都無參加任何唔同的興趣班或是運動。每日就躲在家無所事事,好似過得一日就一日。因為我對任何事都無興趣的緣故,我家人就成日鬧我,話人地邊個邊個同學點,而我就咩都唔玩,連我自己打機都打都悶。 每一日,屋企人都實有d野鬧到我,例如唔執書包啊,食好少飯啊等等。又例如我考試一個禮拜前,佢心情唔好,又會話我做咩唔努力d溫習,你上次xxx科考到剛剛合格,重點係我已經溫緊習的時候講。本身溫習已經唔係好快樂的事情,佢重要踩一腳落黎… 所以我對任何野無曬興趣可以點算?同埋平時家人鬧我我都係將自己的情緒放入心入面,最多自己唔開心,重有咩可以令我開心d? (我中文作文都0分,sorry for 1999)
#NSS個人 [guest] 對乜野都無興趣,家人一句鼓勵都唔會有,只會一直埋怨(admin pls po ig) 我中二,自從上年疫情和升中學開始,我就一直都無參加任何唔同的興趣班或是運動。每日就躲在家無所事事,好似過得一日就一日。因為我對任何事都無興趣的緣故,我家人就成日鬧我,話人地邊個邊個同學點,而我就咩都唔玩,連我自己打機都打都悶。 每一日,屋企人都實有d野鬧到我,例如唔執書包啊,食好少飯啊等等。又例如我考試一個禮拜前,佢心情唔好,又會話我做咩唔努力d溫習,你上次xxx科考到剛剛合格,重點係我已經溫緊習的時候講。本身溫習已經唔係好快樂的事情,佢重要踩一腳落黎… 所以我對任何野無曬興趣可以點算?同埋平時家人鬧我我都係將自己的情緒放入心入面,最多自己唔開心,重有咩可以令我開心d? (我中文作文都0分,sorry for 1999)