—類投稿

KTGSS

#NSS愛情 [KTGSS ] 希望可以抽中我🙏🏻Admin辛苦晒🙏🏻 是咁的,小女今年初中,大概11月嘅時候同班上面一個男仔開始成日傾偈,上年都同班,然後有一次我同個friend講笑,話鍾意過佢。 然後講完之後佢開始成日搵我,不過佢每次搵我都係問功課嘅嘢,但係都幾頻繁,我係開始有少少好感,但嗰陣仲暗戀緊其他人,佢都算有暗示一兩句(?但唔知係佢本身份人就係咁定點,佢算怕羞內向嗰啲。 最近開始,同之前暗戀嘅人淡咗,所以我好似越嚟越鍾意佢(唔好鬧我住)。佢都係我第一個叫做鍾意嘅男仔。慢慢都搵到佢幾好。 之前試過填嗰啲咩IG問卷,有一題係話有冇鍾意嘅人,佢嘅答案係有。我亦都唔知道而家應唔應該問佢仲有冇鍾意或者嗰個人係邊個,好似太主動太明顯。 有一次我同佢補習,現實喺學校我哋成日都擦身而過,淨係講過一兩次野,而且佢好似好冷淡,不過有時又同佢對到眼,我唔係好知應該點,應該控制好自己嘅感情?等時間過去定係同佢講? 其實我真係好想約佢出嚟,暗示左好多次。 第一次投稿,屌我唔好咁大力,多謝大家嘅意見。

閱讀更多

女校

#NSS個人 [女校] 我身邊連一個講心事嘅朋友都冇,平時返學傾偈嘅人得兩個人。唔知點解,我好鐘意而家咁樣,好自在 ( ̄▽ ̄)~*,睇吓動漫、㷛吓劇、打吓機、彈吓琴就過咗一日。小息畫下畫、睇吓書冇人煩我真係jeng(≧▽≦)。如果可以嘅話,希望我家姐唔好煩我,唔好隔半粒鐘就入我房話要攬我(╬•᷅д•᷄╬)。 有冇人好似我咁好鐘意自己一個?´・ᴗ・` 求admin po ig thx❤ 圖Link: https://ibb.co/sjwg38H

閱讀更多

Guest

#NSS愛情 [Guest ] 我同前男友一齊左8個月,但已經分手10個月,而家都仲係好鍾意佢。 當初會分手,係因為佢覺得我哋之間冇話題,疫情關係又冇得成日見,所以感情慢慢淡左,唔知呢個係藉口定點,總之而家諗返轉頭,覺得自己都有做錯,唔應該成日等佢做主動😌 而家淨係想知道仲應唔應該繼續鐘意佢,定係學下放低呢段關係,畢竟釋懷都係一種放過自己嘅方法…

閱讀更多

Guest

#NSS社會 [Guest] 林鄭下台其實對香港無乜太大影響,因為佢只係中共嘅傀儡,一個林鄭下台,之後咪又係輪到第二個中共愧儡做特首,到時香港都係一樣咁差。😥

閱讀更多

]:guest:[

#NSS其他 []:guest:[] 我搵唔到讀書嘅意義 女,17 兩個禮拜後就開始考試,係大考,但係我到而家到未開始溫書,因為我感覺唔到考試嘅壓力。一直以嚟,我都係逼自己搵目標,再俾壓力自己。我嘅成績一路都係比上不足比下有餘。其實我知,屋企人表面上對我期望唔高,但喺其他方面我知佢哋都想我有啲出色。之前睇咗半桶水嘅嗰篇文,exact7ly 係講緊我。 我曾經有同佢哋講過,其實有陣時啲genes係咁,有啲嘢真係唔好諗咁多。佢哋竟然同我講,就係因為我哋係咁,所以你要做得好過我哋???究竟係咩道理? 返正題,喺上年,有個女仔轉咗校過嚟,佢成績好好,運動又好。我哋住寄宿學校,日對夜對,我對眼好快離開唔到佢。慢慢咁,我為咗同佢多啲話題,我俾多咗好多心機讀書,睇多咗唔同領域嘅嘢,用咗一年時間,啲成績終於追到不相伯仲。其實我知攞一個人嚟做目標真係有啲不切實際。佢又要轉校啦,我冇能力亦冇資格阻止件事,但係我聽到嗰下,個心沉咗。呢一年,因為有佢,我先真係開始俾心機讀書。 你話走就走,我摸唔透呀!!! 就係咁,我頹晒。係咁諗我仲繼續讀嚟做咩?人生係我嘅,冇理由為咗屋企人嘅期望做啲我唔想做嘅嘢架…讀咁多書為咗張證書,出到社會有幾多 fresh grad洗碗都冇得做,尤其係呢個時勢🤷‍♀️ 冇目標嘅我成績又慢慢跌緊,但同時又搵唔到壓力/動力俾自己,點算? sor for 1999 po ig pls thx admin

閱讀更多

GUEST

#NSS其他 [GUEST] 是咁的,小弟係近排去海洋公園某一個設施排隊嗰陣見到一個幾靚嘅女仔,但係見佢嘅母親企喺隔離🙂,就打消左上去問佢拎ig嘅諗法,於是我就想係ig出尋人po,但係我唔知應該去邊度出好,同埋應該寫啲乜。 圖Link: https://media.oceanpark.com.hk/files/s3fs-public/Philippine_inside_banner01_mobile_entrance_2.jpg

閱讀更多

Guest

#NSS學校 [Guest] 小妹13歲,中一 之前同朋友講起呢個話題然後諗返 小學嗰陣有個訓導主任不嬲都好惡 (全校都驚咗佢嗰啲) 然後有一次風紀集會 佢話 「我哋要多謝警察叔叔,佢哋幫我哋呢個社會維持秩序,控制晒班暴徒。你哋以後要學佢哋對社會作出貢獻……」 我同班同學聽完都好唔舒服 佢仲講咗成15分鐘有多 我覺得身為老師傳輸呢啲個人政治立場俾學生 真係唔多好囉…… 利申:屯門某小學 – 麻煩晒Admins Po IG pls🧎🏽‍♀️

閱讀更多

Guest

#NSS個人 [Guest] 第一次投稿,唔太清楚算唔算長文, 如果冇寫長文慎入sorry🙇🏻‍♀️🙇🏻‍♀️ 辛苦admin了 – 小妹今年F4,讀男女校。 上年F3停課前發生左件事,令到我開始好介懷人地嘅諗法。 事情詳情唔詳細講,驚被人認到,總之大概就係我將我畫嘅X圖比一位異性同學睇(其實係附近嘅同學都有睇,只不過有一位異性,冇其他意思,屌細力啲plz),我以為冇乜野, 點知之後我從佢朋友口中得知佢私底下同佢班fd話我發姣。 其實我明白嘅,佢地班人係嗰種把口賤,中意講啲侮辱性詞語去話下人當玩笑話個類人,所以發姣呢啲野佢地都只會係講笑。 但即使已經過左一年幾,我同佢地因為揀科已經分左唔同班,我個腦都一直遺忘唔到呢件事。我變到開始好在意人地嘅眼光,控制唔到嗰種。 舉個例子,我而家夏天變得唔會敢著短褲出街,或者唔願出街。因為我行係街上嘅時候,個腦一直會不受控咁諗: 我隻腳又肥又短又樣衰,啲人一定望過來啦。 我隻腳咁核突,同個短褲點會襯啊。 我行路會唔會唔自然?好恐怖、啲人一定望曬過來。 以上只係部分諗法,其實更多時候出街真係會啲諗法多到亂, 我知道其實係我諗多左,根本唔會有人望我,但我控制唔到自己,一出街就好驚,剩係好想快啲到目的地,或者快啲做完啲野,我更因為咁被屋企人話係懶,被人鬧。 但係我好辛苦,我唔知可以同邊個講,即使講左都唔會被認真對待,因為真係我自己一直亂咁諗野,佢地聽完仲可能會覺得我係自作多情,自己攞來衰,勸都冇用。 除左出街,其實真係仲有好多野我都因為咁唔敢去做。 po IGstory,覆訊息,同唔熟嘅人講野, 好多好多,我都因為太在意人地點諗而唔敢再去做。 復活節假下個禮拜就要完,而我嗰form又好唔好彩地被學校安排左做第一批復課嘅。 一諗起返學又要面對啲唔熟嘅同學,又要著嗰條好顯身材嘅校裙,我就好驚。好驚被人討論我對腳粗,好驚被人討論我個樣左,好驚被人笑我肥左,諸如此類。呢啲諗法而家日日塞滿曬問我個腦,每日不停打機都只係想分散注意力,但我發現,真係唔得。

閱讀更多

GUEST

#NSS個人 [GUEST] 有冇人知道點樣可以治療ig story 分享症? 小妹本身有追星,平時見到自己粒星嘅得意嘢就想post出嚟,原本都淨係一日1-2個story甚至冇, 唔知點解呢幾個禮拜開始成日好想post , 好似上癮咁,見到靚嘅嘢就post , 好笑嘅post 又 share , 而家大概一日8-9個story, 我有試過唔睇ig或者克制自己想post story 嘅衝動,有試過開多個acc,想post 嘅嘢就係嗰度post , 但係個個方法都唔得,但係唔post個心就好唔舒服,壓住壓住好唔安樂咁, 而且因為我好驚po 太多story會洗版,所以我會特登hide咗好多唔熟又會睇我story嘅人,咁佢哋就唔會睇到我story, 而家我日日都會po story,好想將所有嘢share俾人睇,好似驚死人哋唔知咁,有冇人知道點樣可以治療ig

閱讀更多