#NSS個人 [GUEST(´▽`)ノ♪] 我同我屋企人相處基本無問題,但係我唔明點解佢哋成日話我蠢。 小妹平時放學見到有啲公公婆婆由我朝早返學賣嘢賣到我放學都仲見到佢地,如果我放學咁啱見到佢哋差一個盆栽就賣完可以收檔嘅話,我通常都會用少少錢買埋返屋企,起碼佢哋可以快啲返屋企。仲有,我屋企樓下成日都有個伯伯坐喺一個小角落賣乾果,我放學經過成日都會幫襯,但如果比我屋企人見到嘅話佢哋就會話咩嘢呢啲嘢咁污糟你都敢買,我唔明點解佢哋講嘢要咁難聽。 我由細細個開始行街經過見到乞兒都覺得佢哋好慘,我問我屋企人可唔可以幫下佢地一定會比人鬧,話我呢啲唔係善良,係蠢,呢啲十個有十一個都係呃人。但係我覺得如果我比咗十個人錢,有一個係真係需要人幫忙,咁已經好夠。 呢啲嘢唔只發生過一次,同佢地行街我見到啲箱可以捐錢嘅我都會將身上有嘅散銀或者啱啱找返嚟嘅錢擺入去,當然啦,佢哋見一次鬧一次,講話有錢點解要送比人,佢哋嘅思維方式真係好奇怪,甚至仲會威脅我唔畀零用錢我,我成日比佢地扣我嘅零用錢,不過我唔會屈服,我先唔似佢哋咁冷血,無論佢哋點鬧我我都會繼續盡我嘅力少少力幫人,雖然我做嘅嘢好微小,但係如果呢個世界個個都有呢個意識嘅話,大家都會開心少少。 可能你地會覺得我肯定係錢多,但係我宜家疫情因為開銷好少,所以屋企人係一蚊都唔會比我,我用嘅錢全部都係疫情之前儲落。疫情之前嘅零用錢每個月都係只有千幾蚊。 我唔覺得我蠢,亦都唔覺得自己善良,只係呢個世界嘅壞人越來越多,我先會顯得「善良」,我真係好希望身邊嘅人都可以有幫人嘅諗法。 打呢篇文純粹發洩吓,同埋想各位知道其實你嘅一個小舉動已經可以幫到人。 我知道我講嘢有啲一舊舊,希望你地睇得明啦,同埋我成日打錯字,大家屌細力啲。admin唔該鋪喺IG(´▽`)ノ♪
#NSS個人 [guest] 第一次投稿 麻煩哂咁多位admin 小弟今年14歲,半年前係網上識左個大我一年嘅女仔,彼此之間咩都會講 心事都會講下咁 但係慢慢呢種關係變咗一種依賴 有一次佢同我講佢同屋企人去staycation ,因為我哋晚晚都會傾計但係突然之間有一晚冇同佢講嘢,令我好唔自在亦都好孤獨。嗰晚我喺張被入面,好耐都瞓唔著,亦都係嗰個時候開始發現我對佢有一種依賴。 去到正常返學嘅日子,我每日諗嘅唔係考試而係放學之後可以同佢傾計,每次起身第一時間就係同佢講”早晨” ,放學之後我就會講”我放學喇你呢?”變咗例行公事咁,我啲friend見到都話“佢係你邊個搞到你日日都要咁樣同佢講嘢, 係唔係女朋友?” 我每次都答返佢哋“咪傻啦“ 雖然我真係可以表白,但係咁樣會破壞我哋嘅友情,表白係一個非常之唔負責任嘅行為 去到某一晚我飲咗少少酒,講嘢唔係咁清醒,咁啱我哋講到關於男女朋友嘅話題,佢問我“如果你有女朋友我會點?“ 我答唔出,因為我好清楚知道當我有女朋友我哋關係唔會好似而家咁樣,就算佢有男朋友都會係咁。我終於發覺到問題有幾嚴重,依賴變咗一種共存嘅模式冇咗佢好似唔得咁。 究竟我應該要點做…… 多謝你睇到呢度, sorry for 1999 ”
#NSS個人 [Guest] 純粹放負… 我不爭氣的望著又紅又痕又爛嘅皮膚,喊咗… 我如常地用死海鹽水搽全身, 佢今次唔同平日, 我好痛,好痛,好痛… 我細個嘅記憶以嚟, 冇擁有個正常嘅皮膚 我唔明點解我咁努力, 換嚟嘅只有核突嘅皮膚… 望住ig上個個著靚衫出街, 好羨慕好妒忌, 因為我知道我連搵一件唔會irritate到我嘅衫有幾難 我已經受夠每日起身第一件事就係check自己皮膚status, 返學出街都要遮住貼滿膠布嘅手, 做功課痕到專心唔到, R到流血先識停嘅日子 但係身邊冇人明, 冇人會講一句關心我, 可能因為我每日都笑著面對人la, 我驚同朋友講佢哋會尷尬, 同父母講佢哋只會鬧唔戒口(which i have