—類投稿

bhjs

#NSS個人 [bhjs] 係咁嘅,小弟大概喺兩三個月之前識到一堆女校嘅朋友(我同學嘅朋友).gum相處咗兩三個月啦, 咁我哋就一齊開咗個共用account(大概有六七個人入到去) 咁最近我就睇到佢地自己dm話要幫我表白(男仔), 咁我見到跟係即刻stop佢地.我都提咗佢哋話要表白嗰個男仔, 如果有奇怪message 唔使理 絕對唔係我send,咁我就以為唔會有嘢發生la. 跟住有一日咁啱要返學( 平時係上網課, day5/6 要返學) 咁放學我同嗰個男仔一齊行去地鐵站,跟住佢開ig,就見到有一個冒充我嘅account dm佢.(對話喺圖片裏面) 返到屋企之後,咁我就問清楚佢哋啦,then有一個人話佢之後要寫文,收集我哋嘅反應絕對有用.大佬, 你呢啲叫收集反應meh. 我唔理你係唔係要寫文, 咁如果佢接受咗呢,係唔係你負責? 好咁完咗之後,佢問我點解決/想點,大佬呢個禍係你自己搞出嚟,你問我點解決,點解唔係你自己諗好一個方法,然之後同我講點解決. 而家心理好大壓力,好L煩,唔知各位有乜嘢解決方法le😿 圖Link: https://ibb.co/7vkkymB https://ibb.co/Gvgrb7M https://ibb.co/sQY4HY4

閱讀更多

HFCC

#NSS學校 [HFCC] 係回應返#NSS210402F嘅。 首先,有人喺留言區話我嘅同學公主病,不如咁呀,你親自去聽堂,我保證你一句反駁嘅嘢都講唔出。 之前公審嘅嘢仲爭少少,我幫我同學補充一下,事原係咁:我哋班1x,果堂係extra lesson,但唔代表你可以唔教書囉。成堂淨係show個Program,叫我哋抄低然後去交功課,你覺得抄功課係教書咩?為人師表唔應該咁。 隔離班另一個老師有比notes,好有耐性教,同我哋班老師比簡直係雲泥之別。如果唔係我哋今年有疫情,分唔到精英班,仲大劑。聽講佢會分別對待,精英班會對佢哋好,唔係精英班嘅又有另一個態度。 已經唔係佢講shut up嘅問題,係態度問題。我知道所有人開cam應該都要要露樣,但係態度唔使咁強硬嘅,而且你浪費咗上堂好多時間。成堂幾乎三份一時間就喺度俾你教人點樣開cam。我想問,開鏡頭係唔係考試范圍啊? 純粹發洩,如有不敬之意敬請原諒。 Admin pls po ig,thx Sor for 1999

閱讀更多

𝔠ꏳsɔ

#NSS學業 [𝔠ꏳsɔ] 介紹返自己先 今年讀緊中一 小學成績一向唔算差 但係上到中學之後 test quiz 陸續有來 我自問係都幾重視成績嘅人 所以每次都會温到好晏 差唔多2,3點先訓 4,5點再起身再温 雖然我身體上承受到 但係真係好大壓力 成日覺得自己做到唔夠好咁 好多好多負面情緒 起初我都會po動 希望有人安慰下我 但係冇耐我就覺得自己好似好自私 呢個世界唔只我一個人頽 我唔想因為我嘅情緒而影響到其他人 所以好多時都係收收埋埋 但係喺人地面前扮無事真係好辛苦 每次返學都好似做緊一齣戲…

閱讀更多

Olc

#NSS其他 [Olc] 大家好!我今年14歲, 我有一個已經識左6年嘅bff(簡稱a)a自從上左F1開始,佢就不停係ig度dm人,識一大堆網友, 其實識網友係冇問題, 但係真係識得太多, 佢識男仔,仲拍埋拖,D男仔好多都係D大陸呀台灣呀,甚至馬來西亞,佢地多數係係大佢好多,呢件事我同另一個都係同學都知,我地其實好反對佢咁做,其實拍拖唔係唔得,但係我覺得人哋根本唔係真心鍾意佢,已經同a講過好多次,但係佢都係吾信。我曾經試過搵我個幼稚園同學dm a個男朋友,問佢有冇女朋友,佢竟然話冇! 仲發現現原來個男仔喺網上識咗好多女仔, 之後我send返個cap圖比a,佢竟然話無所謂!寧願做人第三者,都吾要分手! 吾知大家睇完之後覺得點 ,不過最尾a都有佢分手。多謝大家睇到呢度。 Sor for1999

閱讀更多

GUEST

#NSS家庭 [GUEST] 我真係受夠,好辛苦….. 小妹由小學開始阿爸就唔係身邊,去其他地方工作,加上佢脾氣唔好又同我阿媽關係好差,所以我基本上完全冇感受過父愛。節日返黎佢次次撩交嗌,又唔負責咁樣,所以家頭細務都係阿媽負責,變到阿媽一個人照顧我同家姐真係好辛苦。 我理解阿媽辛苦,但係就係因為呢個原因搞到阿媽成日拎呢d嘢話我。佢返工辛苦,家姐又搬左出去,我幫手煮飯做小小家務咁,我記性差,有時候我唔記得要整d咩餸佢返黎就即刻話我,話完呢樣又話我以前d嘢,次次佢放工返黎第一句都係問我煮左餸,其實好煩但係我次次都忍。成日同我講要比心機讀書,我都唔想佢擔心我呢方面所以我已經好努力,成績都唔錯,我比佢睇我今次考得點點點佢又hea我,我講笑話你咁hea嘎,如果佢心情唔好就話我你唔見到我係度忙咩,然後又翻舊賬。我琴日搵唔到八達通,唔知係咪唔見左,佢由琴日鬧我鬧到今日朝早,我都算,之後又翻舊帳,我遲d要考試,本身準備去溫書因為時間緊逼,佢係度話我話到我連溫書嘅心情都冇曬,明明係佢自己撩起係度話我,我咩都冇講過,又話咩你唔係要溫書咩,話你幾句又咁樣係度呆坐浪費時間,仲話要溫書,你根本就冇心溫。 我真係就黎火山爆發,明明次次都係佢撩起身搞到人地心情唔好,家姐就係因為咁所以搬左出去住,佢又淨係識話佢冇良心,辛苦搵錢供佢讀書依家有毛有翼就唔理我地,又唔識檢討點解人地唔想同佢一齊住。我知你辛苦,我都理解幫手分擔下家務,但係唔好以呢個理由係咁指責我嘅唔好,我唔開心嘅時候搵同學傾你又話我係咁睇手機,其實你想點?我真係好辛苦,好羨慕人地一家人開開心心,日日驚比佢話真係好難受……..

閱讀更多

Guest

#NSS個人 [Guest] 小妹今年f3 自問自己個胸無係好大嗰種 但係真係覺得好尷尬 想問下除左束胸衣之後有冇方法可以令個胸望落去細啲?著sports bra係咪會細啲?定係其實都差唔多?希望各位可以解答下我呢個問題🙏🏻亦都希望大家友善少少thx🙏🏻🙏🏻唔該admin

閱讀更多

希望一切安好

#NSS個人 [希望一切安好] 唔該admin po ig,thx 以上係我隻手界手後嘅示意圖,小妹不才,請多多包涵。 希望admin唔好ban,如果ban咗就po另外一幅圖thx 如果冇ban,第一幅圖,紅色係傷口位 如果ban咗,幅圖藍色嘅位係整個界手位置,幾乎全部都係疤痕。 _______________________________________ 我係之前投過稿嘅女仔,#NSS210317E,距離上次投稿到宜家,已經過咗一個月,呢一個月過得好辛苦。 我細個被人排過,每日都被人蝦,成日都喊,老師見到都只係叫同學道歉,跟著之後佢都係繼續蝦我。我冇同父母講,我唔想佢地擔心,佢哋亦都唔會問,只要成績ok佢哋亦唔會理我學校啲野(有時都會對父母有少少失望嘅,媽媽唔記得我讀咩科,老竇連我幾時生日都唔記得,不過佢哋都好錫我)。 後來升咗上中學,我好難得咁識到一班朋友,一開始同人講野都係好辛苦,但係喺朋友嘅陪伴下,我同其他人講野都冇咁驚。時間耐咗,我以為我已經冇事。只係最近開始被朋友排,我唔明點解,我明明乜都冇做過。 點解次次都係咁?我乜都冇做過,冇講人壞話,次次有人需要幫手我會去幫。 我開始界翻手,我好驚見到佢哋,我諗翻起細個被人排嘅經歷。 每次見到佢哋我都覺得好嘔心,好唔舒服,好驚,透唔到氣。 冇人知道我唔開心,亦都冇人會關心我開唔開心,畢竟與佢哋無關,我諗冇人關心我都係正常嘅,就算佢哋關心我我都冇辦法同佢哋講我有事掛。 每次喊都要哩埋自己一個喊,鎖係自己間房到喊,早上喊到夜晚,喊到頭痛喉嚨痛。真係好辛苦,我唔知點解我唔開心,我想有人陪下我關心下我,但係唔會有,我諗我亦都唔值得有。就算有人關心我,我應該會下意識拒絕,我知道時間耐咗佢哋都係會覺得我好麻煩,跟著離開我,我唔想再被人拋棄。 我唔敢同人講,我唔想父母擔心,我唔想佢哋關心,佢哋嘅關心令我好大壓力好辛苦。 我唔想其他人知道,我唔想被人歧視。 有時我覺得呢一切都好唔真實,點解我會唔開心?點解我會界手?點解我會被人排?點解我見到人會驚? 我係咪有問題?定係我以為自己有問題先覺得有問題?定我以為自己有問題先令到自己有問題?我諗唔通。 好多野都好驚,每日都過得好辛苦。 天氣越嚟越熱,媽媽亦開始收埋冬天衣物。 我要諗辦法遮住手臂嘅疤痕,我試過買遮瑕遮。但係疤痕嘅顏色太深,要遮蓋嘅範圍又太大(手臂6成都係疤痕,有啲直界,有啲橫界),仲要有啲疤係凸起,根本冇辦法遮住。我打算揾遮疤痕貼,有冇人知可以邊到買?

閱讀更多

lck

#NSS愛情 [lck] 小弟13歳,啱啱中一 入學到依家啦,就同一個女同學成日傾計,就慢慢變friend 就令到自己好像對她有feel,愚人節佢就話鐘意我,but好大成分係講笑 小弟應該點做

閱讀更多

guest

#NSS個人 [guest] 究竟有冇人同我一樣對結焦/mit傷口/流血有種執著 小妹係一個好奇怪既人,我唔知幾時開始對撕結焦有種執著。例如我見到我腳上有一個傷口啲血乾咗,我就一定要將佢mit走,然後搞到佢再流血。甚至如果我咁啱剪咗手指甲滅唔到,我會拎介刀慢慢挑起啲結焦。重複咁樣撕幾次之後就會留印,所以我依家手腳都好多疤痕。 有一次我唔小心拗爆咗嗰蚊爛,個傷口位流組織液,我第一反應唔係去消毒,而係覺得好有成功感。 另外,我好經常用手指甲大力刮耳仔(耳窿外面嗰部分),明明本身冇傷口,我都會控制唔到自己隻手咁想刮到佢流血,最嚴重試過整到隻耳流組織液。 以上情況平時我都有做,但係有時壓力太大/驚既時候會更加嚴重。 有冇人都係咁樣。或者咁既情況其實係唔係我有啲變態? 圖Link: https://pic.pimg.tw/amedwound2013/1390282685-1491538829.jpg

閱讀更多

TPSY

#NSS學校 [TPSY] 唔知係咪我哋學校奇怪la,學校唔俾我哋飲所有有茶嘅野,連檸檬茶都冇

閱讀更多