#NSS學校 [Guest] 小妹今年form 1仔🙈想講一個曾經同我好friend嘅人，但係事實上佢係個雙面L , 人前人後兩個樣，喺我面前講人哋壞話，扮到同我好friend咁，但喺人哋面前就講我壞話🙃咁都算，仲要每日都話鍾意唔同嘅仔🤡我同男仔friend玩吓，都話我搶佢條仔🤡好心啦佢，又唔係特別靚女🤡咪咁自戀啦日日喺度F F🙃前日佢開直播，喺度周圍唱我🙄仲要無啦啦講返小學三年級😂話我抄佢listening考試，仲話我靠佢先可以攞到九十幾分，佢攞100分咁樣🙂但係事實係我嗰陣唔係坐喺佢附近😅同埋根本我Listening考試冇攞過90幾分🤡真係onL9🥲 究竟有咩方法先可以避免再遇到呢啲八婆🥲 Sor for 1999🙈
#NSS學校 [Guest] 比老師差別對待真係好唔舒服😵💫 件事係咁嘅，小妹上到中學之後成績唔係好好，不過一開頭其實唔係好理，到之後啲測驗成績都算ok。但係上學期考試就一般般。 自問唔係讀書好叻嘅人，不過真係有讀書，測驗考試都唔會Hea考。上學期Science exam 肥咗，個老師（班主任）就開始好似針對我咁。除咗我仲有另外幾個同學都係咁。 之前家長日嗰陣，我已經準備會俾佢話。但係我真係冇諗過佢會踩到咁盡，佢講嘅嘢完全唔係事實只係佢嘅猜測，亦都唔俾機會我講任何嘢，淨係會否定我想講嘅嘢。 佢好似覺得佢好了解我哋，佢講嘅嘢就篤穿咗我哋諗緊嘅嘢咁。(Sor or 199唔係好識表達嗰種感覺） 總之佢講嘅內容大概係，冇溫書，冇認真寫筆記或者係寫啲筆記冇用，係咪冇交功課等等。 但係事實上其實全部都只係佢嘅猜測，有啲科目佢唔係好了解評分嘅準則（計平時分功課分嗰類）佢就會直接質問我。 但係其實我平時都有交齊功課，佢唔知就直接攞呢樣嘢質疑我。可能我心靈比較脆弱，佢講到呢度我已經好想喊。 之後佢越講越過分，開始話我人品問題，果下我真係忍唔到直接喺佢面前爆喊。 之後我阿媽拉咗我出去，我阿媽就同我班主任傾咗陣。我阿媽都知個老師有啲針對我，所以冇聽佢亂噏。到我情緒冷靜返少少入返去嗰陣，佢仍然串緊我⋯最後我阿媽睇到我唔對路，就完咗個家長會。 自從果次之後我就好唔鍾意呢個老師，因為之前佢嘅處事態度已經有問題，呢次家長會俾我嘅陰影都好大，諗起就會有啲想喊。 而且而家佢對成績比較差嗰啲根本就係唔會理你，上堂佢都淨係會注重係成績比較好嗰班人，好似忽視左其他人咁。 其實都唔係我個人嘅差別對待，佢都唔係淨係針對我，因為我身邊有幾個friend同我同一班，都係家長日俾佢話到喊且之後上堂都唔理我哋。 雖然我都係繼續學我嘅嘢，但係好似每次上堂都會影響到情緒。之後返Face To Face真係好鬼唔想見到佢😵💫諗起佢都會諗起呢件事。 Btw件事帶出嚟嘅陰影真係唔知點解好似好大，好想唔諗起呢件事，但成日都喺我腦度排回。 雖然知佢講嘅嘢唔係真，但係都好似俾佢係咁影響。 第一次提稿
#NSS個人 [ccchwc(應該唔會用到？😅)] 咳咳 我係一個正正常常嘅人啦 （掛？）雖然有一排啲frd都話我kamkam哋 但係一向樂觀嘅我就梗係唔會理啦 然之後 我突然發現自己好似太樂觀 姐係聽抑鬱歌都想笑嗰種 我都唔知笑m9 但係就係一日至少笑十幾次果種 之前我試過扮唔開心 所以被人話kam 因為一啲都唔似 … 😌（不是笑點低wo 係冇啦啦笑） 但係我一出世就係咁 好奇怪 可能我冇咩唔鐘意嘅野掛 我連成績跌咗超多 被阿爸阿媽鬧咗三日三夜 一開頭都幾唔開心嘅 但係後面就一路溫書一路笑 🤔（然後佢哋話我成績咁差都咁開心
#NSS個人 [GUEST] 我由細到大都有濕疹，但近呢幾年先嚴重咗，手摺臂位最嚴重，見到微絲血管層，冇一日係唔紅，重要成日腫起，最近連塊面都開有… 就算搽類固醇或者食中藥調理都唔係好大作用，因為可能嗰排好返少少，之後都會嚴重返。 重點係我心情會受濕疹影響，長期係低氣壓嘅狀態，學業方面更加專心唔到! 我更加因為濕疹而自卑，我可以embrace我外在缺陷，但唯有濕疹我做唔到。雖然我會同朋友講我有濕疹，但唔係好多知我咁嚴重。無論春夏秋冬，好多時我都會儘量著長袖，應該會有好多人會不解我點解長期着長袖，甚至係之前好幾個男朋友面前都唔敢着短袖，因為我覺得腫起嗰位好核突。可能咁樣叫唔太敢暴露自己嘅弱點?? 我只係會敢係屋企show俾屋企人睇。 同路人抱抱一下🫂唔知有冇人有啲解決方法/同樣煩惱?
#NSS其他 [N/A] 是咁的 小弟同Ex分咗手有幾個月，其實小弟一直都放唔低 小弟同咗一個鐘意同追咗好多年女仔一齊咗 我發誓佢係我第一個亦係最後一個 亦有諗過好多末來 拍拖嗰段時間又開心亦有唔開心 渡過一個有一個難關 (啲難關正常情侶係完全體驗唔到) 當然我會用開心嘅回億去掩蓋同佢唔開心嘅回憶 所以甚少會有超級down嘅時候 無論嘈交之後定點 之後都會去搵返佢解決 但係最終都係分咗手 最可笑嘅係我將佢同我分手嗰陣時講嘅嘢信以為真 話之後我哋各自忙完之後可能可以一齊返 你之後我都唔會搵下一個 我帶住呢個「謊言」渡過一日又一日，一週又一週，一月又一月～ 其實我同佢分咗手之後十分之著緊佢既生活順唔順利 有樣嘢好奇怪嘅係每次我無啦啦情緒極低落，佢IG都有post一啲放負嘅story(我係唔知道嘅，冇follow佢ig，有人同我講返/我問人，我知我犯賤唔好屌住🤣)，好似有感知能力咁 但係我一有「感覺」嘅時候問返朋友，都會有一啲驚人嘅發現 就係一點又一點嘅「蛛絲馬跡」指向佢有新男朋友 (唔知點解個人就係又好似女人嘅第六感咁🤣) (呢個我都想笑吓自己先)
#NSS個人 [Guest] 小弟今年中三，我想講我最近開始就好抗拒返學都好似有少少精神問題。 係咁嘅，本人係一個雙性戀，上年我鍾意左一個男同學，隱晦表達左自己嘅心意，試到佢係有D反同之後就放棄左追佢嘅諗法，佢都知道左我係雙性戀，但之後都做左frd，有時都會wts傾，但係有一日佢突然完全唔覆我，之後我都無糾纏搵佢。 開始我都覺可能人哋唔想同我做frd所以無再理我，我都冇太care呢件事，但係有一個frd同我講佢周街唱我係雙性戀又話我心機重，唱到差唔多半班都知，我就開始唔想返學，我驚人哋會歧視我，事實都話俾我聽我嘅預感係啱，我開始feel到身邊D同學開始同我保持距離，而本身去到今年中三就因為分班機制同疫情根本識唔到幾個frd，特別係我喺我嗰班本來就得一兩個傾到計嘅情況下就更加雪上加霜。。 我開始對返學產生恐懼，一返到學校我都會覺得好緊張，唔想喺班房，甚至經常性生理上感受到尿意，大概10-15分鐘，但係我次次去廁所，其實又無嘢，而去其他地方都無呢種感覺，但預防萬一我都偷偷去左買尿片，我有D開始依賴，我又唔知點講出嚟解決，因為都幾尷尬，再加上又無幾個frd又唔想同屋企人講。 而上年我嘅胃就病得好幸苦，唔食嘢就會胃痛，好似胃抽搐咁，食嘢我又想嘔，但又嘔唔出，一直無時無刻都打隔，甚有時會唞唔到氣，真係好幸苦，睇左成年中醫先好返D，但係我覺得無論身體定學校生活喺呢一年多嘅事情都好影響我嘅心理，好幸苦都好無助，特別係我父母又勁傳統，我又無咩frd，我唔知同邊個講好，搞到脾氣越嚟越差，心情又經常性低落，我應該要點做。 Sor for 1999
#NSS個人 [GUEST] 急！！！！！求求各位巴打絲打同我講吓面對住個痴線婆應該點做？？ 本來我就放咗學搭緊地鐵㗎啦，啱啱好揾到個位想瞓埋程車嗰陣，我隔離就有位睇落好似f3嘅女仔喺到狂笑。 咁我就心諗「吖，唔知有咩咁搞笑呢」，就偷偷地望咗佢部電話一眼啦。睇落正正常常嘅dm，冇咩好笑咁，點知對方一發咗個普通嘅emoji之後，個女仔開始係咁嗌，嗌到到成車人都望晒過嚟。 「我男神應我呀呀呀呀呀呀呀」「哈哈哈哈哈哈哈哈哈」 我撚知佢點解收到個emoji都好似見到耶穌咁歡樂啦，但我都凳佢dm緊嗰位慘。而家搞到成車都雞犬不寧，不過香港人又真係香港人，個個都寧願做旁觀者好過，所以為咗成車人嘅寧靜，我就問咗佢句「你冇嘢吖嘛? 人哋send咗個emoji啫」 佢成個人即刻起剎咁開始爆粗鬧我，「屌你老母個臭化閪呀呀呀呀」「你侮辱我男神個emoji呀呀呀呀」 嘩，我屌，喺呢刻我發現咗原來口水穿透到口罩，一飛一飛咁打在我面上。 本來我都係想瞓程車返屋企啫，點知令到我認識痴女嘅恐怖。最後我都係喺下個站落車再等下班車返屋企。 死啦，一放完假之後又要返學，喺同一條線又撞到啲痴線婆痴線佬應該點做好？呢啲痴媽筯人士係咪成日都有㗎？
#NSS個人 [GUEST] 做朋友唔係應該互相信任嘅咩 小妹第一次投稿 想分享個人經歷感受 是咁的，唔知點解每次個frd同我講完秘密都一定要喺後面加句：記得唔好同任何人講！個人認為都識講係秘密 大家之間如果互相信任 識分輕重 仲使擔心呢個問題 無論秘密定點都應該？仲有次 上佢屋企（得到佢屋企人批准）佢又話：返到學校唔好同人講！ 當時呆L咗 點解做frd好似要地下情咁…？乜都話唔好同人講 我又唔係喇叭嘴 講呢啲字句有意思咩…就算之前識啲frd而家冇frd都唔會將佢哋秘密爆出嚟 覺得過咗冇必要再提 好啦唔講信任問題 喺學校 你同我傾計陣時 但每次某人嘅出現你都會一次一次咁拋棄我 係避忌我定驚咗佢？大家都係00後同年級 無分彼此 小組討論分組嗰啲 明知我係對你真心 某人淨係當你水泡
#NSS家庭 [Guest] 其實以眼還眼，成個世界都變盲 話說今日我去探我病左嘅公公，咁本人好鍾意聽日文歌，不自覺都唱出來。咁我想表達嘅重點係，我阿公聽到我唱日文歌我阿公就同我講話：全部日本人都係仆街，應該全部去死，我都唔應該聽日文歌。 咁我完全明白佢嘅感受，佢經歷過日治時期，佢嘅父親被人當面毆打，佢有憎恨佢都冇乜錯。但係而家黎到2022，當年日軍都死晒，以眼還眼其實有咩意思？大家都係正常人，點解唔可以寬恕吓？ Joyner Lucas講過：hatred all in your brain, it slowly starts to convince you, and then you teach it to your children
#NSS學校 [GUEST] 小妹今年F2，前一排就遇到五條on9，咁呢條友就係同我一個best friend 係本身就認識嘅，本身以為佢哋真係好好，跟住相處落去發現佢哋根本就係雙面人，對住我就扮到好好，喺我背後講我壞話，跟住無啦啦嗰五條on9其中一個人就好憎我，但係根本我都唔知我做錯啲乜，就算我做錯咗點解唔可以同我講姐大家一齊解決唔好咩？跟住最過分係仲要亂咁作啲嘢，講晒比全世界聽。話說之前我同佢哋出街，佢哋憎左我但係又要約我，跟住成程佢哋就係咁小圈子，唔理我就算我問佢一d野佢都好敷衍咁答，係呢一刻我發現我自己比呢班人冷暴力。講真小妹由細到大都冇試過，所以嗰一刻真係好難受。仲有之前我嗰陣應該盲咗，鍾意咗佢哋其中一條on9，跟住佢就將我講晒所有秘密比佢講啲嘢講晒比佢所謂嘅朋友聽。跟住佢哋勁賤格佢哋特登喺暗地裏話，我已經成功拆散左佢哋嘅關係等等….因為經過左呢件事之後我唔想再同你做朋友，我就delete咗佢哋close friend 跟住佢哋勁嬲?????但係點解佢哋唔諗吓佢哋做咗啲乜所以我先要delete 佢哋。仲有有條仔鍾意我個best friend，本身我以為佢係邊一班人最好嗰個，其實佢先係最賤格，佢特登利用我幫佢溝到我個friend，之後仲要分咗手喺度扮晒傷感po story 想人哋關心佢。最後我諗佢哋都唔知道其實我乜嘢都知：） 求Admin幫我post Sor for 1999