—類投稿

GUEST

#NSS學校 [GUEST] sry篇文少長 係咁嘅 小女係女校form3 上學期第一次認認真真咁鍾意左一個人,自己本來對性取向方面都冇乜執著或者反感,所以得知自己鍾意左佢嘅時候都唔係好意外,因為其實一早就有徵兆係我自己當時冇察覺到。從呢度開始我就堅持佢A啦。 由form1去到form2我地都係同一班,坐得都好近,最近都試過做同桌。自認f1-2同佢關係都幾好,至少我地唔開心會互相傾訴,會打打鬧鬧咁,宜家諗返都係好開心。雖然我對f2學校生活嘅記憶淨返好少,但係都好記得學期初允許出校門食午餐我地係點樣衝出去校門買飯又係點衝返去學校。跟住就去到f2下學期啦。f2下學期肺炎就出現左,不斷停課,我地都只可以係ig上面傾計。而係我不知不覺中我已經比左佢第一個特權:我同人傾計好少甚至唔會用語音,但係對住佢我冇所謂。乍看之下呢個特權好似好普通,但係我本身係一個好討厭send語音嘅人,但係對象係A嘅話咩都冇所謂。 去到f3,分班之後,我同A唔係同一班。當時冇太大感覺,只係覺得可以同佢翻學放學都已經足夠。但係隨住因為唔同班而相處嘅時間越來越短,我發現左我地之間嘅共同話體已經變到好少。最慘嘅係我仲要係個陣認清自己鍾意A。 鍾意左佢之後先發現原來暗戀係咁難受。 我都知佢有鍾意嘅人,我叫佢B啦,都係我地學校嘅,f1都係同我地同一個班。B係f1個陣對F黎講應該係比我仲重要嘅存在 大概宜家都係咁啦(苦笑 咁樣我都冇乜所謂啦 但係A仲要唔知一次同我講之前去旅行嘅時候B靠係A脖頭上面瞓著左。每次聽到嘅時候真係好唔開心個心好悶。但係人地鍾意邊個係佢自由,我都冇將我嘅酸氣發洩出黎,只係係隔離不時附和幾句。(f3上學期 到f3下學期啦 我地都係好似之前咁一起放學翻學,但係我地之間嘅氛圍已經同之前唔同曬。唔知係因為佢同我都比之前成熟左定點,唔知係因為唔同班生疏左定點 我地講野都冇以前咁隨心 起碼係我咁覺得 宜家嘅話題得返學校嘅野 選科嘅野 我好想佢同我講下佢嘅私生活啊,佢嘅煩惱啊,佢唔開心同我講多啲好冇好冇好冇? 最心疼嘅係佢同其他人可以傾得好開心,好豪邁,但係對住我都係一句起兩句止。每次我都搵話題搵得好辛苦,但係得到嘅回應都係好冷漠。我每次就會怪責自己嘅笨拙 點解唔可以再搵啲更加有趣嘅話題? 我同佢嘅興趣亦截然不同 佢鍾意韓星 我鍾意日本動漫同睇小說。玩嘅game類型都完全唔一樣,聯唔到機,ig傾計又尬聊。我究竟點算好,我真係好鍾意佢,鍾意到每次同佢搭地鐵都忍唔住靠近佢,相比佢稱讚,想同佢擁抱,想佢摸下我個頭。但係呢啲終究都係我嘅幻想。

閱讀更多

school in tkl

#NSS家庭 [school in tkl] Topic: WW3 我服9左我細佬,成日話中國會用核武同美國攬炒,我就同佢講返其實戰爭嘅意義係咩,核武唔係亂用嘅,但係佢依然唔聽,究竟係我本人嘅問題定係佢嘅問題呢?

閱讀更多

GUEST

#NSS個人 [GUEST] 呢件事我好高調咁同人講,認得我戈啲可以低調地爆我出嚟(x)講完笑入正題 – 我本來已經唔係一個會自己搵話題嘅人,基本上去戈啲匿名交友app都係對方開話題,你問我答討論咁樣。 問題嚟啦,遇到有好感嘅異/同性/人 咁梗係加佢長傾啦。啱啱識可能因為匿名嘅關係我會好似對普通朋友咁,傾啲痴線嘢;加咗之後對佢有進一步好感之後我唔點解自己會收斂(?)返啲,然後我就唔識傾計或尷聊。 尷聊係乜? 咪即係你同我講你食緊飯 我問你食乜 你答我豆腐火腩飯 我問你好唔好味 然後冇下文 咁囉:) – 所以點樣同有好感嘅異/同性/人傾計

閱讀更多

guest

#NSS個人 [guest] 回覆 #210331I yes 原po 我笑死咗 其實只係張件事拎出嚟講下 純粹試探下某啲人 結果令我笑死 我真係好好奇 一個人點樣先可以厚面皮到咁

閱讀更多

GUEST

#NSS個人 [GUEST] 今年F3 話說阿哥讀醫 我阿媽係咁叫我學阿哥 咁樣就可以一世過安樂生活 但我都係唔明 點解一定要讀神科先可以過安穩日子? 我反而好羨慕出面freelance geh工作者 我geh夢想係一個musician 我阿媽就話 你讀左神科先啦 好似梁卓偉咁 然後先再發展音樂 我覺得我生命得一次 點解一定要我跟佢想我行geh路 係我geh問題 係我唔識唸 定係點

閱讀更多

唔知算唔算長文慎入

#NSS愛情 [唔知算唔算長文慎入] Admin pls po ig thx 我鍾意咗個男仔…(下稱x) 小妺12,中二,人哋話我係女神(唔係人稱校花女神😂😂)(利申:非當時po主) 一直咁樣比人講,覺得好大壓力,成日驚做得唔好,有時都會驚比人蝦 上星期某天小息果陣,我自己一個係課室入面唔知做乜 兩個close friend ,一個肚痛一個欠交功課留堂 自己一個坐喺度,冇野做,突然間班入面最咸濕果個男仔嚟咗撩我… 果陣我覺得好驚,話可唔可以比佢揸下摸下,佢愈講我就愈辛苦 好想喊 突然間 x過嚟幫我解咗圍,話: 「你可唔可以唔好咁過分,人地好辛苦㗎!」 果下我喊咗出嚟 尋日,我同朋友ig傾計先知原來x鍾意咗我好耐,但係唔夠膽講 #心動了 Sor for

閱讀更多

Guest

#NSS家庭 [Guest] 成日見到啲人都好想要個細佬/阿妹跟住又話我有細佬好幸福。有冇人同我一樣唔想要細佬/阿妹。 小弟我係F4。細佬係F1 1.佢成日係到睇斗陰,我聽到嗰啲聲就好反感。 2. 成日都偷睇我手機,有時候send個message都喺隔離係咁望,我都已經行開 佢仲不斷過嚟望。 3. 我就同佢一間房,就覺得自己好冇私隱,有時候想同啲friend講下野,都唔得。 4.雙標,成日我喺到溫書做功課,佢就死到要喺隔離打機,仲要開到好大聲。有次我喺到練琴,佢嫌我吵住佢打機,跟住不斷叫我出廳。 5. 小學雞,佢打機嗰陣聽到佢同啲高form嗰啲人打機,跟住話佢哋小學雞,佢自己啲行為仲更加小學雞,成日喺到搖個頭,整啲頭髮,扮型。跟住成日都扮到高高在上。最重要係佢成日喺到串人,覺得自己好勁咁樣。 我真係覺得佢煩到嘔血 Sorry for 1999&錯字

閱讀更多

guest

#NSS個人 [guest] 〈有啲長〉我想傾吐心事。 是咁的我今年15,F2,18年留級讀咗兩年F1,我19年識到兩個frd佢地改變左我,唔講佢地。我3歲開始掂電腦,屋企好忙冇人成日睇住我,就只可以同電腦做朋友,沉迷網絡。嗰陣時我就已經覺得我係電腦面前係最輕鬆,我會咁樣係因為我由細到大都屋企人從唔允許我反駁同唔睇話,亦都係咁我其實唔擅長表達自己同無主見,淨係識聽人支笛。咁樣既日子過到小學五六年級,我接觸既人群都比我大就思想都跟著變得成熟,越來越討厭咁樣既自己,但我冇辦法脱離因為太耐啦。 後來我去到中學F1(18年)我想嘗試脱離之前既狀態而嘗試入圈子,一開始係成功但我就好似同世界脱軌咁慢慢就出咗黎,我就因為入camp識到師兄師姐同佢地玩得好埋就比人話溝高form,然後期末考成績表總平均分係49.99,ok我成功以0.01既差距留級,唔緊要當新開始。我19年F1竟然識到兩個好包容我既朋友,我到而家都好感謝佢地。 只不過19年10月5日我開始沉迷一個叫VRChat既遊戲,其實佢唔算遊戲佢係社交平台只係有個角色同語音,我就係咁就用兎ちゃん呢個名係入面玩(我識日文),呢隻係5成英文4成日文1成其他語言,我係入面用日文同好多人接觸,亦都係入面好渴望追求同讚賞,但其實呢隻game既人都只係麻醉劑咁麻醉自己,我越玩越諗返起,我係幾不堪,覺得自己個心支離破碎,挽救唔到只能用好似有用既膠布黐住但其實都係冇用,啲痕都係係到冇消失過。我好沉迷比人追捧既感覺,直到我而家遇到我男朋友,佢帶我離開呢個game,同救咗我既心,佢用著佢好多疤痕既雙手幫我一片一片執返起,我好感動,雖然佢都係日本人仲大我11年,係佢令我發覺我仲有身邊人可以相信唔只佢一個。 我有兩個玩咗就黎兩年既frd,佢兩個係我15年裏最close既兩個,一個係開學就坐我隔離,原本話要改頭換面,做淑女俾我搞到失敗既bitch,同一個開學冇幾耐放學問我可唔可以做朋友既2號bitch,我真係好愛你兩個,雖然我知你兩個唔愛我(´;ω;`)我好多謝你地接納我。 雖然好長,但我好想講一次出黎,可能好亂,咁就對唔住,我表達唔到好直接,抱歉見諒。 如果要屌唔好咁大力,我gang

閱讀更多

GUEST

#NSS學校 [GUEST] 我成日返學都比人望著 (sorry for 1999,錯字 長文 我同A同學係小學同學,升上同班中學,佢坐係我隔離,自然我地都好熟下。 A同學之前同B同學最frd,但係近排吵咗架,A同學多咗時間,就同我講多咗嘢,B同學就眼紅。(可能覺得我搶咗佢嘅前best frd,雖然吵咗架 有一日佢突然問我最frd嘅,C同學有冇討厭過我(我從C同學嗰度知返黎嘅,感覺佢係同C同學講我嘅唔好,想分開我同C,取代我成為C嘅best frd。 本身我認為我同C咁frd,咪是但佢點講囉,我又覺得B冇咗A後好孤獨,佢想同C講野好正常,可能可以幫到佢。 但係最恐怖係B成日望著我。 我上堂, 小息, 放學都感覺有個人,從頭到尾咁觀察我。 點算好 我-A(frd)-B(前frd)-眼紅我-C(frd) 唔好意思我講到咁唔清唔楚🙇‍♀️,但係我係真心想大家比d意見 雖然有d小學雞,但係其實呢d事都會發生係中學 本人親身經歷 唔係故仔

閱讀更多

BH

#NSS社會 [BH] 想問大家對港女同外國人拍拖有咩諗法?純粹想問意見😂

閱讀更多