#NSS學校 [guest] 小妹係band 2c 學校讀書,成績全級第四,而家學校師資較差,所以想高中上有一個好啲嘅環境讀書。想問下葵青區有乜中學好? 本人文科比較好,最拿手係寫作,數理較差,不過未去到唔合格 興趣係跳舞,出去比賽基本上唔係金獎就係銀獎 初中因為係話劇學會所以有參加中學啲話劇比賽,所以都有幾張證書嘅🤣 #唔知道呢啲對考學校有冇用?🌝 本人住葵盛附近,所以想搵返葵青區中學,但因為本人幼稚園就跨區讀,所以對呢區中學唔了解。😅 我想搵啲band 2A是band 1C嘅學校,唔知我嘅學校同成績有冇資格考😂😂😂 希望大家畀啲意見我🙏thx.
#NSS愛情 [GUEST] 小弟我有個雙胞胎阿哥,由細到大我同阿哥成日都比人撈亂,就算係親生阿爸阿媽都分唔清楚我哋邊個係邊個。我地雖然係同一間學校,但係學校為咗分清楚我哋,所以就分我哋去唔同班。由小學到中學都係咁。我哋喺各自嗰班都好受女同學歡迎,亦有唔少女仔追,但係我同阿哥都無女朋友。由中一開始比啲女同學話我同阿哥好靚仔,我就開始留意多咗自己外表,之後仲成日都想望住阿哥,因為我望住佢就好似望住自己咁。由嗰陣開始我發覺自己好似鐘意咗自己,對其他人一啲感覺都無。但係一見到阿哥就心跳加速。但係我分唔清楚到底我係自戀定係基。因為我淨係對阿哥有感覺。 到底我應該點做,我應唔應該同阿哥講,我覺得佢都好似有相同感覺,因為由細到大我哋做乜都好似,而且佢仲未有女朋友。