#NSS學校 [Guest] 小弟男仔嚟嘅,有時真係諗唔明點解啲女仔咁做係有咩意思? 最近開始換季,嗰日學校上 PE 堂上完返課室,正常人都會好熱,熱到好似隻狗咁樣飲水。不過我隔離位個女仔仲著住件風褸,明明見佢就熱撚到仆街,仲焗住自己啲汗,全班得佢一個係咁樣。 我多嘴咪問一句: 點解咁熱你仲著風褸? 佢就即刻㩒住我個嘴鬧我多事 到底係我衰啲咩? 仲有就係上次佢上堂嗰陣跌咗枝塗改帶,就踢我叫我幫佢執返。我好心幫佢執,佢又不斷用腳踢,雖然唔痛但點解幫佢執嘢又要被佢踢? 執返上嚟之後,佢就用個身喺咁挨落嚟撞落嚟,好似好憎我咁樣。 我想知到底佢其實諗緊咩? 係咪好憎我?
#NSS個人 [GUEST] Admins po IG thank you~🙏🏻 (長文❗) 大家好~小妹今年form 2,有啲問題困擾咗小妹好耐,想睇下大家有冇啲咩辦法可以幫到我😭 是咁的,小妹由form 1升上form 2 嗰陣知道會有隔離班幾位同學轉入嚟我嗰班。因為學期初係跟學號坐,所以我同一位隔離班新轉入嚟嘅男同學坐得好近。我哋初初都係好似普通朋友咁傾下計,因為大家都知道嗰啲俗稱嘅“梗”同埋memes所以就越傾越熟,又會互相開下玩笑咁。中期調過一次位,真係好好彩! 我哋畀老師安排坐得超近,咁就順理成章咁越嚟越熟變成好朋友~ 更friend之後就會開始互串,日日上堂 都傾計、鬥嘴、一齊講笑,嗰幾個月真係好開心,日日都好期待返學 可能因為同佢熟咗所以對佢有好感,佢有一次問我鍾意邊個(我有提過自己有鍾意嘅人),嗰陣時雖然淨係同佢相處咗幾個月,但係唔知點解我會覺得好似同佢好熟咁,就抱住一半開玩笑同一半真心嘅狀態話畀佢知我鍾意佢。 其實我知佢有鍾意嘅人,只不過我都想試下…當然佢拒絕咗,亦都好有耐心咁解釋佢只係當我一個好好嘅朋友,亦都唔想因為我鍾意佢而令到呢段關係破裂,後尾我同佢講我只係講笑 ,睇佢講嘢嘅態度嚟睇都好似原諒咗我,真係當我講笑 畀佢拒絕唔係小妹最傷心嘅事,而係之後我哋有兩個月都冇再傾計☹️呢件事發生之前我哋日日都會喺ig傾計、又一齊打機、story tag下對方咁。小妹開頭嗰幾日都會明白經過呢件事後會有少少尷尬,但係去到越後越發覺大家係冷淡咗😓雖然最近開始復課,因為坐埋一齊嘅關係少不免都會傾幾句 ,可能經過咗兩個月嘅沉澱,大家傾計嗰陣時開始冇咁尷尬,不過好明顯係比以前少咗好多😢 小妹成日好自責點解要咁衝動話佢知,又未分得清楚係好感定鐘意,搞到嚇親佢。不過小妹唔係想希望令佢鍾意我,而係唔想失去呢個朋友,佢同我都有好多共同嘅喜好,我覺得係一個好珍貴嘅朋友, 我而家又唔敢貿貿然去打篇長文問佢嘅感受,因為最近開始多番少少講嘢,如果失敗嘅話咁呢段友誼就真係會徹底完結
#NSS社會 [HFC] 如果香港仲未痴線到咁,舊年10月1日,本來有一位可風出身嘅師姐就會上任立法會議員。 喺舊年7月30號,呢位師姐同11位即將打算參選嚟緊立法會選舉嘅人收到被 DQ的消息,終於見到中共不得不撕下最後一點偽裝,暴露香港從來就沒有「正常」議會政治嘅事實。 今年1月頭,佢因為參加舊年選舉,同其他參加民主派初選嘅參與者一齊比「中国国安」用港版國安法中「顛覆國家政權罪」的罪名大規模搜捕。 其實自從2016年DQ出現,香港人早已失去在正常選舉中投票的權利,今日中國褫奪香港嘅選舉制度,更加係將「民主派」參政之路完全殺死,大家已經再無理由迴避事實。 專制治下,被剝奪政治權利終身已經係最低嘅成本,入獄、比政府告到破產更加係好多民主派人士要面對嘅問題。 Mirror 新歌Warrior有一件新歌講得好好:「大不了死,亦不會避。」。香港民族,仲有得避? 圖Link: https://ibb.co/cC0vcwj
#NSS愛情 [Guest ] Admin po ig thx 我同佢拍左半年拖,一直都有唔同人拆散我哋,直到星期二,我哋分左手,佢話佢鐘意左第二個男人,我一直以為我同佢可以一世,我一聽到,即刻用好多方法自殺,點知點都死唔去,我有抑鬱,佢喺呢半年幫左我好多 琴日醒左,我發夢同佢一齊去返以前我同佢去過嘅地方,同佢好開心咁玩,之後成日,我又繼續諗點樣可以自殺⋯ 今日醒左,我都係繼續望到佢,不過今次去番我哋第一次見面嘅地方 小學 我諗返我同佢第一次見面嘅地方,但係我哋已經好似男女朋友咁,我都係繼續傻更更激嬲你,繼續傻更更咁求你原諒我。 我仲記得我哋拍拖第一次見面嘅地方,我好怕羞,不過又好想見你,諗番起,其實你一月開始,已經冇乜再send emoji 俾我,全部都係hea覆,我好想返返去熱戀期,繼續日日同你講我愛你,我真係好掛住你… 我生日嘅時候你話過我之後每個生日都會陪我,但睇嚟依家唔係啦 我喺好多人心目中,都係一個好大男人,好硬男嘅人,但係其實我唔係,我會為咗我愛嘅人做乜都得,死都可以 BB,你可唔可以返嚟,我真係好掛住你,如果你睇到嘅話,你可唔可以搵返我,我只係想我哋重新認識過,我好掛住你,我好辛苦……